ជើងឯក២០១០ ហាលអាវនៅប្រេស៊ីល២០១៤៖ «អេស្ប៉ាញតក់ស្លុត»
បាល់ទាត់ពិភពលោក - សម្រាប់ការប្រកួតនៅលើកក្រោយមួយទៀត រវាងក្រុមអេស្ប៉ាញ ជាមួយនឹងក្រុម អូស្ត្រាលី ដែលទើបនឹងហាលអាវដូចគ្នា ក្រោយការប្រកួតចាញ់ក្រុមហូឡង់នោះ គ្រាន់តែជាការប្រកួត «បង្គ្រប់កិច្ច» ប៉ុណ្ណោះ។ តែនៅចំពោះបរាជ័យផ្ទួនៗរបស់ខ្លួននេះ គេមិនដឹងថាតើអេស្ប៉ាញ អាចនឹងស្វែងរកមុខមាត់របស់ខ្លួនត្រឡប់ទៅផ្ទះ តាមរយៈការប្រកួតចុងក្រោយបានខ្លះ ឬយ៉ាងណាផង។ ខាងក្រោមនេះ ជាប្រតិកម្មរបស់សារព័ត៌មានអេស្ប៉ាញ ដែលចេញផ្សាយនូវអត្ថបទរបស់ខ្លួនភ្លាមៗ ក្រោយហេតុការណ៍ដ៏អាក្រក់ កើតឡើងចំពោះអតីតជើងឯកពិភពលោក ឆ្នាំ២០១០ និងជើងឯកអ៊ឺរ៉ុបពីរដងជាប់គ្នា (ឆ្នាំ២០០៨ និងឆ្នាំ២០១២)។
«បរាជ័យជើងឯកពិភពលោក» ជាចំណងជើងដ៏ធំៗ របស់សារព័ត៌មានចេញប្រចាំថ្ងៃ El Mundo ដែលដាក់នៅបន្ទាប់ពីព័ត៌មានសំខាន់មួយទៀត ដែលសំខាន់ជាង៖ ការឡើងស្នងរាជ្យរបស់ រាជបុត្ររបស់អតីតព្រះរាជា ជ័ន កាឡូស [...]
