សហព័ន្ធនិស្សិតបញ្ញវន្តកម្ពុជា ស្នើឲ្យបញ្ឈប់ចរាចរណ៍ក្រដាសប្រាក់១០០ថ្មី
ក្រដាសប្រាក់១០០រៀលប្រភេទថ្មី ដែលមានរូបព្រះពុទ្ធ និងព្រះសង្ឃ ដែលបានបោះពុម្ព និងប្រកាសឱ្យចរាចរណ៍នៅលើទីផ្សារបច្ចុប្បន្ននេះ ត្រូវបានសហព័ន្ធនិស្សិតបញ្ញវន្ដកម្ពុជា ទទូចឱ្យបញ្ឈប់ចរាចរណ៍ជាបន្ទាន់ ដើម្បីជាការគោរពដល់ព្រះពុទ្ធសាសនា។
សេចក្ដីថ្លែងការណ៍របស់សហព័ន្ធនិស្សិតបញ្ញវន្តកម្ពុជា ចេញថ្ងៃទី១៦ ខែមករា បានឱ្យដឹងថាព្រះពុទ្ធសាសនាគឺជាសាសនារបស់រដ្ឋ ដែលប្រជាជនខ្មែរគោរពបូជា។ ព្រះពុទ្ធត្រូវបានប្រជាពលរដ្ឋខ្មែរទូទៅ ដាក់តំកល់ព្រះពុទ្ធរូប ព្រះធម៌ និងព្រះសង្ឃ ដើម្បីរម្លឹកដល់គុណព្រះពុទ្ធ។ ការដាក់រូបព្រះលើលុយ គឺជារូបភាពមួយហាក់បីដូចមិនឱ្យតម្លៃព្រះពុទ្ធរូប ព្រះសង្ឃ និងកំពុងធ្វើឱ្យប្រជាពលរដ្ឋខ្មែរ ឆ្ពោះទៅរកការប្រមាថព្រះរបស់ខ្លួនឯង ដោយមិនដឹងខ្លួនអញ្ចឹងដែរ។
[...]