វ៉ាង ស្រីណូ ប្រកាសវិលចូលសិល្បៈជាថ្មី ក្រោយស្ងាត់រឿងអាស្រូវ
- ដោយ: ប្រាថ្នា ដោយ ប្រាថ្នា (ទំនាក់ទំនង៖ [email protected] ) - ភ្នំពេញ ថ្ងៃទី០២ តុលា ២០១៤
- កែប្រែចុងក្រោយ: October 04, 2014
- ប្រធានបទ: តារា
- អត្ថបទ: មានបញ្ហា?
- មតិ-យោបល់
-
ក្រោយអវត្តមានពីវិស័យសិល្បៈ អស់រយៈពេលប្រមាណជាង៤ឆ្នាំ កញ្ញា វ៉ាង ស្រីណូ ដែលត្រូវបានគេស្គាល់ថា ជាតារាសម្តែងស្រីចូលបញ្ចេញរាងស៊ិចស៊ី លេចលើបញ្ចេញក្រោម កាលពីពេលថ្មីៗនេះ នៅលើទំព័រហ្វេសប៊ុករបស់នាង គេឃើញសារមួយបានរំលេចឡើង ប្រកាសពីការវិលចូលពិភពសិល្បៈជាថ្មី និងទាមទារការគាំទ្រ ពីទស្សនិកជន។ សារនោះ បានបញ្ជាក់ថា នាងកំពុងត្រៀមត្រឡប់មកវិញ ជាមួយនឹងភាពយន្ដថ្មីមួយ ដែលគ្រោងនឹងសម្តែង សម្រាប់ផ្សាយនៅទូរទស្សន៍ស៊ីធីអ៊ិន និងត្រៀមថតនៅដើមខែមករា ឆ្នាំ២០១៥ ខាងមុខនេះ។
តារាសម្តែងស៊ិចស៊ីល្បីឈ្មោះរូបនេះ បានសរសេរថា៖ «ជំរាបសួរដល់បណ្តាហ្វ្រេន (Friends) របស់នាងខ្ញុំ ជាពិសេសគឺបងៗផលិតករ អោយបានដឹងថា នាងខ្ញុំ ស្រី ណូ បានបង្ហាញខ្លួន(វិញ) នៅលើវិថីចាស់ ដែលនាងខ្ញុំបានសម្រាកជាយូរហើយ គិតចាប់ពីឆ្នាំ២០១០មកទល់ពេលនេះ។ ហើយមិនយូរទេ គឺនាងខ្ញុំកំពុងពិចារណា នូវខ្សែរឿងភាគរបស់ CTN ដែលលទ្ធផលនឹងវិជ្ជមាន នៅពេលខាងមុខនេះ។»
នៅក្នុងសារនោះ តារាសាច់ខ្ចី ស្រីណូ បានអះអាងទៀតថា នៅពេលដំណើរការថតរឿងថ្មីនោះ នឹងមានការរៀបចំធ្វើសន្និសីទកាសែត និងសែនក្រុងពាលីនោះផងដែរ។
គួររម្លឹកថា កញ្ញា វ៉ាង ស្រីណូ បានបាត់មុខពីវិថីសិល្បៈ ក្នុងអំឡុងឆ្នាំ២០១០ បន្ទាប់ពីពត៌មានមិនល្អជាច្រើន ត្រូវបានបែកធ្លាយ ក៏ដូចជារងគ្រោះនឹងការវាយប្រហារ នូវរឿងអាស្រូវដូចជា រស់នៅលាក់មុខដោយសារមានផ្ទៃពោះ មានស្នេហាលួចលាក់ ជាមួយមន្ត្រីបុណ្យសក្តិខ្ពស់ និងភៀសខ្លួនទៅប្រទេសវៀតណាម ធ្វើការព្យាបាលជំងឺមហារីកដើមទ្រូងជាដើម៕