ខណៈដែលកេរិ៍្តឈ្មោះ កំពុងតែបោះជំហាន ទៅមុខតាមរយៈសមត្ថភាព តួសម្តែងបូករួម និងកាន់តែ​មាន​រូប​សម្ភស់ស្រស់ស្អាតទ្វេឡើងនោះ ក៏ស្រាប់តែមាន ដំណឹង ខ្សឹបខ្សៀវវមកថា តារាសម្តែង ចរិយា ពេជ្រ ថ្មីៗ​នេះ បានចំណាយលុយ រាប់ពាន់ដុល្លារចេញទៅ កែសម្ផស្សធ្វើខ្ទង់ច្រមុះ និងកែបបូរមាត់ នៅប្រទេសថៃ ដើម្បីបន្ថែមសម្រស់ពីធម្មជាតិ។

តារាចម្រៀង និងសម្តែង ចរិយា ពេជ្រ ក្រោយបានចូលប្រឡូក នៅក្នុងវិស័យសិល្បៈអស់រយៈពេល ជាង​ពីរ​ឆ្នាំមកនេះ ត្រូវបានគេមើលឃើញថា នាងហាក់កំពុងតែ លេចមុខលេចមាត់ ច្រើនគួរសម នៅក្នុងអាជីព​សិល្បៈ។ គេក៏ឧស្សាហ៍ឃើញមុខតារាសម្តែងវ័យក្មេងររូបនេះ បង្ហាញមុខជាញឹកញាបើផងដែរ ក្នុងកម្មវិធី ប្រគំតន្រ្តី នៃស្ថានីយ ទូរទស្សន៍ និងការសម្តែង គ្រងតំណែង តួឯកជាដើម។

តាមការលេចលឺពីអ្នករនៅក្នុងរង្វង់សិល្បៈសិល្បៈបាននិយាយថា តារាស្រីសាច់សខ្ចីកញ្ញា ចរិយា ពេជ្រ បាន ចំណាយលុយ មិនតិចពាន់ដុល្លារនោះទេ ដើម្បី កែច្នៃរូបសម្រស់របស់ខ្លួនឱ្យស្រស់ស្អាតជាងមុន ដោយតារារូបនេះបានទៅធ្វើខ្ទង់ច្រមុះ និងកែបបូរមាត់នៅ ប្រទេសថៃឱ្យកាន់តែ មានភាពស្រស់ស្អាត បន្ថែមមួកំរិតទៀត។

គេបាននិយាយថែមទៀតទៀតថា ក្រោយពីកែច្រមុះ និងធ្វើបបូរមាត់ហើយនោះ ចរិយា ពេជ្រ នាង ហាក់​មានយឺអ៊ុន ឡើងខ្ពស់ជាងមុនទាំង អាជីព សម្តែង សិល្បៈ និងរឿងរ៉ាវស្នេហារផ្ទាល់ខ្លួន។ មិនតែប៉ុណ្ណោះ បច្ចុប្បន្ននាងក៏សម្បូរអ្នកតាមប្រម៉ាញ សុំស្នេហ៍ទៀតផង។ ប៉ុន្តែរឿងរ៉ាវនៃការចំណាយលុយ ទៅកែសម្ផស្ស​នេះ ត្រូវបានសាម៉ីខ្លួនព្យាយាមលាក់បាំងផងដែរ៕