១០០ឆ្នាំចុងក្រោយ រាប់ចាប់តាំងពីឆ្នាំ១៩១០ រហូតមកដល់ថ្ងៃនេះ ប្រទេសរ៉ូស្ស៊ី បានឆ្លងកាត់នូវរបប ការតស៊ូ និងការផ្លាស់ប្ដូរមិនឈប់ឈរ ជាពិសេសនៅពេលដែលសហភាពសូវៀត ត្រូវបានបង្កើតឡើង និងបានដួល​រលំមកវិញ។ ចំពោះស្ត្រីរ៉ូស្ស៊ីវិញ ក៏បានផ្លាស់ប្ដូរទៅតាមណ្នឹងដែរ ទាំងមុខមាត់ និងការតុបតែងខ្លួន។ វីដេអូ​ខាង​លើនេះ បានបង្ហាញពីការផ្លាស់ប្ដូរនេះ តែត្រឹមរយៈពេលមិនដល់២នាទីផង តែលោកអ្នក​ច្បាស់ជា​យល់​ដែរ ទោះនៅក្នុងពេលណាក៏ដោយ ក៏សម្ផស្សរបស់នាង នៅតែស្អាត គួរឲ្យចង់គយគន់ដដែល។

អ្នកដែលធ្វើវីដេអូនេះ ជាក្រុម«The Cut» ដែលមានគម្រោង ចង់ធ្វើស្នាដៃរបៀបនេះ ទៅច្រើនប្រទេស ដូចជា​សហរដ្ឋ​អាមេរិក ឥណ្ឌា អៀរ៉ង់ ឬកូរ៉េ ជាដើម។

» សូមទស្សនារូបថតខាងក្រោម ជាមួយនឹងការពន្យល់ត្រួសៗ ទាក់ទងនឹងសម័យកាល៖

ស្ត្រីរ៉ូស្ស៊ី នៅក្នុងទសវត្សន៍ឆ្នាំ១៩៣០ មិនសូវមានការផាត់មុខ តុបតែងអ្វីប៉ុន្មានទេ ដោយសារនៅពេលនោះ ជាសម័យកាល របស់ស្ដាលីន ដែលល្បីថា ជាជនកុម្មុយនីសផ្ដាច់ការ ដ៏ខ្លាំងបំផុតនៃប្រទេស។ ស្ត្រីត្រូវបាន​ហាមឃាត់ មិនឲ្យផាត់មុខ និងទុកសក់វែងឡើយ។

នៅក្នុងទសវត្សន៍ឆ្នាំ១៩៤០ និន្នាការជាតិនិយម បានស្ដែងឡើង តាមរយៈរូបសម្ផស្ស។ នាងៗរ៉ូស្ស៊ី នៅសម័យ​នោះ បានចម្លងម៉ូដតាម «Nadia Popova» ដែលជាអ្នកបើក យន្ដហោះប្រដេញពិសេស របស់កងទ័ពរបស់ សហភាពសូវៀត។

នៅពេលដែលសហភាពសូវៀត បានដួលរលំ នៅឆ្នាំ១៩៩១ ការតុបតែងខ្លួនរបស់ស្ត្រី បានងាកខ្លួនបន្តិចម្ដងៗ ទៅរកបែបលោកខាងលិច។

នៅទីបញ្ចាប់នៃវីដេអូ ពួកគេបានឧទ្ធិសទៅក្រុមមួយ មានឈ្មោះថា «Pussy Riot» ដែលសកម្មក្នុងការលើក​ស្ទួយ​សិទ្ធិស្ត្រី ក្នុងប្រទេសរ៉ូស្ស៊ី។