បើតាមភ្នាក់ងារនគរបាល នៅតំបន់ឆ្នេរ ដែលមានហេតុការណ៍ បានឲ្យដឹងថា យុវតីជាជនរងគ្រោះ ត្រូវបានបំពាន​លើ​រាង​កាយ ដោយបុរសបីនាក់ កាលពីខែមីនាកន្លងទៅ។ បុរសទីបី កំពុងស្ថិតក្រោម ការស្វែររកចាប់ខ្លួន នៅឡើយ។ នគរបាល​បានសង្ស័យមនុស្សទីបួនម្នាក់ទៀត ប៉ុន្តែនគរបាលនៅមិនទាន់ច្បាស់ ពីមុខសញ្ញាមួយនេះ ហើយមិនទាន់​ប្រាកដ​ថា ជននេះមានជាប់ពាក់ព័ន្ធ នៅក្នុងសំនុំរឿងនេះ យ៉ាងដូចម្ដេចទេ។

ការរំលោភនេះ ត្រូវបានថតជាប់ ដោយទូរស័ព្ទដៃមួយគ្រឿង។ យុវតីរងគ្រោះ ត្រូវបានបង្ខំឲ្យដេក នៅលើកៅអី​លំហែ​កាយ នៅលើឆ្នេរ ក្រោយពីត្រូវបានជនទាំងនេះ លោមព័ទ្ធជុំជិត។ នៅពេលភ្លាមៗ មិនមាននរណាម្នាក់ បានរាយការណ៍​ករណីនេះ ទៅអាជ្ញាធរទេ ទោះជានៅជុំវិញនោះ មានមនុស្សម្នារាប់សិបនាក់ ក៏ដោយ។

ប៉ុន្តែអ្នកស៊ើបអង្កេត បានរកឃើញវីដេអូនេះ នៅពេលដែលពួកគេកំពុងស្រាវជ្រាវ នៅក្នុងសំនុំរឿង បាញ់បោះផ្សេងទៀត ដែលធ្វើឲ្យអាជ្ញាធរ ឈានទៅបើកសំនុំរឿង ចាប់រំលោភ ហើយចាប់បានជនទាំងពីរនាក់ បញ្ជូនទៅតុលាការ។

ចំណែកឯយុវតីរងគ្រោះវិញ បាននិយាយថា នាងមិនបានដាក់ពាក្យបណ្ដឹង ពីករណីនេះទេ ដោយហេតុថា នាងមិនបាន​ចាំអ្វីបានច្រើន និងឲ្យច្បាស់ ពីហេតុការណ៍ ដ៏អាក្រក់នេះឡើយ។ នាងគិតថា នាងទំនងជា ត្រូវបានគេបញ្ច្រក ឲ្យផឹក​គ្រឿង​ស្រវឹង រហូតមិនដឹងខ្លួន៕