តែមួយព្រឹក រដ្ឋសភាអនុម័តច្បាប់ NGO ដោយគ្មានសម្លេងជំទាស់
រដ្ឋសភា នៃប្រទេសកម្ពុជា បានប្រើពេលតែមួយព្រឹកប៉ុណ្ណោះ ដើម្បីសម្រេចអនុម័ត លើសេចក្តីព្រាងច្បាប់ ដ៏ ចម្រូងចម្រាស ស្ដីពីសមាគម និងអង្គការក្រៅរដ្ឋាភិបាល នៅក្នុងសម័យកិច្ចប្រជុំ ដែលមានរបៀបវារៈចំនួនពីរ (ទីមួយការបោះឆ្នោត ជ្រើសតាំងតំណាងរាស្រ្ត លោក កែវ ពិសិដ្ឋ ជាសមាជិកគណៈកម្មការនីតិកម្ម និងយុត្តិធម៌ និងទីពីរការពិភាក្សា និងអនុម័ត លើសេចក្តីព្រាងច្បាប់ សមាគម និងអង្គការមិនមែនរដ្ឋាភិបាល) ដោយមានការចូលរួម តែពីតំណាងរាស្រ្តគណបក្សប្រជាជនកម្ពុជា ចំនួន៦៨រូបប៉ុណ្ណោះ។
រដ្ឋមន្រ្តីក្រសួងសាមី ដែលបានចេញ សេចក្តីព្រាងច្បាប់នេះ បានឡើងការពារ ចំពោះមុខសភាពេញអង្គ នាព្រឹកថ្ងៃទី១៣ ខែកក្កដា ឆ្នាំ២០១៥នេះថា ដើម្បីកម្ពុជា មានលិទ្ធិប្រជាធិបតេយ្យពិតប្រាកដនោះ ចាំបាច់ត្រូវតែមានច្បាប់នេះ ជាដាច់ខាត។
លោក ស ខេង រដ្ឋមន្រ្តីក្រសួងមហាផ្ទៃ បានលើកឡើងក្នុងសភាថា ការពិត [...]
