៥នាទីធ្វើឲ្យប្រជាជាតិមួយយំ និងមួយទៀតសើច។ នេះហើយ ដែលគេហៅថា បាល់ទាត់!!!

នៅក្នុងរយៈពេល ត្រឹមតែ៥នាទីប៉ុណ្ណោះ កីឡាករ អង់ទ័ន គ្រីស្មាន់ (Antoine Griezmann) បានរក​គ្រាប់​បាល់​ឲ្យ ក្រុមជម្រើស​ជាតិរបស់ខ្លួន បានដល់ទៅពីរគ្រាប់។ គ្រាប់ទីមួយ ដោយប្រើក្បាលបុកបញ្ចូលទី (នាទី​ទី​៥៧) បន្ទាប់ពីទទួលបាល់បាន ពីស្លាបបម្រើខាងស្ដាំ និងគ្រាប់ទីពីរ ដោយទាន់បញ្ឆិតជើង (នាទីទី៦១) បន្ទាប់​ពី​ទទួល​បាល់​បាន ពីខ្សែប្រយុទ្ធដូចគ្នា។

ការប្រកួតរ​វាងប្រទេសបារាំង និងប្រទេសអៀរឡង់ បានប្រព្រឹត្តិទៅ កាលពីរសៀលថ្ងៃអាទិត្យនេះ នៅក្នុង​កីឡាដ្ឋាន​ដ៏ធំ នៃទីក្រុងលីយ៉ុង ប្រទេសបារាំង។ នៅពាក់កណ្ដាលម៉ោងដំបូង ប្រទេសបារាំងទាំងមូល​ភ័យ បុក​ពោះ​មិនស្ទើរឡើយ ដោយសារក្រុមអៀរឡង់ បាននាំមុខមួយគ្រាប់មុន តាំងពីនាទីទី២ ដោយ​សារ​កីឡាករ​ខ្សែ​បម្រើ​បារាំង «Paul Pogba» បានប្រព្រឹត្តិកំហុស នៅមុខទីខ្លួនឯង។

រីឯក្រុមជម្រើសជាតិអៀរឡង់វិញ បន្ទាប់ពីរកគ្រាប់បាល់បានមួយ នៅក្នុងប៉ុន្មាននាទីដំបូង នៃការប្រកួតនេះរួច បានខិតខំរកគ្រាប់បាល់​បន្ថែមទៀតដែរ តែនៅចំពោះការឈរជើង នៃខ្សែការពារ និងថ្វីជើងដ៏ចំណានៗ របស់​កីឡាករបារាំងនោះ ក្រុមអៀរឡង់មិនបានបង្កគ្រោះថ្នាក់អ្វី ឲ្យខ្លាំងក្លាដល់ក្រុមគូប្រកួតឡើយ។

មិនត្រឹមតែប៉ុណ្ណឹង កីឡាករខ្សែការពាររបស់អៀរឡង់មួយរូប ត្រូវបានអាជ្ញាកណ្ដាលដកកាតក្រហម បណ្ដេញ​ចេញពីការប្រកួត ដោយហេតុមកពីយកជើង ទៅផ្ដួលកីឡាករបារាំង នៅពីមុខទី​ជិតតំបន់គ្រោះថ្នាក់ នៅនាទី​ទី៧៤។

បន្ទាប់បានឈ្នះការប្រកួតនេះរួច ក្រុមបារាំងនឹងត្រូវឡើងទៅជួប នៅថ្ងៃទី៣ ខែកក្កដាខាងមុខ ជាមួយក្រុម​អង់គ្លេស ឬក្រុម​អ៊ីស្លង់ (អាយឡេន) ដែលក្រុមទាំងពីរ នឹងត្រូវទៅជួបគ្នានៅថ្ងៃទី២៧ ខែមថុនាស្អែក៕

» ទស្សនាការប្រកួតនេះ ដោយសង្ខេបឡើងវិញ៖