ក្រុមទទិនហេម​ឈ្នះ ខណះ​ដែល​ឆែលស៊ី​ចាញ់ ក្នុង​ការ​ប្រកួត​អ៊ឺរ៉ូ

ក្រុមដែលចំណាយលុយធំ របស់ប្រទេសរុស្សី ហ្សីនីត ហ្សិន ផិតធឺស្បឺក (Zenit St Petersburg) និងក្រុម អានហ្សី ម៉ាខាចខាឡា (Anzhi Makhachkala) បែរជាមិនអាចរកគ្រាប់បាល់បាន។ ក្រុម ហ្សីនីត ចាញ់ក្រុម អេហ្វស៊ី បាស៊ែល (FC Basel) ដោយលទ្ធផល ២-០ ហើយក្រុម អានហ្សី ធ្វើបានត្រឹមស្មើ ០-០ ជាមួយនឹងក្រុម ញ៉ូកាស្ស៊ល យូណៃធីត (Newcastle United)។
Loading...
  • ដោយ: វិន ជីវ័ន្ត
  • កែប្រែចុងក្រោយ: March 09, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ក្រុមបាល់ទាត់ទទិនហេម ហតស្ពឺ (Tottenham Hotspur) របស់អង់គ្លេស បានបំបាក់ក្រុម អ៊ីនតឺ មីឡាន (Inter Milan) របស់អ៊ីតាលី ដោយលទ្ធផល ៣-០ កាលពីយប់ថ្ងៃព្រហស្បតិ៏ ក្នុងការប្រកួតពានរង្វាន់អ៊ឺរ៉ូផាលីក (Europa League) ។ ខណះដែលក្រុមម្ចាស់ជើងឯកពានរង្វាន់កំពូលអ៊ឺរ៉ុបឆ្នាំមុន ឆែលស៊ី (Chelsea) បានចាញ់ក្រុម ស្តេអូ ប៊ូចារ៉ែស (Steaua Bucharest) របស់ប្រទេសរ៉ូម៉ានី ដោយលទ្ធផល ១-០ ដោយបាល់ពិន័យ ប៉េណាល់ទី។


ពានរង្វាន់អ៊ឺរ៉ូប៉ា របស់សហព័ន្ធបាល់ទាត់របស់អ៊ឺរ៉ុប។

ក្រុមដែលចំណាយលុយធំ របស់ប្រទេសរុស្សី ហ្សីនីត ហ្សិន ផិតធឺស្បឺក (Zenit St Petersburg) និងក្រុម អានហ្សី ម៉ាខាចខាឡា (Anzhi Makhachkala) បែរជាមិនអាចរកគ្រាប់បាល់បាន។ ក្រុម ហ្សីនីត ចាញ់ក្រុម អេហ្វស៊ី បាស៊ែល (FC Basel) ដោយលទ្ធផល ២-០ ហើយក្រុម អានហ្សី ធ្វើបានត្រឹមស្មើ ០-០ ជាមួយនឹងក្រុម ញ៉ូកាស្ស៊ល យូណៃធីត (Newcastle United)។

អតីតម្ចាស់ពានរង្វាន់អ៊ឺរ៉ុប បិនហ្វីកា (Benfica) បានយកឈ្នះក្រុម ជីរ៉ូនឌិន បរដូ (Girondins Bordeaux) ដោយលទ្ធផល ១-០ ដែលជាគ្រាប់បាល់ចូលទីខ្លួនឯង និងក្រុម ឡាស្ស៊ីអូ (Lazio) បានឈ្នះក្រុម ស្ទូតកាត (Stuttgart) ដោយលទ្ធផល ២-០។

ក្រុម ហ្វិនណាបាច់ (Fenerbahce) បានយកឈ្នះ ១-០ ទៅលើក្រុម វីកតូរៀ ផលស្សិន (Viktoria Plzen) របស់ប្រទេសឆែក និងក្រុម លេវានតេ (Levante) បញ្ចប់ទៅដោយគ្មានគ្រាប់បាល់ ជាមួយនឹងក្រុម រូប៊ីន កាស្សិន (Rubin Kazan) ក្នុងការ​ប្រកួតពានរង្វាន់អ៊ឺរ៉ូផាលីក ជើងទី១ វគ្គ១៦ក្រុមនេះ។

ការប្រកួតរវាង ក្រុមទទិនហេម និងក្រុមអ៊ីនតឺ គឺជាជំនួបគ្នាលើកទី១ បន្ទាប់ពីការជួបគ្នា នៅរដូវកាលឆ្នាំ ២០១០-២០១១ វគ្គចែកពូល។ ក្នុងការប្រកួតនោះក្រុម អ៊ីនតឺបានធ្វើការនាំមុខ មុន ៤-០ ក្នុងវគ្គទី១ ក្នុងកីឡាដ្ឋាន សានស៊ីរ៉ូ (San Siro) បន្ទាបពីកីឡាករ ការ៉េត ប៊េល (Gareth Bale) ស៊ុតបញ្ចូលទីបាន ៣គ្រាប់នៅវគ្គទី២ ធ្វើឲ្យបញ្ចប់ដោយលទ្ធផល ៤-៣។ នៅជើងទី២ ក្រុមទទិនហេម បានយកឈ្នះ ក្រុមអ៊ីនតឺ ដោយលទ្ធផល ៣-១។

គួរបញ្ជាក់ថា ការប្រកួតជើងទី២ នៃពានរង្វាន់អ៊ឺរ៉ូផាលីក វគ្គ១៦ ក្រុម នឹងធ្វើការប្រកួតនៅ ថ្ងៃព្រហស្បតិ៏ ទី១៤ ខែមិនា ឆ្នាំ២០១៣ សប្តាហ៏ក្រោយជាបន្តទៀត៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី០៨ ខែមិនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...