Posts tagged as "Attentat"

បន្ទាប់ពីព្រឹត្តិការណ៍ភេរវកម្ម ដែលចេះតែបន្តមាន មិនចេះចប់ ជាពិសេស ភេរវកម្មថ្មីបំផុត​នៅក្នុង​ប្រទេស​បង់ក្លាដេស (ស្លាប់២០នាក់) និងនៅក្នុងប្រទេសអ៊ីរ៉ាក់ (ស្លាប់១២៥នាក់) ក្រោមការទទួលខុសត្រូវ របស់​អង្គការ​​ភេរវនិយម រដ្ឋអ៊ីស្លាម នោះមក ប្រធានាធិបតីរ៉ូស្ស៊ី លោក វ្លាឌីមៀរ ពូទីន (Vladimir Poutine) បាន​សម្រេច​ចិត្ត​​ប្រកាស​សង្គ្រាមថ្មីមួយ ដែលមានលក្ខណៈបន្ទាន់ និងចាំបាច់ ដើម្បីប្រឆាំង​នឹង​ចលនា​ភេរវនិយម។

សារព័ត៌មានអង់គ្លេស «Daily Mail» បានរាយការណ៍ថា ប្រធានាធិបតីរ៉ូស្ស៊ី នឹងបញ្ចេញ​នាវា​ចម្បាំង​ផ្ទុក​យន្ដហោះ​ដ៏​ធំ​ជាង​គេ​បំផុត ដើម្បីតាមប្រមាញ់ក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​​បារាំង​​ហៅ EI ពាក្យ​​កាត់​​​អង់គ្លេស​​​ហៅ ISIS) ឲ្យដល់ឫសគល់។

រីឯទីភ្នាក់ងារព័ត៌មានរ៉ូស្ស៊ី «Tass» វិញ បានបញ្ជាក់កាន់តែច្បាស់ទៀតថា ប្រទេសរ៉ូស្ស៊ី នឹងដាក់ពង្រាយ​នាវា​ចម្បាំង ឈ្មោះ «Amiral [...]

បញ្ជាក់៖ រូបភាពអាចធ្វើឲ្យប៉ះពាល់ ដល់អារម្មណ៍។

ជារូបភាពមួយ នៃហេតុការណ៍នៅមុនវិនាសកម្ម ដោយភេរវកម្ម​នៅព្រលានយន្ដហោះ ក្រុងអ៊ីស្តង់ប៊ូល នៃ​ប្រទេស​ទួរគី កាលពីយប់ថ្ងៃទី២៨ ខែមិថុនា ម្សិលម៉ិញ។ ក្នុងព្រឹត្តិការណ៍នេះ ដែលទំនងជាបង្កឡើង ដោយ​ភេរវជន​ធ្វើអត្តឃាត ចំនួនពីរនាក់ បានសម្លាប់មនុស្សយ៉ាងហោច ៣៦នាក់ និងរបួសច្រើនសិបនាក់ទៀត។ តែ​តុល្យភាព អាចនឹងមានភាពធ្ងន់ធ្ងរខ្លាំងជាងនេះ ប្រសិនជាភ្នាក់ងារនគរបាលម្នាក់ មិនបានធ្វើ​ប្រតិកម្ម​ទាន់​ពេល។

នៅក្នុងវីដេអូខាងក្រោម គេបានឃើញភ្នាក់ងារនគរបាលរូបនោះ ដែលបានលាក់ខ្លួន នៅក្រោយជញ្ជាំង បាន​រង់ចាំ​ភេរវជនអត្តឃាតនោះ មកក្បែរខ្លួនបន្តិច ទើបបានបើកការបាញ់បង្ក្រាប ទៅលើជននោះ ដោយដេក​ដួល​ទៅ​លើ​ដី។ សកម្មភាពបាញ់បង្ក្រាបនេះ ធ្វើឡើង ដោយមិនខ្លាចពីគ្រោះថ្នាក់ដល់ជីវិត ដោយហេតុថា គ្រាប់​បែក​ដែល​នៅ​ជាប់​នឹងខ្លួនភេរវជន អាចផ្ទុះឡើងនៅគ្រប់ពេលទាំងអស់។

ប្រព័ន្ធផ្សព្វផ្សាយ របស់ក្រុមរដ្ឋអ៊ីស្លាម (ពាក្យអារ៉ាប់ហៅ Daech ពាក្យ​កាត់​​បារាំង​​ហៅ EI ពាក្យ​​កាត់​​​អង់គ្លេស​​​ហៅ ISIS) ជាពិសេសទីភ្នាក់ងារព័ត៌មានផ្លូវការ របស់ក្រុមនេះ ឈ្មោះ «Amaq» បានប្រកាសនៅថ្ងៃអាទិត្យថា ក្រុមស្ថាបនិកនិកាយ ស៊ូនីត (Sunnite) គឺជាអ្នកទទួលខុសត្រូវ នឹងការបាញ់សម្លាប់ ក្នុងរង្គសាលរាំរែកមួយ ស្ថិត​ក្នុងរដ្ឋផ្លរីដា ភាគខាងត្បូងសហរដ្ឋអាមេរិក។ ហេតុការណ៍នេះ បានធ្វើឲ្យមនុស្សយ៉ាងហោច ៥០នាក់​ស្លាប់ និង​៥៣នាក់ផ្សេងទៀត រងរបួស កាលពីយប់ថ្ងៃសៅរ៍ ទី១១ ខែមិថុនា ចូលមកថ្ងៃអាទិត្យទី១២ ខែមិថុនា​នេះ។

ទីភ្នាក់ងារ «Amaq» បានប្រកាសថា៖ «ការវាយប្រហារ ប្រដាប់ដោយអាវុធ ដែលមានមុខព្រួញ ទៅលើ​រង្គសាល នៃ​ជន​ស្រឡាញ់ភេទដូចគ្នាមួយ នៅក្នុងក្រុង អ័រឡេនដូ នៃរដ្ឋផ្លរីដា សហរដ្ឋអាមេរិក និង​ដែល​បាន​ធ្វើ​ឲ្យ​មនុស្ស​​ស្លាប់ ឬរបួស១០០នាក់នោះ ត្រូវបានដឹកនាំដោយយុទ្ធជន នៃក្រុមរដ្ឋអ៊ីស្លាម»។

ដើម្បីអួតអាង ពីអ្វីដែលនាយករដ្ឋមន្ត្រីកម្ពុជាគិតថា វាជា«ដំបូលសន្តិភាព ដែលគ្មានភេរវកម្ម» និងជា​មោទន​ភាព​នៃ​ប្រទេសកម្ពុជា ក្រោមការដឹកនាំរបស់លោកនោះ លោក ហ៊ុន សែន នាយករដ្ឋមន្ត្រី​ជាងបី​ទសវត្សន៍​របស់​កម្ពុជា បានជ្រើសរើសការពន្យល់​ដ៏កម្រមួយ ដោយថតរូបពីក្បាលពោះរបស់លោក មក​បង្ហោះ​បង្ហាញ​​ផ្សាយ​នៅ​តាម​បណ្ដាញ​សង្គម។ បើទោះជាការបង្ហោះនោះ ត្រូវបានលោកនិយាយការពារមុន ថា​លោក​«មិន​បង្ហាញ​ពី​រូបភាព»​លោក ជា​នាយករដ្ឋមន្ត្រី​ទេនោះ​ក៏ដោយ តែសម្រាប់អ្នកប្រើប្រាស់​បណ្ដាញសង្គម​​ជា​ច្រើន​​បាន​​គិត​​ថា ការ​​បង្ហាញ​​«ក្បាល​ពោះ»​នេះ​ ត្រូវបានធ្វើឡើង ដោយមិនត្រូវពេល ខណៈពលរដ្ឋជាច្រើននាក់ កំពុង​«ធ្លាយ​ពោះ» នៅ​ក្រោម​​ការ​​ដឹកនាំ​​របស់​​លោកនោះដែរ។

លោក ហ៊ុន សែន បានឆ្លៀតឱកាសថ្ងៃទីមួយ នៃខែបំបួសរបស់សាសនាអ៊ីស្លាម​ ឬហៅជាភាសាអារ៉ាប់ «Ramaḍān» ដើម្បីលើកយកមកនិយាយ ពីអំពើភេរវកម្ម ដែលកម្ពុជាមិនធ្លាប់ជួប [...]

អង្គការក្រៅរដ្ឋាភិបាលមួយ ជំនាញខាងការឃ្លាំមើលសិទ្ធិមនុស្ស បានថ្លែងកាលពីថ្ងៃសៅរ៍នេះ ឲ្យដឹង​ពី​ការ​វាយ​លុក របស់កងទ័ពនៃប្រទេសស៊ីរី ថាបានចូលដល់ខេត្ត «Raqqa» ដែលជាខេត្តបន្ទាយដ៏រឹងមាំ នៃក្រុម​រដ្ឋ​អ៊ីស្លាម (ពាក្យអារ៉ាប់ហៅ Daech ពាក្យ​កាត់​​បារាំង​​ហៅ EI ពាក្យ​​កាត់​​​អង់គ្លេស​​​ហៅ ISIS) ស្ថិតនៅភាគ​ខាង​ជើង​នៃប្រទេសនោះហើយ។

ការវាយលុកនេះ មានការជួយគាំទ្រយ៉ាងខ្លាំងក្លា ពីសំណាក់ប្រទេសរ៉ូស្ស៊ី។ យន្ដហោះទម្លាក់គ្រាប់បែក របស់​កងទ័ព​រ៉ូស្ស៊ី បានដឹកនាំយុទ្ធនាការទម្លាក់គ្រាប់បែក សឹងរកដកដង្ហើមមិនបាន កាលពីថ្ងៃសុក្រ នៅផ្នែក​ខាង​កើត​នៃខេត្ត «Hama» ដែលនៅជាប់នឹងព្រំខេត្ត «Raqqa»។

អង្គការឃ្លាំមើលសិទ្ធិមនុស្សស៊ីរី (OSDH) បានអះអាងទៀតថា កងទ័ពនៃប្រទេសស៊ីរី នឹងអាច​ដណ្ដើម​យក​មកកាន់កាប់វិញ នូវតំបន់ដែលស្ថិតនៅជុំវិញខេត្ត «Raqqa» បន្ទាប់ពីពួកខ្លួន ត្រូវបានកងយុទ្ធជនស្ម័គ្រ​ប្រយុទ្ធ ដើម្បីព្រះអាឡាហ៍ [...]