បាល់ទាត់ពិភពលោក៖ ប៊ែលហ្សិកបញ្ជូនប្រេស៊ីល ឲ្យត្រឡប់ទៅផ្ទះមុនក្ដីរំពឹង
បន្ទាប់ពីម្ចាស់ពានរង្វាន់លើកមុន គឺក្រុម អាល្លឺម៉ង់ ដែលត្រូវបានផាត់ចេញ ពីព្រឹត្តិការណ៍ពិភពលោក តាំងពីវគ្គជម្រុះតាមពូលនោះ នៅវេលានេះ ដល់វេនរបស់ក្រុមជម្រើសជាតិ ប្រេស៊ីល ម្ដង។ ក្រុមបាល់ទាត់ របសប្រទេសស្ដេចបាល់ទាត់ ដែលទទួលការរំពឹង ថានឹងអាចលើកពានពិភពលោក ឆ្នាំនេះក្នុងប្រទេសរ៉ូស្ស៊ីនោះ បានប្រកួតចាញ់ក្រុម បីសាចក្រហម ប៊ែលហ្សិក ដោយគ្រាប់បាល់ ១-២ នៅក្នុងការប្រកួតដ៏តឹងតែងមួយ នៃវគ្គ១ភាគ៤ផ្ដាច់ព្រ័ត្រ។
វាជាការប្រកួតដ៏តឹងតែង ដោយសារក្រុម ប្រេស៊ីល បានសាកល្បង និងព្យាយាមតាមគ្រប់មធ្យោបាយ ដើម្បីរកគ្រាប់បាល់ឲ្យស្មើមកវិញ។ តែនៅចំពោះខ្សែការពារ ប៊ែលហ្សិក ដ៏រឹងមាំ និងពោរពេញ ដោយបទពិសោធន៍ ក្រុមស៊ាំបា ប្រេស៊ីល មិនអាចរកគ្រាប់បាល់ បាន លើសពី១គ្រាប់ ដែលរកបានដោយកីឡាករ «Renato Augusto» នៅនាទីទី ៧៦ នោះឡើយ។
តែគេត្រូវនិយាយ ពីភាពទន់ខ្សោយ របស់សន្ទុះបាល់ទាត់ ប្រេស៊ីល ដែលបង្ហាញឲ្យអ្នកផងបានដឹង [...]
