ហ្គឺរ៉ាដូ ម៉ាទីណូ៖ ខ្ញុំ​បាន​ក្លាយ​ជា​គ្រូ​បង្វឹក​បាសេឡូណា ដោយ​សារ​ម៉េស៊ី

លោកហ្គឺរ៉ាដូ ម៉ាទីណូ (Gerardo Martino) មានជំនឿថា ដោយសារតែបានកាណែនាំពីសំណាក់កីឡាករ លីយ៉ូនែល ម៉េស៊ី (Lionel Messi) ទើបធ្វើឲ្យគាត់ត្រូវបានក្រុមអ្នកមានបុណ្យបាសេឡូណា (Barcelona) ធ្វើការតែងតាំងជាគ្រូបង្វឹកថ្មី យ៉ាងភ្ញាក់ផ្អើល កាលពីថ្ងៃច័ន្ទកន្លងទៅ។
Loading...
  • ដោយ: វិន ជីវ័ន្ត
  • កែប្រែចុងក្រោយ: July 24, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

លោកហ្គឺរ៉ាដូ ម៉ាទីណូ (Gerardo Martino) មានជំនឿថា ដោយសារតែបានកាណែនាំពីសំណាក់កីឡាករ លីយ៉ូនែល ម៉េស៊ី (Lionel Messi) ទើបធ្វើឲ្យគាត់ត្រូវបានក្រុមអ្នកមានបុណ្យបាសេឡូណា (Barcelona) ធ្វើការតែងតាំងជាគ្រូបង្វឹកថ្មី យ៉ាងភ្ញាក់ផ្អើល កាលពីថ្ងៃច័ន្ទកន្លងទៅ។


កំពូលកីឡាករ លីយ៉ូនែល ម៉េស៊ី របស់ក្រុម បាសឺឡូណា។ (រូបថត Marcelo del Pozo)

បុរសសញ្ជាតិអាស្សង់ទីន វ័យ៥០ឆ្នាំ បាននិយាយនៅក្នុងសន្និសីតសារពត៌មានថា៖ «គេដឹងពត៌មានលំអិតរបស់ខ្ញុំ​យ៉ាង​ណានោះ ខ្ញុំមិនដឹងទេ ប៉ុន្តែខ្ញុំយល់ថាឳពុករបស់ម៉េស៊ី និងខ្សែប្រយុទ្ធលីយ៉ូនែល ម៉េស៊ី ជាអ្នកជួយផ្តល់ជា​អនុសាសន៏ទៅ​ក្រុមបាសេឡូណា អំពីរូបខ្ញុំ។ ខ្ញុំជឿជាក់ថាពួកគេជាអ្នកជួយខ្ញុំ ព្រោះកន្លងមកយើងមានទំនាក់ទំនងល្អជាមួយគ្នា។»

គ្រូបង្វឹកដែលដឹកនាំក្រុមញ៉ូវែល អូលប៊យ (Newell’s Old Boys) ឲ្យឡើងដល់វគ្គផ្តាច់ព្រ័ត្រ និងឈ្នះពានរង្វាន់កំពូលក្នុង​លីកអាស្សង់ទីន រដូវកាល២០១២-២០១៣ បានបន្តថា៖  «ខ្ញុំរំពឹងថា នឹងបានការងារសមល្មម ហើយមិននឹកស្មានថា នឹង​ទទួលបានការងារដ៏ធំមួយនេះ នោះទេ។ កាលៈទេសៈនេះ ពិតជាធ្វើឲ្យខ្ញុំមានការភ្ញាក់ផ្អើលខ្លាំង។»

ក្រុមយក្សរបស់អេស្ប៉ាញ បាសេឡូណា បានខិតខំស្វែងរកគ្រូបង្វឹកថ្មីយ៉ាងប្រញ៉ាប់ប្រញ៉ាល់បំផុត បន្ទាប់ពីគ្រូបង្វឹក​ចាស់​លោក ទីតូ វីឡាណូវ៉ា (Tito Vilanova) បានចុះចេញពីដំណែង ដោយសារតែជំងឺមហារីកបំពង់កររបស់គាត់លាប់ឡើងវិញ និងត្រូវសម្រាក់ព្យាបាល ក្នុងរយះពេលមួយយូរអង្វែង។

អតីតគ្រូបង្វឹកជម្រើសជាតិប៉ារ៉ាហ្គាយ (ម៉ាទីណូ) បានបន្តថា៖ «នេះជាឱកាសការងារដ៏សំខាន់បំផុតមួយ សម្រាប់ខ្ញុំ។ ខ្ញុំពិតជារំភើប និងរីករាយខ្លាំងណាស់ ដែលពួកគេបានជ្រើសរើសរូបខ្ញុំ និងក្រុមការងាររបស់ខ្ញុំ។ ជាមួយនឹងសមត្ថភាព​កីឡាករក្នុងក្រុមបាសេឡូណា និងកេរ្ត៏ឈ្មោះដ៏ល្បីល្បាញ គឺជាអ្វីៗដែលគ្រូបង្វឹកគ្រប់រូប តែងតែស្រម៉ៃចង់ដឹកនាំ។»

លោកម៉ាទីណូ ដែលត្រូវធ្វើដំណើរទៅកាន់ក្លិបបាសេឡូណា នៅថ្ងៃព្រហស្បតិ៏បានបន្ថែមថា៖ «ខ្ញុំនឹងព្យាយាមសម្របខ្លួន​ឲ្យបានលឿនបំផុត។ បាសេឡូណា ជាស្ថាប័នមួយ ដែលហាក់ដូចជាវិថីនៃជីវិត និងជាកន្លែងកំពូលនៃពិភពបាល់ទាត់។ ជាពិសេស យើងជាក្រុមមួយ ដែលល្បីល្បាញទូទាំងសកលលោក។»

គួរបញ្ជាក់ថាក្រុមការងាររបស់លោកម៉ាទីណូម្នាក់ ឈ្មោះអេដ្រែន កូរៀ (Adrian Coria) គឺជាបុរសម្នាក់ ដែលជួយហ្វឹកហាត់ និងបណ្តុះបណ្តាលម៉េស៊ី កាលពីខ្សែប្រយុទ្ធឆ្នើមរបស់ពិភពលោកម្នាក់នេះ នៅវ័យ១១ឆ្នាំ ដល់វ័យ១៣ឆ្នាំ នៅក្នុង​ក្រុម​អូលប៊យ ប្រទេសអាស្សង់ទីន។

គ្រូបង្វឹកថ្មីក្រុមបាសេឡូណា លោកម៉ាទីណូ នឹងអវត្តមានក្នុងការប្រកួតមិត្តភាពរបស់ក្រុមនៅថ្ងៃពុធនេះ ខណៈដែល​បាសេឡូណា ត្រូវប៉ះក្រុមខ្លាំង ម្ចាស់ជើងឯកកំពូលរបស់អ៊ឺរ៉ុប បាយឺន ម៉ូនិជ (Bayern Munich) ដែលស្ថិតក្រោម​ការដឹកនាំរបស់អតីតគ្រូបង្វឹកបាសេឡូណាដែរ ពោលគឺលោកប៉ិប ហ្គាឌីអូឡា (Pep Guardiola)៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២៤ ខែកក្កដា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...