ម៉ិចស៊ិក៖ ត្រីបាឡែនមួយលោតឡើងកាណូត សម្លាប់ទេសចរណ៍ម្នាក់
ដំណើរកំសាន្ដ នៅតាមសមុទ្រ បានប្រែក្លាយជាទុក្ខ នៅថ្ងៃពុធទី១១ ខែមីនានេះ នៅក្នុងឆកសមុទ្រម៉ិចស៊ិក ដែលស្ថិតនៅជាប់ ជាមួយខេត្ត កាបូ សាន់លូកាស (Cabo San Lucas)។ ហេតុការណ៍នេះ បានធ្វើឲ្យមានមនុស្សម្នាក់ស្លាប់ និងពីរនាក់ទៀតរងរបួស។ នៅវេលាម៉ោងប្រមាណជា១១ព្រឹក កាណូតទេសចរណ៍ របស់ក្រុមហ៊ុន កាបូអេដវេនឈឺ (Cabo Adventures) ដែលមានមនុស្ស២៤នាក់ជិះ បានវិញត្រឡប់ ពីការចេញទៅស្វែងរក ទស្សនាត្រីបាឡែនប្រផេះ ដែលល្បីថា បានរស់នៅយ៉ាងច្រើន នៅក្នុងកណ្ដាលឆកសមុទ្រនោះ។
នៅពេលហៀបនឹងត្រឡប់មកវិញនោះ ក្រុមត្រីបាឡែនមួយក្រុម បានបង្ហាញខ្លួនឡើង ដើម្បីបំពេញបំណងឲ្យក្រុមទេសចរណ៍។ រំពេចនោះ រឿងហេតុដែលមិននឹកស្មានដល់ បានកើតឡើង បណ្ដាលមកពីត្រីបាឡែនមួយ បានងើបខ្លួនឡើងពីលើផ្ទៃទឹក នៅពីមុខកាណូត ហើយបានទម្លាក់ខ្លួនមកវិញ ពីលើកាណូតនេះ មួយទំហឹង។
បើតាមសារព័ត៌មានអង់គ្លេស The Guardian បានរាយការណ៍ឲ្យដឹងថា អ្នកបើកបរកាណូត [...]