Posts tagged as "Manchester City"

កាំភ្លើងធំអាសិណល (Arsenal) ចាប់ផ្តើមប្រកួតមិត្តភាពកំដៅសាច់ដុំត្រៀមបើករដូវកាលថ្មី ជាមួយនឹងជោគជ័យ​យ៉ាង​ធំធេង បន្ទាប់ពីបំបាក់ម្ចាស់ផ្ទះឥណ្ឌូនេស៊ី ដោយលទ្ធផល ៧-០ ខណៈដែលក្រុមមេឃខៀវ ម៉ែនឆេស្ទើ ស៊ីធី (Manchester City) បើកឆាកការប្រកួតដំបូងជាមួយគ្រូបង្វឹកថ្មី ចាញ់ក្រុមស៊ុបព័រស្ពត យូណៃធីត (SuperSport United) របស់អាហ្វ្រិក​ខាងត្បូងដោយលទ្ធផល ២-០។

.
ការប្រកួតរវាងក្រុមអាសិណល (អាវលឿង) ជាមួយនឹងក្រុមម្ចាស់ផ្ទះ ឥណ្ឌូនេស៊ី។ (រូបថត mirror.co.uk)

ខ្សែប្រយុទ្ធជម្រើសជាតិអង់គ្លេស ថេអូ វ៉ាលខត (Theo Walcott) បានរកគ្រាប់បាល់នាំមុខម្ចាស់ផ្ទះមុន នៅនាទីទី១៩។ កីឡាករយុវជន ជុបបា អ័កផុម (Chuba Akpom) រកគ្រាប់បាល់ទី២ នៅ៩នាទី ចាប់ផ្តើមវគ្គទី២ ខណៈដែលខ្សែប្រយុទ្ធ​អូលីវីយើ ជីរ៉ូដ [...]

លោក ម៉ាញូអែល ប៉េឡេហ្គ្រីនី (Manuel Pellegrini) បាននិយាយថា គាត់មានអារម្មណ៏ថា គាត់គ្មានសម្ពាធនោះទេ ក្នុង​ការប្រជែងយកឈ្នះពានរង្វាន់ព្រីមែលីក (Premier League) សម្រាប់ក្រុមម៉ែនឆេស្ទើ ស៊ីធី (Manchester City) នៅរដូវ​កាល​ថ្មី។

លោកម៉ាញ៉ូអែល ប៉េឡេហ្គ្រីនី គ្រូបង្វឹកសញ្ជាតិឈីលី។ (រូបថត diarioeldia.cl)

ក្រុមមេឃខៀវ ម៉ែនស៊ីធី បានបាត់បង់ដំណែងជើងឯក ទៅក្រុមម៉ែនឆេស្ទើ យូណៃធីត (Manchester United) កាលពីរដូវ​កាលមុន បន្ទាប់ពីគ្រងជើងឯកបានតែ១រដូវកាល កាលពីឆ្នាំ២០១២។

ប៉ុន្តែអតីតគ្រូបង្វឹកក្រុមម៉ាឡាកា (Malaga) លោកប៉េឡេហ្គ្រីនី ដែលបានមកជំនួសដំណែងលោករ៉ូបឺតូ ម៉ែនស៊ីនី (Roberto Mancini) កាលពីខែមិថុនា បាននិយាយថា គោលដៅរបស់គាត់ គឺធ្វើយ៉ាងណា ឲ្យទទួលបានលទ្ធផលល្អនៅពេលខាងមុខ [...]

គ្រូបង្វឹកថ្មីក្រុមម៉ែនស៊ីធី លោកម៉ាញូអែល ប៉េឡេហ្គ្រីនី (Manuel Pellegrini) នឹងបង្វែរគោលដៅរបស់គាត់ ទៅរកខ្សែ​ប្រយុទ្ធអន្តរជាតិអេស្ប៉ាញវ័យ ២៧ឆ្នាំវិញ បន្ទាប់ពីបាត់បងឱកាសតាមប្រមាញ់យកកីឡាករអេឌីនសិន កាវ៉ានី (Edinson Cavani) ដោយសារតែក្រុមប៉ារីស ហ្សិនជឺម៉ិន (Paris Saint-Germain) របស់បារាំង ហ៊ានឲ្យតម្លៃខ្ពស់ជាង។

ណេហ្គ្រេដូ ជាកីឡាករដែលរកគ្រាប់បាល់បញ្ចូលទីបានច្រើនជាងគេ ចំណាត់ថ្នាក់លេខ៤ ក្នុងក្របខ័ណ្ឌកំពូល​របស់​អេស្ប៉ាញ កាលពីរដូវកាលមុន។ គាត់រកគ្រាប់បាល់បញ្ចូលទីបានចំនួន ២៥គ្រាប់ ហើយកាលពីសប្តាហ៏មុន​មានពាក្យ​ចចាមអារ៉ាមថា គាត់នឹងផ្ទេរទៅកាន់ក្រុមអាត្លិកទិកូ ម៉ាឌ្រីដ (Atletico Madrid) ដើម្បីជំនួសដំណែងខ្សែប្រយុទ្ធ រ៉ាដាមែល ហ្វាលខាវ (Radamel Falcao)។

ទោះបីជាយ៉ាងណា ម្ចាស់ក្លិបសេវីឡា លោកជូសេ ម៉ារៀដេលនីដូ (Jose Maria del Nido) បាននិយាយថា ឱកាសមាន​តែ​០%តែប៉ុណ្ណោះ [...]

ក្រុមមេឃខៀវម៉ែនឆេស្ទើ ស៊ីធី (Manchester City) នឹងបង្វែរគោលដៅរបស់ខ្លួន ទៅរកខ្សែប្រយុទ្ធកំពុង​ឡើងជើង​របស់​ប្រេស៊ីល ហ្វ្រេដ (Fred) វិញ បើសិនជាករណី ពួកគេបរាជ័យក្នុងការទិញខ្សែប្រយុទ្ធ អេឌីនសិន កាវ៉ានី (Edinson Cavani) របស់ក្រុមណាប៉ូលី (Napoli)។ នេះបើតាមសេចក្ដីរាយការណ៍ របស់កាសែតអង់គ្លេសដៀលីម៊ែរ៉ឺ (Daily Mirror) ។

កីឡាករខ្សែប្រយុទ្ធ អេឌីនសិន កាវ៉ានី របស់ក្រុមណាប៉ូលី។ (រូបថត lemeilleurdupsg.com)

កាវ៉ានី នៅតែជាគោលដៅទី១ របស់ក្រុមម៉ែនស៊ីធី ប៉ុន្តែក្រុមណាប៉ូលី នៅតែបន្តមិនព្រមទម្លាក់តម្លៃបន្តិចណាឡើយ ទៅ​លើខ្សែប្រយុទ្ធអ៊ុយរ៉ាហ្គាយរូបនេះ។

ក្លឹបណាប៉ូលី បាននិយាយថាពួកគេមិនព្រមទទួលយកតម្លៃក្រោម ៥៣លានផោនឡើយ សម្រាប់ខ្សែប្រយុទ្ធកាវ៉ានី ខណៈ​ដែលក្រុមម៉ែនស៊ីធី [...]

ខ្សែការពារខូឡូ តូរ៉េ (Kolo Toure) បានផ្ទេរពីក្រុមម៉ែនឆេស្ទើ ស៊ីធី (Manchester City) មកចូលរូមជាមួយក្រុមលីវើភូល (Liverpool) ជាផ្លូវការ កាលពីដើមសប្ដាហ៍នេះ ហើយគាត់បាននិយាយថា គាត់នៅតែជាខ្សែម្នាក់ល្អបំផុត ក្នុងចំណោម​កំពូលខ្សែការពារទាំងអស់ នៅក្នុងក្របខ័ណ្ឌព្រីមែលីក (Premier League)។

កីឡាករខ្សែការពារខូឡូ តូរ៉េ កាលពីគាត់នៅជាមួយក្រុមម៉ែនឆេស្ទើ ស៊ីធី។ (រូបថត football365.com)

តូរ៉េ បាននិយាយប្រាប់ដល់គេហទំព័ររបស់ក្លឹបលីវើភូលថា៖ «លីវើភូល បានផ្តល់ឱកាសឲ្យខ្ញុំ ដើម្បីឲ្យខ្ញុំបានបង្ហាញ​ពី​សមត្ថភាព។ បើទោះបីជាខ្ញុំមានវ័យ ៣២ឆ្នាំហើយក៏ដោយ ប៉ុន្តែខ្ញុំនៅតែជឿជាក់ថា ខ្ញុំនៅតែជាកំពូលខ្សែការពារម្នាក់ ហើយ​ខ្ញុំនឹងខិតខំប្រឹងប្រែងឲ្យដល់ទីបញ្ចប់។»