ស៊ុយអែដ៖ យក​ម៉ាស៊ីន​លាយ​បេតុង មក​ផ្សំ​ទឹក​គ្រឿង​ធ្វើ​ម្ហូប

អធិការកិច្ចផ្នែកអនាម័យ របស់ប្រទេសស៊ុយអែដ បានរកឃើញរឿងដ៏ហួសចិត្តមួយ នៅពេលបានចូលទៅត្រួតពិនិត្យ ហាងលក់ម្ហូបរហ័សមួយកន្លែង៖ ម៉ាស៊ីនលាយបេតុងធុនមធ្យមមួយ ត្រូវបានយកមកប្រើ ដើម្បីលាយផ្សំគ្រឿង​សម្រាប់ ទុកធ្វើម្ហូប ឬប្រលាក់សាច់។
Loading...
  • ដោយ: ឈូករ័ត្ន
  • កែប្រែចុងក្រោយ: March 30, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

អធិការកិច្ចផ្នែកអនាម័យ របស់ប្រទេសស៊ុយអែដ បានរកឃើញរឿងដ៏ហួសចិត្តមួយ នៅពេលបានចូលទៅត្រួតពិនិត្យ ហាងលក់ម្ហូបរហ័សមួយកន្លែង៖ ម៉ាស៊ីនលាយបេតុងធុនមធ្យមមួយ ត្រូវបានយកមកប្រើ ដើម្បីលាយផ្សំគ្រឿង​សម្រាប់ ទុកធ្វើម្ហូប ឬប្រលាក់សាច់។


ជាម៉ាស៊ីនលាយបេតុង តែមិនមែនសម្រាប់លាយគ្រឿងផ្សំកេប៉ាប់ទេ។

អធិការទទួលខុសត្រូវរឿងនេះ លោក ស្វេន អ៊ីជ ស្វេនសុន (Sven-Inge Svensson) បានពន្យល់ប្រាប់អ្នកកាសែតថា «គេ មិនទិញម៉ាស៊ីនសម្រាប់លាយផ្សំគ្រឿងទាំងនោះទេ ព្រោះវាថ្លៃពេក។ ដូច្នេះគេសម្រេចចិត្ត ទិញម៉ាស៊ីនមួយបែបផ្សេង ទៀត។ តែម៉ាស៊ីននេះ វាពិបាកសំអាត (...) ហើយក៏មិនមែនជារឿងល្អដែរ។»

លោកអធិការ ថែមទាំងបានលឺអ្នកធ្វើការ នៅក្នុងហាងលក់ម្ហូបរហ័សមួយនេះ មិនដែលខ្វល់ខ្វាយ ពីថ្នាំពណ៌ដែលលាប ពីលើម៉ាស៊ីន របេះចេញមកលាយជាមួយ នឹងគ្រឿងផ្សំម្ហូបទៀតផង។

ដំណើរដែលឈាន ទៅដល់ការធ្វើអធិការកិច្ច ក្នុងហាងលក់ម្ហូបរហ័សនេះ ដោយសារតែមានអតិថិជនម្នាក់ បាន​រាយ-​ការណ៍​ទៅសមត្ថកិច្ចខាងអនាម័យ បន្ទាប់ពីបានឃើញមានប៊ូលុងចាប់ខ្ចៅមួយ នៅក្នុងនំប័ងកេប៉ាប់ (kebab) ដែលគាត់​បានទិញចេញពីហាងនោះ។

ម្ចាស់ហាង បានការពាររឿងប៊ូលុងចាប់ខ្ចៅនេះ យ៉ាងដូច្នេះថា «យើងត្រូវចាប់ប៊ូលុងនេះ ជារៀងរាល់ថ្ងៃ (...) តែថ្ងៃមួយវា​បានរបូតធ្លាក់ ទៅក្នុងធុងដាក់សាច់។ ប៊ូលុង ពណ៌ខ្មៅ ហើយសាច់ក៏ពណ៌ខ្មៅ អញ្ចឹងហើយ បានជាពិបាក មើលឃើញ​វាណាស់។» អីយ៉ា ... ទំនងដូចជាឆ្ងាញ់ណាស់ នំប័ងសាច់កេប៉ាប់ របស់គាត់នេះ !

ក្នុងពេលនេះ ម្ចាស់ហាងបានទិញម៉ាស៊ីនមួយថ្មីទៀត សម្រាប់លាយគ្រឿផ្សំសម្រាប់ធ្វើម្ហូប ហើយសមត្ថកិច្ចខាងអនាម័យ ក៏​មិនបានបិទហាងនេះដែរ ដោយចង់«ផ្ដល់សំណាង»អោយទៅម្ចាស់ហាងរូបនេះ ដើម្បីកែនូវកំហុសជាលើកទីមួយ ក្នុង​អាជីបរបស់​គាត់៕

--------------------------------------------------
ដោយ ឈូករ័ត្ន - ប៉ារីស​ ថ្ងៃទី២៩ ខែមិនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...