មន្ត្រីជាន់ខ្ពស់មួយរូបជាតិ គៀដ លោក សាអេដ មីមូស៊ីនី (Saeed Mimousini) បានថ្លែងប្រាប់សារព័ត៌មាន «Iraqi News» ឲ្យដឹងថា មានស្ត្រីក្មេងៗជាច្រើនទាំងនោះ ត្រូវបានចាប់ធ្វើជាចំណាប់ខ្មាំង នៅក្រុង ម៉ូសូល (Mosoul ក្នុងប្រទេសអៀរ៉ាក់) ទីក្រុងដែលបានក្លាយ ជាមូលដ្ឋានដ៏រឹងមាំមួយ របស់ក្រុមអង្កការភេរវនិយម មួយនេះ។

លោក សាអេដ បានឲ្យដឹងទៀតថា គេមិនដឹងថា តើស្ត្រីវ័យក្មេងទាំងនោះ មានដើមកំណើតជាជនជាតិ គៀដ ដែលពួកសមាជិករដ្ឋអ៊ីស្លាម តែងតែសម្លាប់មិនរើសមុខ នោះឡើយ។ ប៉ុន្តែយ៉ាងណាក៏ដោយ ពួកនាងត្រូវ​បាន​សម្លាប់ ដោយសារបាននិយាយថា «ទេ» ទៅនឹងការចាប់បង្ខំ ឲ្យរួមរ័ក្សធ្វើជាទាសីផ្លូវភេទ ឲ្យក្រុមយុទ្ធជនទាំង​នោះ។

ព័ត៌មាននេះ មិនទាន់ត្រូវបានអះអាង បញ្ជាក់ពីភាពជាក់លាក់ ដោយប្រភពឯករាជ្យផ្សេងទៀតនៅឡើយ។

កាលពីសប្ដាហ៍មុន បញ្ជីតារាងតម្លៃខ្លួនមួយ ត្រូវបានទម្លាយឲ្យដឹង បង្ហាញពីតម្លៃទិញលក់ ធ្វើទៅលើ​ទាសី​ផ្លូវ​ភេទ របស់អង្គការរដ្ឋអ៊ីស្លាម។ ក្រុមនេះបានលក់កុមារី ដែលមាន​អាយុ រវាងពី១ ទៅដល់៩ឆ្នាំ ក្នុងតម្លៃ​១៦៥​ដុល្លារ។ កុមារី ដែលមានវ័យការ ចូលដល់ជំទង់ នឹងមានតម្លៃ​១២៤​ដុល្លារ ហើយតម្លៃនឹងកាន់តែថោកទៀត បើវ័យចម្រើនការរបស់ពួកនាង ឡើងដល់២០ឆ្នាំ ឬច្រើនជាងនេះ។

» សូមអានអត្ថបទដែលទាក់ទងឡើងវិញ ដោយចុចនៅលើទីនេះ។

ការជួញដូរស្ត្រី ដែលមិនមែនមានដើមកំណើត ពីសហគមន៍សូនីត បានក្លាយជារឿងធម្មតា និងជាទម្លាប់ នៅ​ក្នុងរង្វង់នៃអង្គការរដ្ឋអ៊ីស្លាម។ ស្ត្រីមួយចំនួន ដែលមានភ័ពសំណាង អាចរួចរស់ជីវិតរត់ចេញមកបាន ធ្លាប់​បាន​ធ្វើជាសាក្សី និងបានរៀបរាប់ ពីអ្វីដែលពួកនាងបានឆ្លងកាត់។

» សូមអានអត្ថបទដែលទាក់ទងឡើងវិញ ដោយចុចនៅលើទីនេះ៕