បារាំង-ហុងឌុយរ៉ាស៖ សុពលភាព​គ្រាប់​​បាល់​ដំបូង ដោយ​ប្រព័ន្ធ​វីដេអូ

បច្ចេកវិទ្យាដែលបំពាក់នៅនឹងខ្សែបន្ទាប់ទី ត្រូវបានយកមកប្រើប្រាស់ ដើម្បីផ្ដល់សុពលភាពទៅឲ្យគ្រាប់បាល់មួយ នៅ ក្នុងការប្រកួតបាល់ទាត់ពិភលោក រវាងក្រុមជម្រើសជាតិ បារាំង និងហុងឌុយរ៉ាស។ ជាការឲ្យសុពលភាពទៅគ្រាប់​បាល់របៀបនេះ ជាប្រវត្តិសាស្ត្រដំបូងគេបង្អស់ នៅក្នុងពិភពបាល់ទាត់។
Loading...
  • ដោយ: សុបិន្ដ ដោយ សុបិន្ត (ទាក់ទង៖ [email protected]) - ម៉ុងរ៉េអាល់ ថ្ងៃទី១៦ មិថុនា ២០១៤
  • កែប្រែចុងក្រោយ: June 16, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បច្ចេកវិទ្យាដែលបំពាក់នៅនឹងខ្សែបន្ទាប់ទី ត្រូវបានយកមកប្រើប្រាស់ ដើម្បីផ្ដល់សុពលភាពទៅឲ្យគ្រាប់បាល់មួយ នៅ ក្នុងការប្រកួតបាល់ទាត់ពិភលោក រវាងក្រុមជម្រើសជាតិ បារាំង និងហុងឌុយរ៉ាស។ នេះជាការឲ្យសុពលភាព​ទៅ​គ្រាប់​បាល់របៀបនេះ ជាប្រវត្តិសាស្ត្រដំបូងគេបង្អស់ នៅក្នុងពិភពបាល់ទាត់។


សកម្មភាពអ្នកចាំទីហុយឌុយរ៉ាស ស្រវាចាប់បាល់មកទុកវិញ។ (រូបថត Fifa)

បច្ចេកវិទ្យា - គ្រាប់បាល់ដ៏គួឲ្យសង្ស័យនេះ ជាគ្រាប់បាល់ទីពីរ នៅក្នុងគ្រាប់បាល់ទាំងបី ដែលកីឡាករ​ខ្សែប្រយុទ្ធ​បារាំង ការីម ប៊េនស៊េម៉ា (Karim Benzema) បានទាត់បញ្ចូលទីរបស់ក្រុមជម្រើសជាតិ ហុងឌុយរ៉ាស នៅនាទី៤៨។ ម្យ៉ាងទៀត គឺអ្នកចាំទីរបស់ក្រុមហុងឌុយរ៉ាស់ទៅវិញទេ ដែលបានគ្រវាសដៃចំបាល់ ធ្វើឲ្យបាល់នេះចូល​ទៅ​ក្នុងទី ក្រៅខ្សែបន្ទាត់ពណ៍ស តែបន្ដិចប៉ុណ្ណោះនោះ។ ប៉ុន្តែដើម្បីលួចបំបាំងគ្រាប់បាល់ ដែលជាកំហុសរបស់ខ្លួន អ្នកចាំ​ទី​ដដែលនេះ បានប្រញ៉ាប់ចាប់បាល់នេះមកវិញ ហើយបានធ្វើដូចគ្មានរឿងអ្វី កើតឡើងទាំងអស់។

ពិតមែនហើយ ប្រសិនជាគ្មានបច្ចេកវិទ្យាឃ្លាំមើល ហៅថា ហ្គូលឡាញ (Goal-line) ដែលបំពាក់នៅតាម​ខ្សែបន្ទាត់​ទី​នោះទេ គ្រាប់បាល់នេះ នឹងនៅតែមិនទាន់ប្រាកដថា ចូលឬមិនចូលទីយ៉ាងណាឡើយ  ព្រោះសិទ្ធិផ្ដល់សុពលភាព​ឬអត់ នៃគ្រាប់បាល់របៀបនេះ ត្រូវប្រគល់ទៅឲ្យអាជ្ញាកណ្ដាល ជាអ្នកសម្រេចទាំងអស់។ ជាពិសេស អាជ្ញាកណ្ដាល​មិន​អាចទៅមើលចលនាបាល់នេះ នៅចំហៀងម្ខាងនៃអ្នកចាំទីនោះឡើយ។

ប៉ុន្តែនៅក្នុងករប្រកួតនាយប់ថ្ងៃទី១៥ ខែមិថុនា រវាងក្រុមជម្រើសជាតិទាំងពីរនេះ អាជ្ញាកណ្ដាលទាំងបីនាក់ មិនរុញរា​នឹងផ្ដល់សុពលភាពនៃគ្រាប់បាល់នេះ ទៅឲ្យក្រុមបារាំងនោះឡើយ។ ការសម្រេចចិត្តនេះ ត្រូវបានបញ្ចាំង​នៅលើ​អេក្រង់វីដេអូដ៏ធំក្នុងកីឡាដ្ឋាន ជាមួយនឹងរូបភាពដែលសម្ភារៈបំពាក់ថតបាននោះទៀត។


រូបភាពនៅពេលដែលបាល់ ត្រូវបានទាត់ទៅប៉ះនឹងបង្គោលដំបូង និងមិនត្រូវបានយកជាបានការនោះទេ។


រូបភាពនៅពេលដែលបាល់ ត្រូវបានគ្រវាសដោយអ្នកចាំទី ចូលទៅខាងក្នុងខ្សែបន្ទាត់ទី ហើយត្រូវបានយក​ជាបាន​ការ។

សូមទស្សនាវីដេអូ៖

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...