ណាដាល់ ទម្លាក់​ម្ចាស់​ជើង​ឯក ហ្វេដឺរឺ ឡើង​ទៅ​ពាក់​កណ្តាល​ផ្តាច់​ព្រ័ត្រ

កីឡាករអេស្ប៉ាញរូបនេះ បានខិតខំប្រឹងប្រែងយ៉ាងខ្លាំង និងបានចូលប្រកួតនៅលើទីលាន ជាលើកដំបូងរបស់គាត់ បន្ទាប់ពីការត្រឡប់មកពីរបួសរបស់គាត់អស់ពេល ៧ខែ ដោយសារតែបញ្ហាជង្គង់។ គាត់នៅតែធ្វើបានយ៉ាងល្អ នៅក្នុងការប្រកួត អ៊ិនដៀន វ៊ែល ថិននីស កាដិន (Indian Wells Tennis Garden) នេះ។ ណាដាល់ បានបំបាក់ម្ចាស់ការពារដំណែងជើងឯក ម្តងក្នុងវគ្គទី១ និង៣ដង ក្នុងវគ្គទី២ ហើយបានយកឈ្នះ ដោយប្រើរយះពេលអស់ ១ម៉ោង ២៤នាទី នៅលើទីលាន។
Loading...
  • ដោយ: វិន ជីវ័ន្ត
  • កែប្រែចុងក្រោយ: March 15, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

កីឡាករវាយកូនបាល់ រ៉ាហ្វា ណាដាល់ (Rafa Nadal) បានប្រកួតឈ្នះកីឡាករស្វីស រ៉ដចឺ ហ្វេដឺរឺ (Roger Federer) ដោយ​លទ្ធផល ៦-៤ និង ៦-២ ហើយអាចបន្តការប្រកួតនៅវគ្គ ពាក់កណ្តាលផ្តាច់ព្រ័ត្រជាបន្ត ក្នុងកម្មវិធីប៊ីអិនភី ប៉ារីបាស អូផិន (BNP Paribas Open) កាលពីថ្ងៃព្រហស្បត៏។


កីឡាករវាយកូនបាល់ រ៉ាហ្វា ណាដាល់ (ស្ដាំ) និងកីឡាករស្វីស រ៉ដចឺ ហ្វេដឺរឺ (ឆ្វេង)។

កីឡាករអេស្ប៉ាញរូបនេះ បានខិតខំប្រឹងប្រែងយ៉ាងខ្លាំង និងបានចូលប្រកួតនៅលើទីលាន ជាលើកដំបូងរបស់គាត់ បន្ទាប់​ពីការត្រឡប់មកពីរបួសរបស់គាត់អស់ពេល ៧ខែ ដោយសារតែបញ្ហាជង្គង់។ គាត់នៅតែធ្វើបានយ៉ាងល្អ នៅក្នុងការប្រកួត អ៊ិនដៀន វ៊ែល ថិននីស កាដិន (Indian Wells Tennis Garden) នេះ។

ណាដាល់ បានបំបាក់ម្ចាស់ការពារដំណែងជើងឯក ម្តងក្នុងវគ្គទី១ និង៣ដង ក្នុងវគ្គទី២ ហើយបានយកឈ្នះ ដោយប្រើ​រយះពេលអស់ ១ម៉ោង ២៤នាទី នៅលើទីលាន។

កីឡាករលេខ៥ ពិភពលោក របស់ប្រទេសអេស្ប៉ាញរូបនេះ បង្កើនកំណត់ត្រារបស់គាត់កាន់តែល្អឡើង បន្ទាប់ពីយក​ឈ្នះ​កីឡាករ ហ្វេដឺរឺ ដោយលទ្ធផលសរុប ១៩-១០ នឹងត្រូវជួបជាមួយកីឡាករឆែក ថូម៉ាស បឺឌីជ (Tomas Berdych) នៅវគ្គបន្ត បន្ទាប់ពីកីឡាកររូបនេះ បានយកឈ្នះ កីឡាករអាហ្វ្រិក ឃេវិន អេនដឺសិន (Kevin Anderson) ដោយលទ្ធផល ៦-៤ និង ៦-៤។

ណាដាល់ បាននិយាយថា «បន្ទាប់ពីអវត្តមានអស់រយះពេល៧ខែ ខ្ញុំពិតជារីករាយខ្លាំងណាស់ ដែលបានបន្តដំណើរ​ទៅ​កាន់វគ្គពាក់កណ្តាលផ្តាច់ព្រ័ត្រជាបន្តនៅថ្ងៃនេះ។ ខ្ញុំគិតថា ខ្ញុំលេងបានយ៉ាងអស្ចារ្យនៅវគ្គទី១។ នៅវគ្គទី២ រ៉ដចឺ មិនបាន​វាយបកខ្ញុំទេ ប្រហែលជាគាត់មានបញ្ហាខ្លះៗ ហើយគាត់មិនមានអារម្មណ៏ល្អក្នុងការប្រកួត។ សម្រាប់ខ្ញុំ ខ្ញុំផ្តោតសំខាន់​ទៅ​លើវគ្គទី១ ព្រោះវាជាវគ្គដែលសំខាន់ក្នុងការប្រកួត ហើយយើងទាំង២នាក់ព្យាយាមលេងឲ្យបានល្អរៀងៗខ្លួន។»

គាត់បានបន្តថា «កត្តាដែលធ្វើឲ្យខ្ញុំរីករាយបំផុតនោះ គឺចលនារបស់ខ្ញុំ ព្រោះយប់នេះ ខ្ញុំធ្វើបានល្អ ជាងពេលមុន។ ខ្ញុំមាន​អារម្មណ៏ល្អ នៅដៃផ្នែកខាងមុខរបស់ខ្ញុំ បើទោះបីជាខ្ញុំធ្វើឲ្យមានកំហុសផ្នែកខាងក្រោយ បន្តិចបន្តួចនៅវគ្គទី២ក៏ដោយ៕»

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៥ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...