អាត់ ធន់ រៀបចំ​បណ្តឹង​ប្តឹង​ទាស់​ទៅ​នឹង​សេចក្តី​សម្រេច​របស់​តុលាការ

ចំពោះការពិន័យជាទឹកប្រាក់ ដ៏ច្រើនលើសលប់ និងការបំបិទសិទ្ធមួយចំនួន របស់តុលាការរាជធានីភ្នំពេញ ត្រូវបាន​លោក អាត់ ធន់ អះអាងថាលោកនឹងដាក់ពាក្យបណ្តឹងប្តឹងជំទាស់វិញ ដើម្បីឱ្យតុលាការដកសេចក្តីសម្រេច។
Loading...
  • ដោយ: ប្រាថ្នា
  • កែប្រែចុងក្រោយ: May 13, 2014
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ចំពោះការពិន័យជាទឹកប្រាក់ ដ៏ច្រើនលើសលប់ និងការបំបិទសិទ្ធមួយចំនួន របស់តុលាការរាជធានីភ្នំពេញ ត្រូវបាន​លោក អាត់ ធន់ អះអាងថាលោកនឹងដាក់ពាក្យបណ្តឹងប្តឹងជំទាស់វិញ ដើម្បីឱ្យតុលាការដកសេចក្តីសម្រេច។


លោក អាត់ ធន់ ផ្ដល់កិច្ចសម្ភាសឲ្យអ្នកសារព័ត៌មាននៅថ្ងៃទី២៦​ ខែមករា ឆ្នាំ២០១៤ នាទីលានប្រជាធិបតេយ្យ។ (រូបថត MONOROOM.info/ O. Vary)

ដោយ ក.ចាន់នីតា (ទំនាក់ទំនង៖ [email protected] ) - ភ្នំពេញ ថ្ងៃទី ១៣ ឧសភា ២០១៤
-----------------------------------------------

ប្រព័ន្ធយុត្តិធម៌ - ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា ហៅកាត់ថាស៊ីខាវឌូ លោកអាត់ ធន់ បានបញ្ជាក់កាលពីថ្ងៃទី១២ ខែឧសភា ឆ្នាំ២០១៤ ក្រោយពេលដែលលោកយកប្រាក់ចំនួន២ម៉ឺន៥ពាន់ដុល្លារ ទៅ​តម្កល់នៅសាលាដំបូងរាជធានីភ្នំពេញនេះថា លោកនឹងត្រៀមពាក្យបណ្តឹងប្តឹងទាស់ ទៅនឹងការសម្រេច​របស់​តុលាការទៅសាលាឧទ្ធរណ៍ ដើម្បីប្រឆាំងដកសេចសម្រេចនេះចោលចេញ ដែលបានដាក់កំហិតទៅលើរូបលោក។

ចំពោះការប្តឹងប្រឆាំងតបនឹងសេចក្តីរបស់តុលាការនេះ ត្រូវបានលោក អាត់ ធន់ អះអាងថា ការចោទប្រកាន់របស់​តុលាការ​ដែលថាលោកញុះញង់កម្មករ និងបង្កឱ្យមានរបួសស្នាមនោះ វាជារឿងមួយដែលមិនត្រឹមត្រូវ និងមិនសម​ហេតុ​ផលនោះទេ ព្រោះលោកមិនបាននៅក្នុងព្រឹត្តការណ៍។ លោកពន្យល់យ៉ាងដូច្នេះថា៖ «យោងតាមច្បាប់​និតិវិធី​ព្រហ្មទណ្ឌតាមមាត្រា៤៩៥ បានបញ្ជាក់ថាញុះញង់គឺវាមានតែញុះញង់ឱ្យប្រព្រឹត្តិបទឧក្រិដ្ឋ ឬរើសអើងជាតិសាសន៍ ប៉ុន្តែយើងមិនបានទៅញុះញង់នោះទេ។ ហើយរឿងមួយទៀត បើសិនជាចាត់នរណាមួយឱ្យទៅប្រព្រឹត្ត​ទាល់តែរក​ឃើញនណារមួយដែលប្រព្រឹត្ត តែឥលូវរកមិនទាន់ឃើញអ្នកប្រព្រឹត្តផង ហើយមកចោទខ្ញុំ។»

«យើងក៏ទំនាក់ទំនងជាមួយមិត្តភក្តិជាតិ និង អន្តរជាតិផ្សេងទៀតដែលគេបានជួយ ដើម្បីជំរុញធ្វើយ៉ាងណា​ឱ្យមាន​ការដកចោលទាំងស្រុងទៅលើការចោទប្រកាន់ ក៏ដូចជាការធ្វើទុក្ខបុកម្នេញផ្សេងមក​លើរូបខ្ញុំ» នេះជាការ​បញ្ជាក់​បន្ថែមរបស់ប្រធានសហជីពរូបនេះ។

លោកអាត់ ធន់បន្តឱ្យដឹងទៀតថា ការដាក់ទណ្ឌកម្មរបស់សាលាដំបូងរាជធានីភ្នំពេញ នូវទឹកប្រាក់២ម៉ឺន៥ពាន់ ជា​ការ​ធានាខ្លួនឱ្យនៅក្រៅឃុំ និងការហាមសិទ្ធិមួយចំនួន មិនឱ្យមានការជួបជុំនៅទីកន្លែងសាធារណៈ ក្នុងនាមលោកជា​ប្រធានសហជីព វាការរំលោភទាំងស្រុងទៅនឹងច្បាប់៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...