Posts tagged as "Airbus"

យន្ដហោះប្រភេទ អង់តូនូវ (Antonov 74TK-300D) ផលិតនៅប្រទេសរ៉ូស្សី ដែលបានដឹកវរជនសំខាន់ៗ របស់​រដ្ឋាភិបាលប្រទេសឡាវ បានជួបគ្រោះអាក្រក់ ធ្លាក់នៅក្នុងតំបន់ជាប់នឹងព្រំដែនភាគខាងជើង ក្នុងថ្ងៃទី១៧ ខែឧសភា​នេះ។ តុល្យភាពចុង​ក្រោយ បានឲ្យដឹងថា មនុស្សជិះនៅក្នុងយន្ដហោះយ៉ាងហោច២០នាក់ បានស្លាប់បាត់បង់ជីវិត ក្នុងនោះឧបនាយក​នាយករដ្ឋមន្ត្រី និងជារដ្ឋមន្ត្រីការពារជាតិឡាវមួយរូបផង។

យន្ដហោះប្រភេទ អង់តូនូវ (Antonov 74TK-300D) របស់ប្រទេសឡាវ។ (រូបថតឯកសារ)

-----------------------------------
ដោយ កេសរកូល (ទំនាក់ទំនង៖ [email protected]) - ភ្នំពេញ ថ្ងៃទី១៧ ឧសភា ២០១៤
-----------------------------------

ប្រទេសអូស្ត្រាលី នឹងធ្វើជាម្ចាស់ផ្ទះ នៅក្នុងសប្ដាហ៍ខាងមុខនេះ នូវអ្នកទទួលខុសត្រូវជនជាតិចិន និងជាតិម៉ាឡេស៊ី ដើម្បីកំណត់ពីគោលការណ៍នាពេលអនាគត នៅក្នុងការរុករកយន្ដហោះប៊ូអីង នៃជើងហោះហើរ MH370 ដែលបាន​បាត់ខ្លួនតាំងពីថ្ងៃទី៨ ខែមីនាកន្លងទៅ។ នេះជាការផ្លាស់ប្ដូរទៅរកយុទ្ធសាស្ត្រ​ថ្មីទៀត ក្រោយពីបានរុករក​នៅផ្ទៃ​មហាសមុទ្រឥណ្ឌាខាងត្បូង មិនបានទទួលលទ្ធផលនោះមក និងត្រូវបានប្រកាសឲ្យដឹងកាលពីរសៀលថ្ងៃសុក្រ ដោយអ្នកទទួលខុសត្រូវក្នុងសំនុំរឿង ជាតិម៉ាឡេស៊ី។

ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ នៅព្រលានយន្ដហោះអន្តរជាតិ កូឡាឡំពួរ។ (រូបថត Reuters)

បាត់យន្ដហោះ - កិច្ចប្រជុំនៅទីក្រុងកង់បេរ៉ា (Canberra) មានទិសដៅក្នុងការរៀបចំ«ជំហានថ្មី» [...]

ប្រទេសម៉ាឡេស៊ី បានផ្សព្វផ្សាយជាសាធារណៈ នូវរបាយការណ៍មុនដំបូងមួយ និងព័ត៌មានមួយចំនួនទៀត របស់​យន្ដហោះបាត់ខ្លួន នៃជើងហោះហើរ MH370 របស់ក្រុមហ៊ុនអាកាសចរណ៍ជាតិរបស់ខ្លួន បន្ទាប់បានបាត់ខ្លួន​យ៉ាង​អាថ៌កំបាំង អស់រយៈពេលជិត២សប្ដាហ៍មកហើយ ជាមួយនឹងមនុស្ស២៣៩នាក់ នៅលើនោះ។

យន្ដហោះប៊ូអ៊ីង ៧៧៧ របស់ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ។ (រូបថតក្រុមហ៊ុន)

បាត់យន្ដហោះ - របាយការណ៍ដែលមាន៥ទំព័រ ដែលបានដាក់ទៅឲ្យអង្គការអាកាសចរណ៍ស៊ីវិលអន្តរជាតិ (OIAC) ក្នុងពេលមុននេះ ត្រូវបានផ្ញើរតាមទូរសារអេឡិចត្រូនិក ទៅឲ្យស្ថាប័នសារព័ត៏មាន នៅថ្ងៃសុក្រទី២ ខែឧសភានេះ។ នៅក្នុងរបាយការណ៍នោះ មិនមានការដាក់បង្ហាញពីអ្វីដែលបានកើតឡើងនៅថ្ងៃទី៨ ខែមីនា [...]

បន្ទាប់ពីមកដល់ប្រទេសម៉ាឡេស៊ី កាលពីថ្ងៃសៅរ៍ទី២៧ ខែមេសា នៅក្នុងដំណើរទស្សនកិច្ចវិលជុំ ក្នុងទ្វីបអាស៊ីនោះ លោកប្រធានាធិបតីសហរដ្ឋអាមេរិក បារ៉ាក់ អូបាម៉ា​ បានថ្លែងអះអាងជាថ្មី ពីការគាំទ្រអាជ្ញាធររបស់ប្រទេសម៉ាឡេស៊ី ដែលកំពុងតែរកនូវការរិះគន់ ជុំវិញប្រសិទ្ធិភាពនៃការរុករកយន្ដហោះប៊ូអីង បាត់ខ្លួនតាំងពីថ្ងៃទី៨ខែមីនាមកនោះ។

លោកប្រធានាធិបតីសហរដ្ឋអាមេរិក បារ៉ាក់ អូបាម៉ា (រូបឆ្វេង) និងលោកនាយករដ្ឋមន្ត្រីម៉ាឡេស៊ី។ (រូបថត Reuters)

បាត់យន្ដហោះ - នៅមុនបញ្ចប់ដំណើរទស្សនកិច្ចវិលជុំនៅទ្វីបអាស៊ី ប្រធានាធិបតីអាមេរិក លោក បារ៉ាក់ អូបាម៉ា បានអះអាងសារជាថ្មី នូវការគាំទ្ររបស់លោក ចំពោះអាជ្ញាធរម៉ាឡេស៊ី ក្នុងការរុករកយន្ដហោះបាត់ខ្លួន [...]

នៅពេលដែល«វាយតប់»ខ្លាំងៗ ទៅលើបន្ទប់បើកបររបស់យន្ដហោះ បុរសជាតិអូស្ត្រាលីអាយុ២៨ឆ្នាំ បានបង្ក​ឲ្យ​មានការច្រួលច្របល់កើតឡើង នៅលើយន្ដហោះដែលកំពុងហោះហើរ។ ទង្វើរបស់បុរសនេះ បានបង្ខំឲ្យអ្នកបើកបរ​យន្ដហោះប្រកាសអាសន្នមកផែនដី ពីការ«ចាប់ពង្រត់»មួយ និងធ្វើការចុះចតជាបន្ទាន់។ ប៉ុន្តែបន្ទាប់ពីត្រូវ​បាននាំ​ខ្លួនយកទៅសាកសួរក្រោយមក បុរសដែលធ្វើឲ្យគេគិតថា គាត់ជាមនុស្សប្រមឹកនោះ បាននិយាយថា គាត់គ្រាន់តែ​ច្រឡំបន្ទប់អ្នកបើកបរ ទៅនឹង ...«បង្គន់»នៅលើយន្ដហោះប៉ុណ្ណោះ។

យន្ដហោះវៀជីនអូស្ត្រាលៀ ដែលត្រូវបង្ខំចិត្តចុះចតជាបន្ទាន់។ (រូបថត Getty Images)

គ្រោះថ្នាក់យន្ដហោះ - ការភ្ញាក់ផ្អើល [...]