អំ សំអាត៖ ការ​លាប​ពណ៌ បាន​បំបាត់​សិទ្ធិ​លំនៅដ្ឋាន​សមរម្យ

មន្ត្រីសង្កមស៊ីវិលមួយរូប បានលើកឡើងថា បញ្ហាលំនៅដ្ឋាន បានកំពុងកើតមានខ្លាំង នៅកម្ពុជា ព្រោះ​ពលរដ្ឋ​កម្ពុជា​មួយ​ចំនួន បានខ្វះជម្រកសមរម្យ ដែលប៉ះពាល់ ដល់សិទ្ធិលំនៅដ្ឋានសមរម្យ។ ការគ្មាន​សិទ្ធិ​លំនៅដ្ឋាន​សមរម្យ​នេះ ក៏​បណ្ដាល​មក​ពី ការលាបពណ៌ឲ្យគ្នា ក្នុងរឿងនយោបាយដែរ។
Loading...
  • ដោយ: អ៊ុម វ៉ារី អត្ថបទ ៖ អ៊ុម វ៉ារី ([email protected]) - យកការណ៍៖ស្រ៊ុន ទិត្យ -ភ្នំពេញថ្ងៃទី៧ តុលា ២០១៥
  • កែប្រែចុងក្រោយ: October 14, 2015
  • ប្រធានបទ: សិទ្ធិ
  • អត្ថបទ: មានបញ្ហា?
  • មតិ-យោបល់

«បើយើងលះបង់ អាភាពលាបពណ៌ដាក់គ្នា ខ្ញុំគិតថា អ្វីៗក៏វាបានប្រសើដែរ។» នេះជាការលើកឡើង របស់​លោក អំ សំអាត ប្រធានបច្ចេកទេសស៊ើបអង្កេត នៃអង្គការការពារសិទ្ធិមនុស្ស លីកាដូ ទៅកាន់អ្នក​សារព័ត៌មាន ទាក់ទងនឹងបញ្ហាសិទ្ធិលំនៅដ្ឋាន ដែលត្រូវបានគេមើលឃើញថា បានប៉ះពាល់ លើពលរដ្ឋ​កម្ពុជាមួយចំនួន។

ផ្ដល់កិច្ចសម្ភាស ក្នុងទិវាសិទ្ធិលំនៅដ្ឋាន កាលពីថ្ងៃទី៥ ខែតុលា លោក អំ សំអាត បានលើកជាឧទាហរណ៍ថា ពលរដ្ឋជាង២០ សហគមន៍បាននាំគ្នាប្រារព្វ ទិវាសិទ្ធិលំនៅដ្ឋាន បើរដ្ឋាភិបាលមិនបានប្រារព្ធទេ អាចចាត់​តំណាងមកចូលរួម ជាមួយនឹងប្រជាពលរដ្ឋ។ ឬបើមិនបានប្រារព្ធទេ គួណាស់បើកទូលាយ ដល់ពលរដ្ឋ​ទាំង​អស់ ឲ្យបង្ហាញនូវទុក្ខកង្វល់របស់ខ្លួន ពីបញ្ហាសិទ្ធិលំនៅដ្ឋាននេះ។ លោកបន្តថា ពេលនោះជាតិ និង​អន្តរជាតិ នឹងមើលឃើញថា រដ្ឋាភិបាលកម្ពុជា បើកឱកាសទូលាយ ក្នុងការសម្តែងមតិ ជាមួយនឹងសិទ្ធិ​សេរីភាព ដល់​ប្រជាពលរដ្ឋ។

ផ្ទុយមកវិញ បើរដ្ឋាភិបាលកម្ពុជា នៅតែរិតបណ្តឹងនូវសិទ្ធិសេរីភាព ការសម្តែងមតិ របស់ប្រជាពលរដ្ឋ តាម​រយៈការប្រើប្រាស់ នូវកម្លាំងសមត្ងកិច្ចចម្រុះ ក្នុងការឃាឃាំង ហាមឃាត់ក្រោមមូលហេតុ និងការ​ចោទ​ប្រកាន់ថា ពលរដ្ឋទាំងនោះបំរើនយោបាយ គណបក្សនេះ ឬគណបក្សនោះ នោះបង្ហាញឲ្យឃើញថា ទាំង​នោះ​ជាការរំលោភសិទ្ធិមនុស្សហើយ។ នេះជាការបញ្ជាក់បន្ថែម របស់លោក សំអាត។

មន្ត្រីទទួលខុសត្រូវ ខាងការស៊ើបអង្កេត ករណីសិទ្ធិមនុស្សខាងលើ បានថ្លែងបន្តថា បើរដ្ឋាភិបាលបើក​ទូលាយ ជាមួយនឹងការដោះស្រាយបញ្ហា ជូនពលរដ្ឋ នោះពលរដ្ឋនឹងដឹងគុណ រដ្ឋាភិបាល ហើយបញ្ហាដីធ្លី ក៏នឹងកាត់បន្ថយ។ តែបើការរិតត្បិតសេរីភាពនេះ នៅតែបន្តធ្វើដោយរដ្ឋាភិបាលខ្លួនឯងនោះ មានន័យ​ស្មើ​នឹងរដ្ឋាភិបាល កំពុងផ្តល់ផលប្រយោជន៍ ឬប្រជាប្រិយភាព ទៅដល់គណបក្សផ្សេង យ៉ាងដូច្នោះដែរ។

លោក សំអាត បានថ្លែងឡើងថា៖ «បើយើងរិតត្បិតកាន់តែខ្លាំង កុំលាបពណ៌ប្រជាពលរដ្ឋថា ជាផល​ប្រយោជន៍​នយោបាយ ព្រោះយើង(រដ្ឋាភិបាល)ទេ ជាអ្នកផ្តល់ ផលប្រយោជន៍នយោបាយ ទៅឲ្យគណបក្ស​ផ្សេង មិនមែនប្រជាពលរដ្ឋទេ។ បើសិនជាបើកឱកាស ឲ្យគេមើលឃើញ ប្រជាពលរដ្ឋក៏មើលឃើញ។»

» សូមស្តាប់ការបកស្រាយ ទាំងស្រុង៖

លោក អ៊ី សារ៉ុម នាយកប្រតិបត្តិសមាគមដើមត្នោត ក៏បានលើកឡើងប្រហែលគ្នាដែរថា រដ្ឋាភិបាល​កំពុង​រិតត្បិត សិទ្ធិ សេរីភាព និងការមិនឲ្យបញ្ចេញមតិ ដោយរំលោភលើរដ្ឋធម្មនុញ្ញកម្ពុជា។ លោក​បានលើកឡើង ទាក់ទងនឹងសកម្មភាពរបស់រដ្ឋាភិបាល ក្នុងការប្រឆាំង នឹងការសម្តែងមតិ របស់​ប្រជា​ពលរដ្ឋ​យ៉ាងដូច្នេះថា៖ «វាមិនមែនជាទម្លាប់ នៃការធ្វើអំពើល្អរបស់រដ្ឋាភិបាលទេ។ ពេលនេះរដ្ឋាភិបាល ជ្រើសរើស​យកទង្វើមួយ ដែល​ធ្វើឲ្យប្រជាពលរដ្ឋខ្លាច ដើម្បីងាយក្នុងការគ្រប់គ្រង។ ខ្ញុំគិតថា ទាំងនេះមិនមែន​ជា​ដំណោះ​ស្រាយទេ។»

» សូមស្តាប់ការបកស្រាយ ទាំងស្រុង៖


Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...