ពេលកូនវាធំឡើង ហើយទៅសរសរឈ្មោះ នៅពេលប្រលង ... ទម្រាំសរសេរឈ្មោះខ្លួនឯងចប់ ផុតម៉ោងប្រលង​អស់​រលីង។ សំនួរសួរថា ហេតុអ្វីក៏ដល់​ថ្នាក់នេះ? មូលហេតុតែម្យ៉ាងគត់ នោះគឺដោយសារតែ«ងប់»នឹងបាល់ទាត់ពេក ទើបដើរប្រមូលឈ្មោះ កីឡាករបាល់ទាត់ល្បីៗរបស់ប្រទេសបារាំង យកមកដាក់ឲ្យកូនខ្លួនឯង។

កុមារា ដែលត្រូវបានឪពុកដាក់ឈ្មោះឲ្យយ៉ាងវែង។ (រូបថតផ្តិតពីវីដេអូ)

បាល់ទាត់ - ក្មេងប្រុសនោះខ្លួនឯង ចង់ឲ្យគេហៅខ្លួនវាថា ល្វី ហ្គូស្តាវូ (Luiz Gustavo) ដែលជាឈ្មោះកីឡាករ​ខ្សែ​បម្រើមួយរូប នៅក្នុងក្រុមជម្រើសជាតិប្រេស៊ីល។ តែឪពុករបស់កុមារ ជាតិប្រេស៊ីល រស់នៅក្រុម ម៉ាស៊ឺយ៉ូ (Maceió) ម្នាក់នេះ បែរជាសម្រេចដាក់ឈ្មោះកូន តាមចំណូលចិត្តរបស់គាត់ទៅវិញ។

បុរសជាឪពុក លោក ភើទ្រីស៊ីយ៉ូ សេនតូស (Petrúcio Santos) បានស្រឡាញ់ចូលចិត្ត ក្រុមបាល់ទាត់ជម្រើស​ជាតិ​បារាំង តាំងពីឆ្នាំ២០០៦មក ដោយសារតែក្រុមបាល់ទាត់នេះ បានបំបាក់ក្រុមបាល់ទាត់ប្រេស៊ីល នៅពេលនោះ ដោយ​ពិន្ទុ១-០។ ដោយសារហេតុនោះហើយ ទើបបានដាក់ឈ្មោះកូនរបស់លោក នៅក្នុងសំបុត្រកំណើត ដោយប្រមូល​ឈ្មោះកីឡាករបារាំង ល្បីៗ មកដាក់សឹងតែទាំងអស់។

កូនរបស់គាត់ ដែលទើបនឹងមានអាយុ៧ឆ្នាំនៅពេលនេះ មានឈ្មោះថា៖ «Zinedine Yazid Zidane Thierry Hanry Barthez Eric Felipe»។ ឈ្មោះមួយទៀត ដោយសារតែឪពុកអានភាសាបារាំង មិនច្បាស់ បានត្រូវកុមារជាកូន យក​មករអ៊ូដាក់អ្នកសារព័ត៌មានថា៖ «ខ្ញុំអត់ទាន់ចេះហៅទេ ព្រោះខ្ញុំមិនបានរៀនហៅ ឈ្មោះនេះទេ»។

ហេតុអ្វីក៏ដល់ថ្នាក់នេះ? លោកឪពុកបាននិយាយថា៖ «ខ្ញុំបានបាក់ចិត្តស្ដូកតែម្ដង ទៅលើសមានចិត្តរបស់​ក្រុម​បាល់​ទាត់បារាំង។ ហើយខ្ញុំបានរៀនភាសាបារាំង ដើម្បីអាចនិយាយបានច្បាស់ជាងនេះ នៅពេលណា ដែលខ្ញុំមកលេង​ប្រទេសបារាំង។» លោកនៅរំលឹកមកវិញ នូវកីឡាករម្នាក់ទៀត ដែលធ្លាប់ជាតារាបាល់ទាត់ជើងឯក របស់បារាំងដែរ ឈ្មោះ អេរិក កង់តូណា (Eric Cantona) ដោយមិនភ្លេចផងទេ ពីគ្រូបង្វឹកប្រេស៊ីល សព្វថ្ងៃ លោក ល្វី ហ្វីលីព ស្កូឡារី (Luiz Felipe Scolari) ដែលសម្រាប់លោកឪពុករូបនេះ ពួកគេ សុទ្ធតែជាមនុស្សពិសេសៗ។

អញ្ចឹងហើយ បានជាគេតែងតែនិយាយថា «បើស្រឡាញ់ ធ្វើអ្វីក៏សម» !!!

រូបថតក្នុងគ្រួសារ និងលិខិតកំណើត៖