កែវ រ៉េមី ៖ រដ្ឋាភិបាល នឹង​មិន​ប្ដឹង​មេ​ដឹកនាំ​បក្ស​ប្រឆាំង ទៅ​តុលាការ​ទេ

មន្ត្រីជាន់ខ្ពស់របស់រដ្ឋាភិបាលក្រុងភ្នំពេញ លោក កែម រ៉េមី បានថ្លែងឡើងថា រដ្ឋាភិបាលកម្ពុជា នឹងមិនទាន់​ចាត់​វិធានការផ្លូវច្បាប់ ប្តឹងទៅតុលាការ ប្រឆាំងលោក សម រង្ស៊ី និង លោក កឹមសុខា ដែលជាមេដឹកនាំគណបក្ស​សង្គ្រោះ​ជាតិនោះទេ បើ​ទោះបីជាមកដល់ពេលនេះ មេដឹកនាំគណបក្សប្រឆាំងនេះ នៅ​តែ​បន្តការរិះគន់ មកលើរាជរដ្ឋាភិបាល​អាណត្តិ​ទីប្រាំ​ជាបន្តបន្ទាប់ក៏ដោយ។ ទន្ទឺមនឹងការថ្លែងនោះ លោក រ៉េមី បានបកស្រាយដោយការវាយប្រហារធ្ងន់ៗ ទាក់ទងនឹង​ការចោទប្រកាន់កន្លងមក របស់មេដឹកនាំគណបក្សប្រឆាំង ដោយបានចាត់ទុកថា ជាការចោទប្រកាន់ ដែលដូចជាមិនយល់អ្វីសោះ។
Loading...
  • ដោយ: អ៊ុម វ៉ារី ដោយ អ៊ុម វ៉ារី (ទាក់ទង៖ [email protected]) - ភ្នំពេញ ថ្ងៃទី៦ មិថុនា ២០១៤
  • កែប្រែចុងក្រោយ: June 07, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

មន្ត្រីជាន់ខ្ពស់របស់រដ្ឋាភិបាលក្រុងភ្នំពេញ លោក កែម រ៉េមី បានថ្លែងឡើងថា រដ្ឋាភិបាលកម្ពុជា នឹងមិនទាន់​ចាត់​វិធានការផ្លូវច្បាប់ ប្តឹងទៅតុលាការ ប្រឆាំងលោក សម រង្ស៊ី និង លោក កឹមសុខា ដែលជាមេដឹកនាំគណបក្ស​សង្គ្រោះ​ជាតិនោះទេ បើ​ទោះបីជាមកដល់ពេលនេះ មេដឹកនាំគណបក្សប្រឆាំងនេះ នៅ​តែ​បន្តការរិះគន់ មកលើរាជរដ្ឋាភិបាល​អាណត្តិ​ទីប្រាំ​ជាបន្តបន្ទាប់ក៏ដោយ។ ទន្ទឺមនឹងការថ្លែងនោះ លោក រ៉េមី បានបកស្រាយដោយការវាយប្រហារធ្ងន់ៗ ទាក់ទងនឹង​ការចោទប្រកាន់កន្លងមក របស់មេដឹកនាំគណបក្សប្រឆាំង ដោយបានចាត់ទុកថា ជាការចោទប្រកាន់ ដែលដូចជាមិនយល់អ្វីសោះ។


លោក កែវ រ៉េមី។ (រូបថត MONOROOM.info/ O. Vary)

រដ្ឋាភិបាលបកស្រាយ - ក្នុងសន្និសីទកាសែតព្រឹកថ្ងៃទី៦ ខែមិថុនានេះ នៅទីស្តីការគណៈរដ្ឋមន្ត្រី រដ្ឋលេខាធិការ​ និងជាអនុប្រធានព័ត៌មាននិងប្រតិកម្មរហ័ស នៃទីស្តីការគណៈរដ្ឋមន្ត្រី លោក កែវ រ៉េមី បាន​បង្ហាញ​ពី​ឆន្ទៈរបស់​រដ្ឋាភិបាលថា នឹងនៅតែបន្តភាពអត់ធ្មត់ ចំពោះការចោទប្រកាន់ទាំងឡាយ នៃមេបក្សប្រឆាំង​ទាំងពីរ ដោយមិនចាប់​ទោសអូសដំណើរអ្វីឡើយ។ លោកថា ករណីនេះរដ្ឋាភិបាលទុក«រាប់» ក្នុងនាមខ្មែរដូចគ្នា​ហើយ​រដ្ឋាភិបាល​ ក៏មិន​ចង់​ឲ្យមានការប្តឹងផ្តល់ ទៅតុលការនោះដែរ។

លោក រ៉េមី បានចាត់ទុកការការចោទ​ប្រកាន់ទាំងឡាយ របស់មេដឹកនាំគណបក្សសង្គ្រោះជាតិ ជារឿងគ្រោះថ្នាក់​បំផុត​សម្រាប់ប្រទេសជាតិក្នុងនាមជាថ្នាក់ដឹកនាំ។ «នេះមិនទាន់បានឡើងកាន់អំណាចផង ចុះទំរាំឡើងកាន់​អំណាច​ទៀត​នឹងទៅជាយ៉ាងណា។ (…) ដូច្នេះប្រទេសនិមួយៗ មានការចាំបាច់ណាស់ ចំពោះការជ្រើសរើស​មេ​ដឹកនាំដែលចេះទទួលខុសត្រូវមានមនុស្សធម៌នៅក្នុងខ្លួន។»

នៅចំពោះមុខអ្នកសារព័ត៌មានលោក កែវ រ៉េមី បានបន្តុះបង្អាប់នយោបាយដឹកនាំរបស់លោក សម រង្ស៊ី និងលោក កឹម សុខា ក្នុងការឃោសនាមួលបង្កាច់ ដែលគ្មានការពិត ដោយចោទប្រកាន់លោកនាយករដ្ឋមន្ត្រី ហ៊ុន សែន នូវករណី​បោះបង្គោលព្រំដែន ទឹកដីខ្មែរកម្ពុជាក្រោម និងរឿងកោះត្រល់ដែលបាត់តាំងពីលោកនាយករដ្ឋមន្រ្តី ហ៊ុន សែន មិន​ទាន់កើតជាដើម។ «ព្រះករុណា ព្រះបិតា អតីតព្រះមហាក្សត្រ លោកបានយកផែនទីរបស់យើងមួយលើមួយរយពាន់ យកទៅតម្កល់នៅអង្គការសហប្រជាជាតិ ដើម្បីឲ្យគេទទួលស្គាល់ ឲ្យគេថែរក្សាទឹកដីរបស់យើងប៉ុណ្ណឹង កុំឲ្យបាត់បង់​តទៅទៀត។ (...) អញ្ចឹងការទាមទារយកដីកម្ពុជាក្រោម កោះត្រល់អីហ្នឹងគឺចប់សព្វគ្រប់។»

មន្ត្រីជាន់ខ្ពស់របស់ទីស្ដីការគណៈរដ្ឋមន្ត្រីរូបនេះ នៅតែបដិសេធទាំងស្រុង ចំពោះការចោទប្រកាន់​នៃមេដឹកនាំ​បក្ស​ប្រឆាំងទាំងពីរនាពេលថ្មីៗនេះ ដូចជានៅវត្តសាមគ្គីរង្សី និងកន្លែងផ្សេងៗទៀត ដែលបានចោទប្រកាន់ រដ្ឋាភិបាល​«គណបក្សប្រជាជនកម្ពុជា»ថាមានការរឹតត្បិត សិទ្ធិសេរីភាព ការជួបជុំ ការធ្វើបាតុកម្ម និងការលុបចោលមិនឲ្យមាន​ព្រះរាជពិធីបុណ្យអុំទូកជាដើម។ និងករណីមួយទៀតដែលលើកឡើងថា រដ្ឋាភិបាលកម្ពុជា បានទទួលបញ្ជាពី​រដ្ឋាភិបាល​វៀតណាម ដើម្បីសម្លាប់ខ្មែរដូចជាការស្លាប់ជាន់គ្នា ក្នុងឧបទ្ទវហេតុនៅកោះពេជ្រ។ លោកថាបញ្ហានេះ បណ្តាប្រទេសមួយចំនួនលើពិភពលោកក៏ធ្លាប់កើតមាន ហើយវាគ្មាននរណាម្នាក់ចង់អោយកើតឡើងនោះទេ។

ពាក់ព័ន្ធនឹងបញ្ហាព្រំដែនដែលមេបក្សប្រឆាំង បានលើកឡើងថាលើកឡើងថា រដ្ឋាភិបាលលោកនាយករដ្ឋមន្រ្តី ហ៊ុន សែន អនុញ្ញាតឲ្យវៀតណាមរំកិលព្រំដែន និងបញ្ជូនជនជាតិខ្លួនចូលមកទឹកដីកម្ពុជាស្រេចចិត្តនោះ លោក កែវ រ៉េមី ក៏បានបញ្ជាក់ថា ក្រោយការបោះបង្គោលដែនកម្ពុជា អាចនឹងមានផ្ទៃដីលើសពីទំហំសព្វថ្ងៃ ដែលមានត្រឹមតែ១៨១ ០៣៥ គីឡូម៉ែត្រការ៉េនោះ។

ការដែលមេបក្សប្រឆាំង លើកឡើងថា នៅពេលដែលគណបក្សសង្គ្រោះជាតិជាប់ឆ្នោត នឹងអនុញ្ញាត​អោយខ្មែរមកពី​កម្ពុជា​ក្រោម ចេញចូលដោយមិនចាំបាច់មានលិខិតឆ្លងនោះ ត្រូវបានលោក កែវ រ៉េមី វាយប្រហារទៅមេដឹកនាំទាំង​ពីរនាក់ថា ហាក់ដូចជា«មិនយល់»អ្វីទាល់តែសោះ។ ការចេញ ឬចូល​ពីប្រទេសមួយទៅប្រទេសមួយ ត្រូវប្រើប្រាស់​លិខិតឆ្លងដែនវាជារឿងធម្មតា។ «ព្រោះទឹកដីកម្ពុជាក្រោម ត្រូវបានបារាំងកាត់ទៅឲ្យប្រទេសវៀតណាម ​តាំងពីឆ្នាំ​១៩៤៩ មកម្ល៉េះ។ អញ្ចឹងហើយខ្មែរនៅកម្ពុជាក្រោម ពេលចូលមកប្រទេសខ្មែរ ត្រូវតែមានលិខិតឆ្លងដែន គឺរាជរដ្ឋាភិបាលធ្វើទៅតាមច្បាប់របស់កម្ពុជា»

លោក កែវ រេមី បានវាយប្រហារទៀតថា៖ «នៅពេលឃោសនា មេដឹកនាំគណបក្សសង្គ្រោះជាតិនិយាយកុហស​សុទ្ធសាធ ប៉ុន្តែធ្វើដូចជា​មែន​ទែន។ នៅពេលទៅឃោសនានៅជនបទ បានទាមទារអោយអង្ករឡើងថ្លៃ ដើម្បី​ឲ្យ​ប្រជាពលរដ្ឋលក់អង្ករបាន​ថ្លៃ។ ប៉ុន្តែនៅពេលទៅឃោសនានៅទីប្រជុំជន បែរជានិយាយថាទំនិញសព្វសារពើ​ ព្រម​ទាំងអង្ករថ្លៃណាស់ នៅពេល​គណបក្សសង្គ្រោះជាតិឈ្នះឆ្នោត នឹងធ្វើអោយស្រូវអង្ករចុះថោក។»។

ទស្សនាវដ្ដីមនោរម្យ.អាំងហ្វូ នៅមិនទាន់ទទួលបានប្រតិកម្មពីមន្ត្រីជាន់ខ្ពស់ របស់គណបក្សសង្គ្រោះជាតិ នៅឡើយ​នៅល្ងាចថ្ងៃទី៦ ខែមិថុនានេះ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...