បែក​ធ្លាយ​រូប​ស្រាត​របស់ ទេព បូព្រឹក្ស? តារា​ចេញ​មក​បក​ស្រាយ

នៅចំពោះការបង្ហោះរូបភាពស្រាត នៅលើបណ្ដាញសង្គម របស់ជនអនាមិក បង្ហាញពីតារាចម្រៀង ទេព បូព្រឹក្ស បញ្ចេញ​សុដន់ យ៉ាង​ទ្រលុក​ទ្រលន់​នោះ តារាចម្រៀង មិនបានបង្អង់យូរឡើយ ក្នុងការធ្វើប្រតិកម្មតបតរ។
Loading...
  • ដោយ: ដារី អត្ថបទ ៖ ដាវី ([email protected]) - ភ្នំពេញ ថ្ងៃទី ១៦ កក្កដា ២០១៥
  • កែប្រែចុងក្រោយ: July 17, 2015
  • ប្រធានបទ: តារា
  • អត្ថបទ: មានបញ្ហា?
  • មតិ-យោបល់

«រូបនេះ ធ្លាប់មានម្ដងហើយ» នេះជាអ្វី ដែលគេអាចអានបាន នៅលើទំព័រហ្វេសប៊ុកផ្លូវការ របស់តារាចម្រៀង​លេចធ្លោ របស់ផលិតកម្មហង្សមាស អ្នកនាង ទេព បូព្រឹក្ស ក្នុងសំណេរប្រតិកម្ម ទៅនឹងព័ត៌មានមួយ ដែល​បង្ហាញ ពីការបែកធ្លាយ តាមបណ្ដាញសង្គម នូវរូបភាពរបស់តារាស្រាត បង្ហាញសុដន់ ដាក់អមជាមួយ​នឹង​រូប​សម្បក ថាសចម្រៀងចេញថ្មី របស់នាង ទេព បូព្រឹក្ស។

តារាចម្រៀង បូព្រឹក្ស បានសរសេរបន្តទៀតថា៖ «ឥឡូវ​ល្បី​ម្តងទៀត​! ធម្មតា​ទេ មាន​អ្នកខ្លះ ស្រលាញ់​គ្រាំទ្រ អ្នកខ្លះ​មិន​គ្រាំទ្រ មនុស្ស​ម្នាក់ មិនអាច​តំរូវ​ចិត្ត មនុស្ស ១០នាក់​ទេ» មុននឹងសរសេរ បន្ថែមទៀតថា៖ «រឿង​​ព័ត៌មាន​​នេះ​ វា​ស៊ាំនឹង​ខ្ញុំ​ហើយ តែ​សូម​គិត​ផង ខ្ញុំ​ជាម​នុស្ស​ស្រី​ណា»។

ទស្សនាវដ្ដីមនោរម្យ.អាំងហ្វូ បានយករូបភាពដើម ដែលបង្ហោះដោយ គណនេយ្យហ្វេសប៊ុក អានាមិកមួយ មក​ជូនអ្នក​ជំនាញ ខាងរូបភាពរបស់ទស្សនាវដ្ដី ដែលធ្វើការនៅក្នុងទីស្នាក់ការ នៅរដ្ឋធានីប៉ារីស ប្រទេសបារាំង ដើម្បី​ធ្វើការពិនិត្យ។ អ្នកជំនាញរបស់ទស្សនាវដ្ដី បានឆ្លើយភ្លាមថា រូបទាំងនេះ ជារូបកាត់ត ប្រសិនបើ​គេ​មើល មុខ​របស់នាង ទេព បូព្រឹក្ស ដែលមានលក្ខណៈសស្គុស ខណៈសាច់ស្មា និងដើមទ្រូងរបស់រូបនោះ មាន​លក្ខណៈ​​ក្រម៉ៅជាង ដែលមិនអាចជារូបថត ដែលចេញពីមនុស្សតែម្នាក់ឡើយ។ រីឯរូបមួយទៀត ជាការ​កាត់​ត ដែល​មានលក្ខណៈខុសទំនងមួយ ឬអាចនិយាយថា អ្នកកាត់ត មិនមានសមត្ថភាពគ្រប់គ្រាន់ ក្នុងការបន្លំទេ ព្រោះ​រូបនោះ ក្បាលអ្នកនាង ទេព បូព្រឹក្ស ត្រូវបានកាត់ យកមកដាក់ លើដងខ្លួនអ្នកដទៃ មិនត្រូវកន្លែង។

ចាត់វិធានការ តាមផ្លូវច្បាប់!

ការបង្ហោះរូបភាពរបៀបនេះ កាលពីអំឡុង ដើមខែមករាកន្លងទៅ ត្រូវបានតារាចម្រៀង​ព្រមានរួចហើយ ថា​នឹង​ប្ដឹងទៅកាន់តុលាការ ដើម្បីស្វែងរកអ្នកបង្ហោះនេះ មកផ្ដន្ទាទោស។ ប៉ុន្តែនៅថ្ងៃទី១៦ ខែកក្កដានេះ អ្នកនាង បូព្រឹក្ស បានថ្លែងប្រាប់ គេហទំព័រក្នុងស្រុកមួយថា ក្រុមគ្រួសាររបស់នាង កំពុងរៀបចំសំណុំបែបបទ​ ដាក់​ពាក្យ​ប្តឹងទៅតុលាការ​ ដើម្បីចាត់ការតាមផ្លូវច្បាប់។

ទេព បូ​ព្រឹក្ស ជាតារាចម្រៀងសំណព្វថ្មី របស់ក្រុមហ៊ុន ហង្សមាស ដ៏ធំរបស់ប្រទេសកម្ពុជា។ តារាវ័យក្មេង ទទួល​បានភាពល្បីល្បាញ ដោយសារសម្លេង ដ៏ទាក់ទាញរបស់នាង នៅក្នុងវិស័យចម្រៀងនេះ ហើយក៏​មាន​មនុស្ស​ជា​ច្រើន បានចូលចិត្ត និងគាំទ្រនាងដែរ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...