Posts tagged as "Kylian Mbappé"

តើនរណាម្នាក់ ក្នុងពិភពបាល់ទាត់ មិនល្បីក្រុម បាយ៉ឺន មូនិឆ (Bayern Munich - អាល្លឺម៉ង់) ដែលជាក្រុមបាល់ទាត់ ដ៏ខ្លាំងមួយ ក្នុងចំណោមក្រុមខ្លាំងជាងគេ ប្រមាណជបួន-ប្រាំ នៅអ៊ឺរ៉ុប? ប៉ុន្តែនៅយប់ថ្ងៃទី២៧ ខែកញ្ញានេះ ក្នុងក្របខណ្ឌប្រកួត ដណ្ដើមជើងឯកអ៊ឺរ៉ុប «Champions Leagues» ឆ្នាំ២០១៧-២០១៨ ក្រុមបាយ៉ឺន បានប្រកួតចាញ់ក្រុមប៉ារីស ដែលទើបមានគេស្គាល់ខ្លាំង ជាមួយនឹងរហស្សនាម ហៅថា ជា«ក្រុមអ្នកមានថ្មី» កាលពីជាងមួយខែមុននេះ។

ពិតហើយក្រុមអ្នកមានថ្មី ព្រោះក្រុមប៉ារីសហ្សាំងហ្សែរម៉ាំង (Paris Saint-Germain - បារាំង) បានចំណាយប្រាក់ ជាង៤០០លានអ៊ឺរ៉ូ ដែលមិនធ្លាប់មានពីមុនមក ក្នុងអំឡុងខែសីហាតែមួយ ដើម្បីទិញយកកីឡាករ ណីម៉ា (Neymar) ពីក្រុមបាសឺឡូន (Barcelona) និងកីឡាករ អ៊ឹមបាប៉េ (Kylian Mbappé) ពីក្រុមម៉ូណាកូ (Monaco)។ ហើយវត្តមាន របស់កំពូលកីឡាករទាំងនេះ ពិតជាបានផ្ដល់លទ្ធផល ឲ្យក្រុមប៉ារីសប្រកួតយកឈ្នះ [...]

«បើ ណីម៉ា (Neymar) និងអ៊ឹមប៉ាប៉េ (Kylian Mbappé) ចុះហត្ថលេខាទាត់ឲ្យក្រុម ប៉ារីស នោះខ្ញុំនឹងស្រាតចុះជិះម៉ូតូ តាមមហាវិថី ឆ្សង់អេលីហ្សេ (Champs-Elysées)» នេះ ជាពាក្យសំដី«ភ្នាល់»​របស់ ចនណាតង់ (Jonathan) អ្នកគាំទ្រមួយរូប របស់ក្រុមបាល់ទាត់ ប៉ារីសហ្សាំងហ្សែរម៉ាំង (Paris Saint-Germain) ដែលបានសរសេរបង្ហោះ នៅលើបណ្ដាញសង្គម កាលពីថ្ងៃទី២៧ ខែកក្កដាកន្លងទៅ នៅក្នុងពេលវេលា​នៃការផ្លាស់ប្ដូរកីឡាករ និងបន្ទាប់ពីសារពត៌មានជាច្រើន បានចុះផ្សាយពីពាក្យចចាមអារាម ដែលថាក្រុមប៉ារីស មានគម្រោងទិញ​យក​កីឡាករ​ទាំង​ពីរ​ខាង​លើ មកទាត់ឲ្យខ្លួន។

ជាងមួយខែក្រោយមក ពាក្យសំដីខាងលើនេះ ត្រូវបានម្ចាស់ខ្លួន យកមកអនុវត្តន៍ពិតប្រាកដមែន។ កាលពីព្រឹកព្រហមា ថ្ងៃអាទិត្យកន្លងមកនេះ នៅលើដងមហាវិថីដ៏ល្បីនៃរដ្ឋធានី ប៉ារីស បុរសឈ្មោះ ចនណាតង់ បានស្រាតអង្គុយបើកម៉ូតូរបស់ខ្លួន ដោយមានអមមកជាមួយ នូវអ្នកគាំទ្រជាច្រើននាក់ ផ្សេងទៀត។ [...]