តើចិត្តគំនិត«អ្នកមាន» និង​«អ្នកក្រ» ខុស​គ្នា​ត្រង់​ណា?

មានមនុស្សជាច្រើនបានត្អូញត្អែថា ពួកគេបានខំធ្វើការយ៉ាងលំបាក ហើយការងារច្រើនដូចអ្នកមានដែរ ចុះហេតុអ្វីបានជា ទទួលលទ្ធផលមក មិនដូចគ្នា។ ពេលខ្លះអ្នកចាំបាច់ ត្រូវតែមានភាពវ័យឆ្លាត ជាជាងការខិតខំប្រឹងប្រែង។ អត្ថបទនេះ ជាចំណុចប្រៀបធៀបខ្លះៗ រវាងផ្នត់គំនិតអ្នកមាន និងផ្នត់គំនិតរបស់អ្នកក្រ។
Loading...
  • ដោយ: វិន ជីវ័ន្ត
  • កែប្រែចុងក្រោយ: March 23, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មានមនុស្សជាច្រើនបានត្អូញត្អែថា ពួកគេបានខំធ្វើការយ៉ាងលំបាក ហើយការងារច្រើនដូចអ្នកមានដែរ ចុះហេតុអ្វីបានជា ទទួលលទ្ធផលមក មិនដូចគ្នា។ ពេលខ្លះអ្នកចាំបាច់ ត្រូវតែមានភាពវ័យឆ្លាត ជាជាងការខិតខំប្រឹងប្រែង។ ខាងក្រោមនេះ ជាចំណុចប្រៀបធៀបខ្លះៗ រវាងផ្នត់គំនិតអ្នកមាន និងផ្នត់គំនិតរបស់អ្នកក្រ។


រថយន្ដឡាដា ផលិតតាំងពីជំនាន់ សហភាពសូវៀត និងរថយន្ដហ្វែរ៉ារី ផលិតនៅអ៊ីតាលី ក្នុងសម័យកាលនេះ។

សូមបញ្ជាក់ថា រាល់ចំណុចទាំងនេះ មិនបានបញ្ជាក់ពី ទស្សនវិជ្ជា«ផ្ទាល់» របស់មនោរម្យព័ងអាំងហ្វូនោះទេ។ យើងគ្រាន់​តែលើកយក នូវគំនិតទាំងឡាយ យកមកជូនលោកអ្នក គ្រាន់នឹងពិចារណា ដើម្បីនឹងមានជំហរថា តើលោកអ្នក​គួរធ្វើ​ជា​«អ្នកមាន» ឬនៅជា«អ្នកក្រ» រហូតទៅ?

ផ្នត់គំនិតអ្នកមាន៖

១. វាជាការល្អ បើសិនជាយើង មិនបានទទួលផលអ្វីសោះ ក្នុងរយះពេលខ្លី តែអាចទទួលផលច្រើន ក្នុងរយះពេលវែង។

២. ហ៊ានប្រថុយ ទោះបីមិនប្រកដថា ត្រូវខាតបង់ ឬចំណេញក៏ដោយ។ ប៉ុន្តែបើខាតបង់ គេទុកវាជាមេរៀន និងមិនឲ្យ​មាន​ការខាតបង់ម្តងទៀតទេ។

៣. ពួកគេតែងតែមានសកម្មភាពវិជ្ជមាន។ មានន័យថា នៅពេលដែលមានឱកាស ពួកគេអាចចាប់យក យ៉ាងឆាប់រហ័ស ហើយពួកគេក៏មិនងាយ នឹងបោះបង់វាដែរ។

៤. ពួកគេនៅតែ«រៀន»។ រក្សាការសិក្សា ឬរៀនពីអ្វីដែលថ្មីៗ ដើម្បីបង្កើននូវសមត្ថភាព ព្រោះគ្មានការជោគជ័យណា ដែល​គ្មានការអប់រំនោះទេ។

៥. ពួកគេមានមហិច្ឆតាខ្ពស់ ដើម្បីសម្រេចគោលដៅ ឬក្តីសុបិន្តរបស់គេ។ ពួកគេហ៊ាន និងអាចធ្វើអ្វីៗបាន ខណៈដែល​មនុស្សជាច្រើនមិនខ្វាយខ្វល់។ មនុស្សគ្រប់រូបតែងតែមានក្តីសុបិន្ត ប៉ុន្តែបញ្ហានៅត្រង់ថា មនុស្សដែល​មិនជោគជ័យ​ទាំង​នោះ មិនដែលយកចិត្តទុកដាក់ និងមានភាពខ្ជិលច្រអូស។

៦. រក្សាការប្តេជ្ញាចិត្ត និងដើរទៅមុខជានិច្ច។ ឧទាហរហ៏៖ គាត់អាចធ្វើវា ចុះហេតុអ្វី ក៏ខ្ញុំមិនអាចធ្វើបាន?

៧. ជាដំបូងពួកគេជាអ្នកឲ្យទាន មុនពេលគេអាចទទួលផល។ ឧទាហរហ៏៖ បើអ្នកចង់ឲ្យគេគោរពអ្នក អ្នកត្រូវតែគោរព​គេ​មុន។ បើអ្នកចង់ឲ្យគេទិញផលិតផលរបស់អ្នក ដំបូងអ្នកត្រូវតែឲ្យពួកគេសាកមើលសិន។

៨. ពួកគេមានកម្លាំងពិសេសម្យ៉ាង ក្នុងពេលបច្ចុបន្ប។ បើពួកគេចង់ធ្វើអ្វី ឬចង់សម្រេចអ្វីមួយ ពួកគេនឹងធ្វើវាភ្លាមៗ ដោយ​មិនរងចាំ សប្តាហ៏ក្រោយ ឬក៏ខែក្រោយនោះទេ។

៩. រក្សាការព្យាយាម។ ឧទាហរណ៏៖ ដូចជា កាលដែលអ្នកនៅកូនក្មេង អ្នកអភិវឌ្ឍន៏ខ្លួនរបស់អ្នក ដោយការព្យាយាមឈរ ដើរ និងរត់។ ប៉ុន្តែខណៈពេលនោះ អ្នកនឹងប្រឈមមុខនឹងបញ្ហាជាច្រើន។ ដូច្នេះការធ្វើជំនួញក៏ដូចគ្នា អ្នកនឹងទទួលបាន​ផលចំណេញ ឬការខាតបង់ ប៉ុន្តែអ្វីដែលសំខាន់នោះ អ្នកនៅតែមិនបោះបង់។

១០. ពួកគេនៅកណ្តាល លក្ខណៈជាអ្នកដឹកនាំ។ មនុស្សម្នាក់ ដែលកំពុងតែផ្តល់ដំបូន្មាន មិនមែនជាមនុស្សម្នាក់ ដែល​កំពុងតែទទួលយកវានោះទេ។

១១. ពួកគេផ្តោតសំខាន់ទៅលើ ជីវិតដ៏មានតម្លៃរបស់គេ។ ពួកគេចំណាយពេលវេលា ដែលមានប្រយោជន៏ ជាមួយក្រុម​គ្រួសារគេ ដោយមានការដើរកំសាន្ត តាមតំបន់ទេសចរណ៏ផ្សេងៗ។

ផ្នត់គំនិតអ្នកក្រ៖

១. ចូលចិត្តគិតពីលុយ មុនពេលចាប់ផ្តើមធ្វើអ្វីមួយ។ ពួកគេចង់បានផលភ្លាមៗ ក្នុងរយះពេលខ្លី ដោយមិនបាន​គិតវែង​ឆ្ងាយពីអ្វី ដែលអាចនឹងទទួលបាន នៅពេលយូរ។

២. ពួកគេខ្លាច អត់ហ៊ានប្រថុយគ្រោះថ្នាក់អ្វីទាំងអស់ ព្រោះខ្លាចខាតបង់។ ពួកគេតែងតែរង់ចាំមើល នរណាម្នាក់​ធ្វើបាន​ជោគជ័យសិន ទើបគេធ្វើតាម។ ប៉ុន្តែពួកគេមិនបានគិតថា ពេលនោះ វាហួសពេលទៅហើយទេ។

៣. នៅពេលដែលកំពុងតែចាប់ផ្តើមជោគជ័យ បែជាមានសកម្មភាពយឺតយ៉ាវ។ ហើយងាយនឹងបោះបង់ ពេលដែលជួប​នឹង​ឧបសគ្គ។

៤. ពួកគេចង់បានសេវាកម្មធានារ៉ាប់រង ជីវិតរបស់គេ ដោយការខិតខំធ្វើការ និងធ្វើជាបុគ្គលិកដ៏ល្អម្នាក់។ ប៉ុន្តែសេដ្ឋកិច្ចក្នុង​ពេលបច្ចុបន្បនេះ ការធានារ៉ាប់រងរបស់អ្នក ហាក់ដូចជាគ្មានប្រយោជន៏ទេ។

៥. ពួកគេអាចដឹងត្រឹមតែអ្វី ដែលពួកគេអាចមើលឃើញតែប៉ុណ្ណោះ ហើយមិនដែលមានក្តីសុបិន្ត ចង់ធ្វើអ្វីដែលធំជាង​នោះ​ទេ។

៦. ពួកគេមិនមានគំនិតវិជ្ជមានទេ ដោយមិនហ៊ានចាប់យកឱកាស។

៧. ពួកគេចូលចិត្តស្តីបន្តោសអ្នកដទៃ នៅពេលដែលអ្វីៗ មិនបានសម្រេចដូចការគិតរបស់គេ និងគ្មានទំនួលខុសត្រូវ​សម្រាប់ខ្លួនឯង។

៨. បោះបង់ឱកាសចោល ដោយគិតថាពិបាក។ ពួកគេតែងនិយាយថា «ខ្ញុំមិនអាចធ្វើវាទេ ព្រោះវាពិបាកខ្លាំងណាស់»។

៩. ពួកគេតែងតែយកសេចក្តីសុំទោស ដាក់នៅមុខរឿងអ្វីៗទាំងអស់។ បើមាននរណាម្នាក់ កំពុងតែព្យាយាម ចង់ឲ្យគាត់​មានការផ្លាស់ប្តូរ ឲ្យជីវិតរបស់គាត់កាន់តែប្រសើរនោះ គាត់នឹងនិយាយថា «វាពិបាកណាស់ ខ្ញុំមិនអាចធ្វើទេ» ឬ «ខ្ញុំរវល់​ណាស់ ហើយគ្មានពេលដើម្បីសិក្សាអ្វី ដែលថ្មីទេ»។ ប៉ុន្តែពួកគេមិនបានដឹងថា ពួកគេកំពុងតែសម្លាប់ក្តីសុបិន្តរបស់គេទេ។

១០. ពួកគេធ្លាប់រស់នៅក្នុងជីវភាពលំបាក។ ពួកគេគិតថា ប្រាក់ខែរបស់គេប៉ុណ្ណឹង មានភាពគ្រប់គ្រាន់ ក្នុងការបរិភោគ និង​ការរស់នៅ ដោយមិនបានគិតអ្វីវែងឆ្ងាយទៅថ្ងៃក្រោយឡើយ៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២២ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...