អ្នកណា​ខ្លះ ឈរ​ជា​បេក្ខភាព​ប្រធាន​គណៈកម្មការ​ទាំង​១០ នៃ​រដ្ឋសភា?

គណបក្សប្រជាជនកម្ពុជា បានរៀបចំរួចជាស្រេចហើយ នូវសមាសភាពគណៈកម្មការជំនាញ ទាំង៥ នៃរដ្ឋសភា និង ប្រធាន អនុប្រធានទី២ នៃរដ្ឋសភា។ ប៉ុន្តែសមាសភាព មកពីខាងគណបក្សសង្គ្រោះជាតិ នៅមិនទាន់បានបង្ហាញជា ផ្លូវការនៅឡើយ។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញថ្ងៃទី២៩ កក្កដា ២០១៤
  • កែប្រែចុងក្រោយ: July 29, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

គណបក្សប្រជាជនកម្ពុជា បានរៀបចំរួចជាស្រេចហើយ នូវសមាសភាពគណៈកម្មការជំនាញ ទាំង៥ នៃរដ្ឋសភា និង ប្រធាន អនុប្រធានទី២ នៃរដ្ឋសភា។ ប៉ុន្តែសមាសភាព មកពីខាងគណបក្សសង្គ្រោះជាតិ នៅមិនទាន់បានបង្ហាញជា ផ្លូវការនៅឡើយ។


រូបថតអនុស្សាវរីយ៍នៃការបើកនិតិកាលថ្មីនៃរដ្ឋសភាដែលមានអ្នកតំណាងរាស្ត្រចូលរួមតែពីគណបក្សមួយ នៅកម្ពុជាថ្ងៃទី២៣ខែកញ្ញាឆ្នាំ២០១៣។ (រូបថត MONOROOM.info/ O.vary)

រដ្ឋសភា - កាលពីថ្ងៃទី២៨ ខែកក្កដា កន្លងមកនេះ ក្នុងបទសម្ភាសជាមួយអ្នកសារព័ត៌មាន លោកជាម យៀប មន្ត្រី​ជាន់ខ្ពស់គណបក្សប្រជាជនកម្ពុជា  បានលើកឡើងថា លោក ហេង សំរិន នឹងនៅជាប្រធាន រីឯលោក ងួន ញិល នឹងធ្លាក់មកធ្វើជាអនុប្រធាន២វិញ នៃរដ្ឋសភា។

សម្រាប់ប្រធាននៃគណៈកម្មការជំនាញទាំងប្រាំ នៃរដ្ឋសភា របស់គណបក្សប្រជាជនកម្ពុជា រួមមានគណៈកម្មការ​សេដ្ឋកិច្ច ហិរញ្ញវត្ថុ ធនាគារ និងសវនកម្ម (គណៈកម្មការទី២) លោកជាម យៀប ប្រធាន។ គណៈកម្មការមហាផ្ទៃ​ការពារជាតិ អង្កេត បោសសំអាត និងមុខងារសាធារណៈ (គណៈកម្មការទី៤) លោក ហ៊ុន ណេង ជាប្រធាន។ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន (គណៈកម្មការទី៥) លោក ឈាង វុន ប្រធាន។ គណៈកម្មការនីតិកម្ម និងយុត្តិធម៌ (គណៈកម្មការទី៦) លោក ប៉ែន បញ្ញា ប្រធាន។ និងគណៈកម្មការ សាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) លោកស្រី និន សាផុន ប្រធាន។

ដោយឡែកសម្រាប់គណបក្សសង្គ្រោះជាតិ អ្នកនាំពាក្យលោក យឹម សុវណ្ណ មិនទាន់បញ្ជាក់ជាផ្លូវការនៅឡើយ ពី​បេក្ខភាពប្រធាននៃគណកម្មការទាំងប្រាំនោះ។ តែបើយោងតាមកិច្ចព្រមព្រៀង នៃគណបក្សទាំងពីរកាលពីថ្ងៃទី២២ ខែកក្កដា ឆ្នាំ២០១៤ គណបក្សនេះត្រូវទទួលបាននូវគណកម្មការ«ប្រាំ»ដែរ រួមមាន គណៈកម្មការសិទ្ធិមនុស្ស ទទួល​ពាក្យបណ្តឹង អង្កេត និងទំនាក់ទំនងរដ្ឋសភា ព្រឹទ្ធសភា (គណៈកម្មការទី១), គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិសា្ថន និងធនធានទឹក (គណៈកម្មការទី៣), គណៈកម្មការអប់រំ យុវជន កីឡា ធម្មការ និងសាសនា វប្បធម៌ និងទេសចរណ៍ (គណៈកម្មការទី៧), គណៈកម្មការ សុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី (គណៈកម្មការទី៨) និងគណៈកម្មការអង្កេត បោសសំអាត ប្រឆាំងអំពើពុករលួយ (គណៈកម្មការទី១០)។

ព័ត៌មានមិនផ្លូវការមួយ បានទម្លាយថា លោក សម រង្ស៊ី ដែលទើបនឹងក្លាយជាតំណាងរាស្ត្រជាប់ឆ្នោត នឹង​ត្រូវ​ធ្វើជា​ប្រធានគណៈកម្មការទី១០ នៃរដ្ឋសភា ដែលទើបនឹងបង្កើតថ្មីនេះ។

បើយោងតាមការចាត់តាំង នៃកិច្ចប្រជុំក្រុមបច្ចេកទេស កាលពីព្រឹកថ្ងៃទី២៩ ខែកក្កដានេះ គណបក្សទាំងពីរ បាន​ចាត់តាំងក្រុមបច្ចេកទេសដែលមាន ប៊ិន ឈិន និងលោក គួយ ប៊ុនរឿន ជាប្រធានក្រុមការងារ ឲ្យជួបប្រជុំគ្នា​ធ្វើ​វិសោធនកម្ម​ច្បាប់​បោះឆ្នោត។ លោក ប៉ែន បញ្ញា និងលោក អេង ឆៃអ៊ាង ជួបគ្នាធ្វើវិសោធនកម្មរដ្ឋធម្មនុញ្ញ។ លោក ឈាង វុន និងលោក យ៉ែម បុញ្ញឫទ្ធិ ជួបគ្នាកែទម្រង់បទបញ្ជាផ្ទៃក្នុងរដ្ឋសភា។ និងថ្ងៃទី៣០ខែកក្កដា ស្អែកនេះ រដ្ឋសភា នឹងបន្តប្រជុំពេញវិសាមញ្ញ ដើម្បីពិភាក្សា និងអនុម័តនូវវិសោធនកម្មបទបញ្ជាផ្ទៃក្នុង ត្រង់ប្រការ៦«ថ្មី» ដែលត្រូវបង្កើតគណៈកម្មការទី១០ ដែលជាគណៈកម្មការអង្កេត បោសសំអាត ប្រឆាំងអំពើពុករលួយ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...