អ្នកចង់ធ្វើការប្រៀបធៀប តើទីក្រុងណាមួយក្នុងពិភពលោក ដែលលិចទឹក គ្រាន់តែត្រូវបានភ្លៀងធ្លាក់មកមួយមេ ដូចរាជធានី ភ្នំពេញ? រូបភាពពីទីក្រុងនេះ នឹងធ្វើឲ្យអ្នកឈប់រអ៊ូ នឹងការលិចទឹកនៅក្នុងរាជធានីភ្នំពេញ តទៅទៀត ព្រោះគេត្រូវការរយៈពេលតែ៥នាទីប៉ុណ្ណោះ ដើម្បីឲ្យទឹកជន់លិចដងផ្លូវ ដែលអ្នកឃើញក្នុងវីដេអូ។ ប៉ុន្តែមិនមែន​ដោយសារទឹកភ្លៀងទេ តែជាទឹកជំនន់ពិតៗ នៅក្នុងប្រទេសប៊ូសនី កាលពីប៉ុន្មានថ្ងៃមុន។

ទីក្រុងលិចទឹក ដោយប្រើពេលមិនដល់៥នាទីផង។ (រូបថតផ្ដិតពីវីដេអូ)

គ្រោះទឹកជំនន់ - នៅក្នុងសប្ដាហ៍ចុងក្រោយនេះ ប្រទេសប៊ូសនី និងសែបប៊ី បានស្គាល់នូវការលិចជន់ ដោយទឹក​ជំនន់មិនដែលធ្លាប់ជួប តាំងពីជាងមួយសតវត្សមកហើយ។ ទឹកជំនន់ដែលបានធ្វើឲ្យមនុស្សច្រើនជាង ១០នាល់ បានបាត់បង់ជីវិត ខាតបង់ទ្រព្យសម្បត្តិច្រើនលានដុល្លារ និងរូបភាពខូតខាតយ៉ាងធ្ងន់ធ្ងរ នៅទីក្រុងដែល​ប្រៀបបាន​ទៅនឹងឆ្នាំ១៩៩៥ ពេលដែលប្រទេសទាំងពីរនេះ ទើបនឹងងើបចេញពីសង្គ្រាម។

ប៉ុន្តែ បើគេមិនបានឃើញពីរូបភាពពិតប្រាកដ គេប្រាកដជាមិនដឹងពីគ្រោះថ្នាក់ពិត ដែលកើតពីទឹកជំនន់នេះឡើយ។ វីដេអូខាងក្រោមនេះ នឹងជួយឲ្យអ្នកដឹង ថាកម្លាំងទឹកឡើងជន់លិចទីក្រុង មានល្បឿនលឿនប៉ុណ្ណា។ បើតាមម្ចាស់​វីដេអូ ដែលបានផ្សាយវីដេអូនេះ បានបញ្ជាក់ថា ទីក្រុងនោះ ឈ្មោះ ដូប័រ (Doboj) នៅ ប្រទេសប៊ូសនី ហេហ្សេហ្គូវីន។

ប៉ុន្តែ ការជួយគ្នានៅក្នុងគ្រោះមានអាសន្នបែបនេះ នឹងមិនត្រូវបានមើលនឹងភ្នែកនោះឡើយ។ ប្រទេសជាច្រើន ជា​ពិសេសសហគមន៍អ៊ឺរ៉ុប បានប្រកាសថា ខ្លួនបានប្រមូលទុកនូវមូលិធិមួយ ដើម្បីផ្ដល់ទៅឲ្យភាព​ចាំបាច់ផ្នែក​មនុស្ស​ធម៌ របស់តំបន់រងគ្រោះទាំងនោះ៕

សូមទស្សនាវីដេអូ ដូចតទៅ៖