រាជធានីភ្នំពេញ - ដើម្បីឲ្យកូនៗលោកអ្នក ពូកែខាងការអានសៀវភៅ៖

១. ត្រូវចេះដឹកនាំពួកគេ ឲ្យធ្វើទស្សនៈកិច្ច ក្នុងបណ្ណាល័យ ឲ្យបានញឹកញាប់៖

ព្រោះ បណ្ណាល័យទាំងឡាយ បានផ្គត់ផ្គង់សៀវភៅច្រើនប្រភេទ សម្រាប់ឲ្យកូនៗលោកអ្នកបានអាន។ មិនតែប៉ុណ្ណោះ បណ្ណាល័យ គឺជាកន្លែងសម្រាប់សិក្សា ស្រាវជ្រាវរៀនសូត្រ និង ជាន្លែងដែលអាចលាតត្រដាងនូវរឿងរ៉ាវ ច្រើនប្រភេទ តាមរយៈសៀវភៅនានាដល់ អ្នករាល់គ្នាដោយ មិនរើសមុខ និងមិន ប្រកាន់ពេលវេលា។ នៅពេលលោកអ្នកបាន ជូន​កូនៗទៅទស្សនកិច្ច បណ្ណាល័យ លោកអ្នកគួរស្នើសុំបណ្ណារក្ខ ឲ្យជួយ ធ្វើបណ្ណសមាជិកបណ្ណាល័យ ដល់កូនៗរបស់ លោកអ្នក ។ ប៉ុន្តែក្នុងករណីដែល លោកអ្នក មិនបានស្នើសុំបណ្ណសមាជិក របស់បណ្ណាល័យ ដល់កូនៗនៅឡើយទេ លោកអ្នកអាចប្រើប្រាស់ បណ្ណសមាជិកបណ្ណាល័យ របស់លោកអ្នកជំនួសមួយ ពេលសិនក៏បាន ។

២. ត្រូវចេះណែនាំពួកគេ ឲ្យស្គាល់ បណ្ណារក្ខឲ្យបានច្បាស់៖

ពេលបានទៅដល់ បណ្ណាល័យហើយ លោកអ្នកដែល ជា ឪពុកម្តាយ និងអាណាព្យាបាល គួរណែនាំខ្លួនលោកអ្នក និង​កូនៗឲ្យបណ្ណារក្ខបានស្គាល់ ។ ព្រោះថា បណ្ណារក្ខអាចជួយ ជ្រើសរើសសៀវភៅដែលល្អ បំផុតសម្រាប់លោកអ្នក និង​កូនៗបាន ។ សៀវភៅដែលបណ្ណារក្ខ លោក អាចនឹងណែនាំ មានដូចជា រឿងព្រេង រឿង កំប្លែង កំណាព្យ ពាក្យស្លោក សុភាសិត សៀវភៅចិត្តសាស្ត្រ-សុខភាព-សុភាវ ធម៌-សុជីវធម៌-សីលធម៌-ច្បាប់-វប្ប ធម៌ ....។ មិនតែប៉ុណ្ណោះ បណ្ណារក្ខ លោកថែមទាំងអាចជួយ បង្ហាញនូវ កម្មវិធីផ្សេង ទៀត ព្រមទាំង សេវាដែលផ្តល់ដោយ បណ្ណាល័យទៀតផង ។

៣. ត្រូវចេះបង្កើនឯកសារអ្វី ដែលទាក់ទងដល់ ការកម្សាន្តបែបអប់រំ បន្ថែមទៅលើសៀវភៅ ដែលមានស្រាប់៖

បន្ថែមពីការណែនាំ ឲ្យកូនៗចូលចិត្តអានសៀវភៅ។ដើម្បី ឲ្យតម្លៃសៀវភៅ និងបណ្ណាល័យមាន លក្ខណៈកាន់ តែប្រសើរ ថែមទៀតនោះ ។ លោកអ្នកគួរតែ មានការថតចម្លងទុក ប្រើប្រាស់ ជាខ្សែអាត់សម្លេង ខ្សែអាត់រូបភាព ដែលមានចលនា ដែលទាក់ទងនឹងរឿងរ៉ាវ ក្នុងសៀវភៅទាំងនោះ ។ ក្រៅពីនោះ លោកអ្នកក៏អាចស្វែងរក សៀវភៅ ដទៃទៀតក្រៅពី ភា សាខ្មែរ ដូចជាភាសាអង់គ្លេសផងដែរ ព្រមទាំងកម្មវិធីដែលអាចជួយកូនៗ លោកអ្នកកាន់តែមាន ភាពស្ទាត់ជំនាញ ខាង ការសៀវភៅរបស់ពួកគេ ។ នៅខណៈដែលលោកអ្នកត្រូវការជំនួយ សម្រាប់ខ្លួនលោកអ្នក និងគ្រួសារ សូមស្វែង យល់ ពីបណ្ណារក្ខនូវកម្មវិធី សម្រាប់ជួយឲ្យមានការចេះអាន និងការចេះសរសេរនៅ ក្នុងចំណោះសហគមន៍ លោកអ្នក ។ មិនតែ ប៉ុណ្ណោះ លោកអ្នក ក៏អាចស្វែងយល់ ពីធនធានឪពុកម្តាយ របស់លោកអ្នកបានដែរ ។

៤. ត្រូវចេះផ្តល់ឱកាស ឲ្យកូនៗលោកអ្នកបានអាន រឿងកម្សាន្ត ៖

ក. សម្រាប់ទារក និង កូនអាយុពី ២ ទៅ ៣ ឆ្នាំ ៖ បណ្ណាល័យជាច្រើន មានម៉ោងនិទានរឿងជាក្រុម ហើយរឿងទាំងនោះ មានលក្ខណៈខ្លី ៗ សមរម្យសម្រាប់ចំណែក នៃការអភិឌ្ឍស្មារតីផ្ចង់អារម្មណ៍ របស់កុមារ ។ ក្នុងពេលនិទានរឿង សូម​ដាក់កូនតូចជាង គេរបស់លោកអ្នក នៅលើភ្លៅ ហើយរីករាយនឹងស្តាប់ ការនិទានរឿងទាំងនោះ ជាមួយគ្នា។ អ្នកនិទាន​រឿងនឹងបង្ហាញឲ្យកូនៗលោកអ្នកនូវ សកម្មភាពកាយវិការ តាមរយៈម្រាមដៃ ទឹកមុខ សម្លេង និងដំណើរ តាមចង្វាក់ភ្លេង ឬតាមលំនាំសាច់រឿងទៀតផង ។ មិនតែប៉ុណ្ណោះ អ្នកនិពន្ធ ឬបណ្ណារក្ខថែមទាំងអាចផ្តល់នូវ អត្ថប្រយោជន៍ ដល់លោកអ្នកតាមរយៈ ការខ្ចីសៀវភៅយកទៅអាន នៅផ្ទះបានថែមទៀតផង ។

ខ. សម្រាប់កុមារដែលត្រៀមចូលសាលា៖ បណ្ណាល័យអាចផ្តល់ នូវពេលវេលា សម្រាប់អានរឿងទាំងឡាយ លើសពី ២ដងក្នុងមួយសប្តាហ៍ ។ សម្រាប់ពេលមើលរឿងទាំងនេះ លោកអ្នក និងកូនៗ តែងតែអានសៀវភៅផ្សេងៗ គ្នាដែល​ទាក់ទងនឹងប្រធានបទតែមួយ ។ លោកអ្នកប្រហែល ជាអាចលេងល្បែង ច្រៀងចម្រៀង សម្តែងដោយប្រើអាយ៉ង ឬធ្វើ សកម្មភាពផ្សេង ដែលទាក់ទង នឹងប្រធានបទ ។ លោកអ្នកថែមអាច យកគំនិតពីសៀវភៅ ដែលបានអាន និងឧបករណ៍ ជំនួយនានាមកអនុវត្តន៍ ជាមួយកូនៗលោកអ្នក នៅឯផ្ទះថែមទៀតផង ។

គ. សម្រាប់សមាជិក គ្រួសារទាំងអស់៖ គ្រប់សមាជិក នៅក្នុងគ្រួសារ ពួកគេអាចអានទាំងអស់គ្នា ឬអាចនិទានរឿង ឬ​ស្តាប់ការនិទានរឿងទាំងអស់គ្នា នៅក្នុងបណ្ណាល័យ។ បណ្ណាល័យមួយចំនួន គេបានថែរក្សាទុករាល់ប្រវត្តិសកម្មភាព នៃគ្រួសារឆ្នើមៗជុំវិញ ការចូលរួមសកម្មភាពអំណាន សកម្មភាពនិទានរឿង និងសកម្មភាពសម្តែង សិល្បៈអប់រំ ក៏ដូចជា សកម្មភាពភាពយន្ត វប្បធម៌របស់បណ្ណាល័យ ។

៥. ត្រូវចេះរៀបចំឲ្យកូនមាន ឱកាសអានសៀវភៅ នៅពេលវិស្សមកាល៖

ក្រោយពីបានឈប់សម្រាក ពីការសិក្សានៅឯសាលា មួយរយៈ កុមារមួយចំនួនអាចភ្លេចនូវមេរៀន មួយចំនួនរបស់ខ្លួន ជាពិសេសពួកគេអាច នឹងភ្លេចការអាននូវមេរៀន ឬភ្លេចនូវការប្រកបនូវ ពាក្យពេចន៍មួយចំនួន ។ ព្រោះថា ពួកគេបាន ឃ្លាតឆ្ងាយ ពីសាលា និងលោកគ្រូអ្នកគ្រូរបស់ពួកគេ ។ អ្វីដែលអាចជួយឲ្យកុមា របាត់ភាពអផ្សុក អាចរំឭកមេរៀនចាស់ របស់គេបាន គឺមានតែបណ្ណាល័យ របស់ពួកគេប៉ុណ្ណោះ ។ ព្រោះថា បណ្ណាល័យអាចជួយរក្សាទុក នូវរាល់ចំណាប់ អារម្មណ៍របស់កុមារ ក្នុងការអានសៀវភៅ នារដូវក្តៅឬក្នុងពេលវិស្សមកាល។ តាមការអង្កេត ក្មេងៗនៅបឋមសិក្សា និង​មធ្យមសិក្សា ពិតជាមានចំណាប់អារម្មណ៍ក្នុងការអានសៀវភៅ ដែលទាក់ទងនឹងមុខវិជ្ជារបស់ពួកគេ ក្នុងរដូវក្តៅនេះ។ គ្រូបង្រៀន ឬបណ្ណារក្ខ អាចផ្តល់ជូននូវសៀវភៅ កំណត់ហេតុមួយក្បាល ឬសៀវភៅអំណាន មួយក្បាលសម្រាប់ជា​រង្វាន់ ពួកគេនៅពេលវិស្សមកាល ។

ចំពោះការអានឮៗឲ្យកុមារ បានស្តាប់ក៏មានសារសំខាន់ ខ្លាំងណាស់ដែរ។ ព្រោះថា វាអាចជួយឲ្យកុមារ​ ចម្រើនខាង​ការ​ស្តាប់ ការនិយាយ និងការពេញចិត្តក្នុងការអានសៀវភៅ នៅក្នុងបណ្ណាល័យ។ នៅក្នុងប្រទេសជឿនលឿនទាំងឡាយ គេច្រៀនតែបង្កើត ក្រុមអំណានសម្រាប់កុមារ ដែលមានឈ្មោះថា (អានឲ្យខ្ញុំស្តាប់) សម្រាប់ពង្រីកការចេះដឹង របស់កុមារ មុននឹងចាប់ផ្តើមចូលរៀន នៅក្នុងសាលា៕

---------------------------------------------------------------
ដោយ៖ គល់រាំង ថ្ងៃទី ៥-១២ ខែ ធ្នូ ឆ្នាំ ២០១២
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ