ខ្ចី​ម៉ូតូ​គេ​ទៅ​ទិញ​សាច់​ឆ្កែ តែ​ប៉ះ​ជា​មួយ​ឡាន​ធំ រង​គ្រោះ​ដល់​ជីវិត

បុរសពីរនាក់ជិះម៉ូតូ នៅតាមផ្លូវទៅទិញសាច់ឆ្កែ អកុសលត្រូវរងគ្រោះថ្នាក់ ជាមួយឡានធំ នៅតាមផ្លូវ បណ្តាល​ឲ្យ​បុរស​ម្នាក់ ក្នុង​ចំណោម​អ្នក​ទាំង​ពីរ គ្រោះថ្នាក់ដល់ជីវិត។ ហេតុការណ៍នេះ ត្រូវបានសាក្សី ពី​កន្លែង​កើត​ហេតុ​អះអាង​ថា ម្ចាស់​រថយន្ត​បង្ក បាន​ព្យាយាម​រត់​គេច មុន​នឹង​ត្រូវ​ឃាត់​ខ្លូន​បាន។
Loading...
  • ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី ១៤ កក្កដា ២០១៥
  • កែប្រែចុងក្រោយ: July 15, 2015
  • ប្រធានបទ: ចរាចរណ៍
  • អត្ថបទ: មានបញ្ហា?
  • មតិ-យោបល់

បុរសម្នាក់បានស្លាប់ភ្លាមៗ នៅកន្លែងកើតហេតុ នៅក្នុងគ្រោះថ្នាក់ចរាចរណ៍ ដ៏រន្ធត់មួយ ដែលបានកើតឡើង កាលពីវេលាម៉ោង ៤ និង ៥០ នាទីល្ងាចថ្ងៃទី ១៣ ខែកក្កដា ឆ្នាំ២០១៥ នៅតាមបណ្តោយផ្លូវ ៣៧១ ក្នុង​សង្កាត់​ស្ទឹងមានជ័យ ខណ្ឌមានជ័យ រាជធានីភ្នំពេញ។ បុរសដែលរងគ្រោះ ដល់ជីវិតនេះ ឈ្មោះ ហៀង ស្រស់ រស់​នៅ​ភូមិ​រលួស ឃុំប្រធាតុ ស្រុកកំពង់ត្របែក ខេត្តព្រៃវែង។

សាក្សីនៅកន្លែងកើតហេតុ លោក ថា វាសនា ឲ្យដឹងថា ដំបូងលោកឃើញ ម៉ូតូជនរងគ្រោះ ម៉ាកគប់ ស្លាកលេខ​កំពង់ធំ ១E-០៣០១ កំពុងជិះពីមុខឡាន បន្តិចក្រោយមក ឡានធំម៉ាក FUSO ស្លាកលេខ ៣A-១៨៤៩ បើក​យ៉ាងលឿន ដើម្បីវ៉ាម៉ូតូជនរងគ្រោះ។ តែមិនបានសម្រេច បានប៉ះចង្កូតម៉ូតូ ហើយម៉ូតូ បានអូសជាប់ ជាមួយ​ឡាន ប្រមាណ១០ម៉ែត្រ បណ្តាលឲ្យបុរស នៅជិះម៉ូតូខាងក្រោយ រងរបួសក្បាលធ្ងន់ធ្ងរ រហូតតដល់ស្លាប់។ សាក្សី​បន្តទៀតថា ពេលអ្នកបើកឡាន ឃើញអ្នករងគ្រោះស្លាប់ បានបើកទ្វារឡាន រួចរត់គេចខ្លូន ជាមួយព្រូ​ឡាន ទៅតាមផ្លូវមួយ ចន្លោះរោងចក្រ ក្បែរកន្លែងកើតហេតុ។

លោក សឿន ចិន អ្នកបើកម៉ូតូ ជាមួយជនរងគ្រោះ បានប្រាប់ទស្សនាវដ្តីមនោរម្យ.អាំងហ្វូឲ្យដឹងថា លោករស់​នៅភូមិឃុំ ជាមួយជនរងគ្រោះ បច្ចុប្បន្នកំពុងធ្វើការ នៅក្រុមហ៊ុន ប៉ាង លួន ជាកម្មករ ផ្នែកលើកម្នាងសិលា។ លោកថា លោកនិងជនរងគ្រោះ អាយុ២០ឆ្នាំដូចគ្នា ហើយសព្វថ្ងៃ ជនរងគ្រោះជាមិត្តរបស់លោក មានគូ​ដណ្តឹង​ហើយ តែមិនទាន់ដល់ថ្ងៃរៀបការ។ លោកបញ្ជាក់ថា នៅថ្ងៃកើតហេតុ លោក និងមិត្តភក្កិ (អ្នកស្លាប់) បានខ្ចី​ម៉ូតូ​គេ ទៅទិញសាច់ឆ្កែ តែមិនទាន់ដល់ ក៏ជួបគ្រោះថ្នាក់កណ្តាលផ្លូវ។

បច្ចុប្បន្ន អ្នករងគ្រោះ ត្រូវបានមន្ត្រីជំនាញ ប្រគល់ឲ្យក្រុមគ្រួសារ យកទៅធ្វើបុណ្យ តាមប្រពៃណី នៅស្រុក​កំណើត។ ចំណែកឯម្ចាស់ឡានបង្ក និងព្រួឡាន ត្រូវបានសមត្ថកិច្ចឃាត់ខ្លូនបាន បញ្ជួនទៅកាន់ការិយាល័យ ចរាចរណ៍ផ្លូវគោក ខណ្ឌមានជ័យ ដើម្បីចាត់វិធានការតាមផ្លូវច្បាប់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...