បេក្ខនារី​ប្រលង​បាក់​ឌុប​ឆ្នាំ​នេះ​ម្នាក់ សម្រាល​កូន​ពេល​ប្រលង

ការមិនបានចូលប្រឡងវិញ្ញាសារ ចុងក្រោយ ដោយបេក្ខនារីប្រលង​បាក់ឌុបម្នាក់ (ជាសិស្សបំពេញវិជ្ជា) ដែល​ឈឺ​ពោះ​ឆ្លងទន្លេ សម្រាលកូន នៅថ្ងៃទី២៥ ខែសីហា ឆ្នាំ២០១៥ ជាថ្ងៃទី២ នៃការប្រឡងបាក់ឌុប ត្រូវបាន​ប្រធាន​មណ្ឌល​មួយ​រូប​បញ្ជាក់​ថា ការមិនបានប្រឡងមុខវិជ្ជានេះ នឹងបានពិន្ទុស្មើសូន្យ។
Loading...
  • ដោយ: ក. សោភណ្ឌ អត្ថបទ និងយកការណ៍៖ ក.សោភ័ណ្ឌ ([email protected]) - ភ្នំពេញថ្ងៃទី ២៥ សីហា ២០១៥
  • កែប្រែចុងក្រោយ: September 01, 2015
  • ប្រធានបទ: អប់រំ
  • អត្ថបទ: មានបញ្ហា?
  • មតិ-យោបល់

តាមប្រសាសន៍របស់លោក ញ៉ែម សំអឿន ប្រធានមណ្ឌលអនុវិទ្យាល័យ ជាស៊ីមស្មាច់មានជ័យ ខេត្តកោះកុង បាន​ប្រាប់សារព័ត៌មានក្នុងស្រុកមួយថា សិស្សស្រីដែលឈឺពោះឆ្លងទន្លេនោះ មានឈ្មោះ ពេជ្រ សំអាត អាយុ​២៥ឆ្នាំ (មានគ្រួសារហើយ) ជាសិស្សបំពេញវិជ្ជា (ស្វ័យរិន) ពិតជាមិនបានប្រឡងវិញ្ញាសារគណិតវិទ្យា ដែលជា​វិញ្ញាសារចុងក្រោយមែន ដោយសារនាងមិនស្រួលខ្លូន ហើយនៅល្ងាចថ្ងៃប្រលងចុងក្រោយនេះ នាងបាន​ឈឺ​ពោះ​សម្រាលកូន។

លោក ញ៉ែម សំអឿន បានប្រាប់អ្នកសារព័ត៌មានទៀតថា៖ «ការមិនបានប្រឡងមុខវិជ្ជានេះ នឹងបានពិន្ទុ​ស្មើ​សូន្យ»។

តាមរយៈ Facebook ផ្លូវការរបស់ក្រសួងអប់រំ យុវជន និងកីឡា ចេញផ្សាយ នៅល្ងាចថ្ងៃទី២៥ ខែសីហា ឆ្នាំ​២០១៥ បានឱ្យដឹងថា មានបេក្ខនារីម្នាក់ ពុំបានប្រឡងនូវវិញ្ញាសារចុងក្រោយ ដោយសារតែនាងឈឺពោះ​សម្រាល​កូន។ សិស្សស្រីម្នាក់ ដែលឈឺពោះសម្រាលកូននោះ គឺប្រឡងនៅមណ្ឌលអនុវិទ្យាល័យ ជាស៊ីមស្មាច់​មានជ័យ ខេត្តកោះកុង។ ម្យ៉ាងវិញទៀត ក្រសួងអប់រំក៏បានបញ្ជាក់ដែរថា មានបេក្ខជនចំនួន ៣១នាក់ មាន​បញ្ហា​សុខភាព ក្នុងកំឡុងដំណើរការសំណេរ នារសៀលថ្ងៃទី២៥ សីហា ២០១៥ នៅមណ្ឌល រាជធានីភ្នំពេញ ខេត្ត​ក្រចេះ កំពង់ចាម សៀមរាប ត្បូងឃ្មុំ កោះកុង កំពង់ស្ពឺ កណ្តាល កំពត កែប កំពង់ធំ ពោធិ៍សាត់ កណ្ដាល កំពង់ឆ្នាំង ព្រះវិហារ បាត់ដំបង និងខេត្តព្រៃវែងផងដែរ។

ប៉ុន្តែសម្រាប់អ្នកប្រើប្រាស់ បណ្តាញសង្គមវិញ បានធ្វើការសំនូមពរ ចំពោះករណីបេក្ខនារី ដែលឈឺពោះឆ្លង​ទន្លេ​នោះថា៖ «គួរតែផ្តល់ពិន្ទុអោយគាត់ ត្រឹមមួយជាប់ ចំពោះវិញ្ញាសារនោះទៅ»។ អ្នកផ្សេងក៏បានង្ហាញក្តីបារម្ភ ចំពោះ​បញ្ហាសុខភាព របស់សិស្សទាំង៣១រូទៀត​ ដែលបញ្ហាសុខភាព នៅពេលប្រឡងនេះដែរ។ អ្នកប្រើប្រាស់​ហ្វេសប៊ុកម្នាក់ ពីក្នុងចំណោមនោះ បានថ្លែងឡើងថា៖ «ចុះបើបេក្ខជនប្រលង មានបញ្ហា​សុខភាពអញ្ចឹង ហើយ​ពួកគាត់មិនបានធ្វើ លំហាត់ប្រលង តើគណៈកម្មាធិការប្រលង គិតយ៉ាងម៉េចដែរ ចំពោះបញ្ហាទាំងអស់នេះ? ខ្ញុំ​សង្ឃឹម​យ៉ាងមុតមាំថា MoEYS Cambodia នឹងបកស្រាយបញ្ហានេះ។»៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...