កូនប្រុស ស៊ិន ស៊ីសាមុត ទទួលមរណៈភាពដោយខ្យល់គរ
- ដោយ: ប្រាថ្នា អត្ថបទ៖ ប្រាថ្នា ([email protected]) - ភ្នំពេញ ថ្ងៃទី២០ មករា ២០១៥
- កែប្រែចុងក្រោយ: January 20, 2015
- ប្រធានបទ: ជីវិត
- អត្ថបទ: មានបញ្ហា?
- មតិ-យោបល់
-
លោក ស៊ីន ច័ន្ទឆាយា កូនប្រុសរបស់អធិរាជសំឡេងមាស ស៊ីន ស៊ីសាមុត ដែលមានវ័យប្រហែលជា៦០ឆ្នាំ បានទទួលមរណៈភាពហើយ កាលពីវេលាម៉ោងជាង ១១ នាថ្ងៃទី២០ ខែមករា ឆ្នាំ២០១៥។ មូលហេតុដែលនាំឱ្យទទួលមរណភាពនេះ បណ្ដាលមកពីការប៉ះទង្គិចក្បាលដ៏ធ្ងន់ធ្ងរ ក្រោយពីខ្យល់គរធ្វើឲ្យដួលបោកក្បាល និងបណ្តាលឱ្យដាច់សរសៃឈាមខួរក្បាល ។
សពលោក ស៊ិន ច័ន្ទឆាយា តម្កល់ធ្វើបុណ្យនៅផ្ទះលេខ៥០B ផ្លូវ២០៤ ខាងត្បូងសាលាបឋមសិក្សាទឹកល្អក់៣ ខាងក្រោយផ្សារឃ្លាំងរំសេវ។
ដំណឹងនៃការទទួលមរណៈភាពរបស់លោក ស៊ិន ច័ន្ទឆាយា បានធ្វើមហាជនានា និងបណ្តាសិល្បៈករសិល្បៈការនី មានការសោកស្តាយជាខ្លាំង។ បើតាមលោក សុះ ម៉ាច ប្រធាន សមាគមសិល្បករខ្មែរ បានឲ្យដឹងថា ស្អែកនេះម៉ោង៩ព្រឹក សមាគមសិល្បករខ្មែរ នឹងចូលរួមគោរពវិញ្ញាណក្ខន្ធ ហើយលោកបានអំពាវនាវ ឱ្យមិត្តសិល្បករសិល្បការិនីទាំងអស់ មេត្តាចូលរួមគោរពបុណ្យសពកូនប្រុសបង្កើតរបស់លោក ស៊ិន ស៊ីសាមុត នេះ។
កន្លងមកថ្មីៗនេះ លោកស៊ិន ច័ន្ទឆាយា និងម្តាយ ទើបនឹងទាមទារ កម្មសិទ្ធិបញ្ញាលើចម្រៀងរបស់លោក ស៊ិន ស៊ីសាមុត ចំនួន ៧៣បទ ដើម្បីកុំឱ្យមានថតចម្លង ឬលួចទំនុកច្រៀងទៅធ្វើអាជីវកម្មបន្ត៕