ស្តាប់ចម្រៀងអ្នកគាំទ្រ មាស សុខ សោភា និយាយអ្វីខ្លះពីនាង
- ដោយ: ប្រាថ្នា អត្ថបទ និងយកការណ៍៖ ប្រាថ្នា ([email protected]) - ភ្នំពេញ ថ្ងៃទី០៨ ធ្នូ ២០១៤
- កែប្រែចុងក្រោយ: December 09, 2014
- ប្រធានបទ: តារា
- អត្ថបទ: មានបញ្ហា?
- មតិ-យោបល់
-
ខុសពីតារាល្បីដ៏ទៃទៀត ដែលតែងញាំញីទៅដោយរឿងអាស្រូវ និងពាក្យចចាមអារ៉ាមមិនល្អជាដើមនោះ ប៉ុន្តែដោយឡែក មាស សុខសោភា តារាចម្រៀងរបស់ផលិតកម្មថោន បានទទួលនូវកេរ្តិ៍ឈ្មោះកាន់តែល្បីសុះសាយ និងទទួលបានការគាំទ្រយ៉ាងច្រើន ដោយសារតែនាងបានធ្វើសកម្មភាពជាច្រើន ដើម្បីជួយសង្គម។
មាស សុខសោភា ទើបតែលេចធ្លោខ្លាំង ក្នុងការដឹកនាំប្រជាពលរដ្ឋ និងព្រះសង្ឃការពារព្រៃឈើ យ៉ាងស្វាហាប់ និងដាំដើមឈើនៅក្នុងតំបន់មួយនៅ ភ្នំឱរ៉ាល់ ស្រុកឱរ៉ាល់ ខេត្តកំពង់ស្ពឺ ដែលកំពុងរងនូវការកាប់បំផ្លាញពីឈ្មួញ។ ក្រៅពីសកម្មភាព ដាំ និងបណ្តុះកូនឈើ តារាចម្រៀងដែលមានប្រវត្តិជាអ្នកក្រខ្សត់រូបនេះ បានធ្វើនូវសកម្មភាពមួយចំនួនទៀត ដូចជាការចែកអំណោយដល់ក្មេងកំព្រា និងចាស់ជរាជាដើម។
ក្នុងបទចម្រៀងមួយមានចំណងជើងថា «ចម្រៀងគាំទ្រ មាស សុខសោភា» ដែលអ្នកគាំទ្ររបស់នាងបាននិពន្ធឡើង បានច្រៀងសរសើរថា តារាចម្រៀងប្រជាប្រិយភាពរូបនេះថា មិនត្រឹមតែមានសំនៀងពិរោះនោះទេ តែមាស សុខសោភា មានសម្រស់បែបជានារីខ្មែរ និងមានចិត្តល្អ។ ឃ្លាមួយនៃបទចម្រៀងគាំទ្រ មាស សុខសោភា អ្នកគាំទ្រតារាចម្រៀងបានលើកឡើងថា៖ «ស្រលាញ់សម្លេងបទភ្លេង តែងទំនុកច្រៀងល្អ ហើយគ្មានល្អៀង អូនច្រៀងបទថ្មីបទចាស់ បងប្អូនគាំទ្រថាពិរោះណាស់ ស័ក្កសមអូនពិតជាម្ចាស់សម្លេងរ៉ៃមាស»។
បទចម្រៀងមួយនេះនិពន្ធ និងច្រៀងដោយអ្នកគាំទ្រនាងម្នាក់ ដែលមានឈ្មោះថា សួន ប៊ុនសំ។
បទចម្រៀង ដែលនិពន្ធឡើង ដើម្បីលើកសរសើរដល់មាស សុខសោភា នេះ មានតម្លើងជាវីដេអូ ដែលមានដាក់បញ្ចូលដោយរូបភាពជាច្រើន ដែលបង្ហាញពីសកម្មភាពសម្បុរសធម៌ និងភាពរម្យទុំរបស់តារាចម្រៀង។ ចំណែកអ្នកគាំទ្ររបស់នាងឯទៀត ក៏សរសេរសរសើរដែរថា តារាចម្រៀង មាស សុខសោភា ថាជាតារាចម្រៀងមានចិត្ត និងជាគំរូដល់តារាដ៏ទៃទៀត។ ពួកគេចង់អ្នកនិពន្ធ សួន ប៊ុនសំ ខាងលើ និពន្ធបទចម្រៀងមួយបទទៀត ដែលនិយាយពីសកម្មភាពជួយសង្គមរបស់នាង ដូចជាការដាំដើមឈើ ជួយជនក្រីក្រ និងសកម្មភាពអប់រំជាច្រើនទៀត។
ចង់ដឹងថាបទចម្រៀង «ចម្រៀងគាំទ្រមាស សុខសោភា»មានអត្ថន័យ និអត្ថរសយ៉ាងណានោះ ស្តាប់ទាំងអស់គ្នា៖