អ្នកនាង សុខ សោម៉ាវត្តី បានបង្ហោះរូបភាពជាច្រើន នៅលើទំព័រហ្វេសប៊ុករបស់នាង ដោយធ្វើការប្រៀបធៀប រូបសម្រស់អ្នកនាងទៅតារាសម្តែង ស្រីមិនចំស្រី ប្រុសមិនចំប្រុស Miss Photo city ហៅ រ៉ូលីន។

អមជាមួយ និងរូបភាពនៃការតុបតែងខ្លួនបែបកំប្លែង ពិធីការិនីរូបស្រស់កូនមួយ អ្នកនាងសុខ សោម៉ាវត្តី បានសរសេរសារបង្ហោះលើ ទំព័រហ្វេសប៊ុករបស់នាងថា «ទោះបីខ្ញុំខំ Make up យ៉ាងណាក៏ មិនស្អាតដូច កញ្ញា Rolin ដែរ ហិហិហិ» និងមានសារជាច្រើនទៀត ដែលតារាស្រីរូបនេះ បានសរសេរបង្ហោះ ជាបន្តបន្ទាប់ ដោយបង្ហាញពីអារម្មណ៍តូចចិត្ត ថានាងមិនស្អាត ដូចតារាសម្បូរទេពកោសល្យសិល្បៈ ច្រើនជំនាញលោក ជួប ចាន់កក្តដា ហៅកញ្ញា រ៉ូលីន។

វាពិតជារឿងមួយ មិនគួរឱ្យជឿ ដែលពីធីការិនីរូបស្រស់ អ្នកនាង សុខ សោម៉ាវត្តី បានពោលពាក្យថា ខ្លួនមិន​ស្អាតដូចជា កញ្ញា រ៉ូលីន យ៉ាងដូច្នេះ។ ក្នុងពេលដែរតារាទាំងពីរ ធ្វើជាពិធីករួមគ្នា ក្នុងកម្មវិធី ការប្រកួត​កីឡា​កាយវប្បកម្មលើកទី៤ នៅខេត្តសៀមរាប កាលថ្ងៃទី ៦ ខែកញ្ញា ២០១៤ អ្នកនាង សុខ សោម៉ាត្តី បាន​លើក​ឡើងថា៖ «ពេលជិត កញ្ញារ៉ូលីន បានដឹងថាខ្លួនឯង ចាញ់ រ៉ូលីន ដាច់»។ សម្រាប់មិត្តមួយចំនួនវិញ បានឆ្លង​ឆ្លើយពាក្យលេងសើចជាមួយដែរថា៖ «នេះដោយសារតែបងស្រីអាក្រក់ មិនដល់រ៉ូលីន»។

បើនិយាយសមត្ថភាពវិញ ជួនកាលពិធីការិនី សម្តីផ្អែមស្រទន់របស់ស្ថានីយ៍ទូរទស្សន៍បាយ័ន អ្នកនាង សុខ សោម៉ាវត្តី អាចនឹងមិនឈ្នះតារាសម្តែង និងចម្រៀង Miss Photo city ហៅ រ៉ូលីន ព្រោះអ្នកណាក៏ដឹងដែរថា តារារូបមានទេពកោសល្យជាច្រើនជំនាញ ដូចច្រៀង ជាសម្លេងមនុស្សប្រុសមនុស្ស សម្តែងបានជាច្រើនតួ ជាពិធីករ និងជាតារាកំប្លែងជាដើម។

ចុះប្រិយមិត្តវិញយល់យ៉ាងណា សម្រាប់រូបសម្រស់របស់តារាទាំងពីរ?