អូស្ត្រាលី៖ យុវតី​ជាតិ​ហូឡង់​ម្នាក់ រង​ទារុណកម្ម​និង​ការ​រំលោភ​យ៉ាង​ព្រៃផ្សៃ

យុវតីវ័យ២១ឆ្នាំមួយរូប ជាជនជាតិហូឡង់ បានរស់នៅរងកម្មអស់រយៈពេល៦សប្ដាហ៍ ជាមួយនឹងទារុណកម្មយ៉ាងព្រៃផ្សៃ ពីសំណាក់ប្ដីប្រពន្ធពីរនាក់ នៅចំកណ្ដាលរដ្ឋធានីនៃប្រទេសអូស្ត្រាលី។
Loading...
  • ដោយ: កេសរ កូល
  • កែប្រែចុងក្រោយ: July 14, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

យុវតីវ័យ២១ឆ្នាំមួយរូប ជាជនជាតិហូឡង់ បានរស់នៅរងកម្មអស់រយៈពេល៦សប្ដាហ៍ ជាមួយនឹងទារុណកម្មយ៉ាងព្រៃផ្សៃ ពីសំណាក់ប្ដីប្រពន្ធពីរនាក់ នៅចំកណ្ដាលរដ្ឋធានីនៃប្រទេសអូស្ត្រាលី។


រូបជំនួស បង្ហាញពីយុវតីម្នាក់ដ៏កំសត់។ (រូបថត shutterstock)

ជាអំពើអមនុស្សធម៌មួយ ហួសនិស្ស័យនឹងបរិយាយ។ សារព័ត៌មានចេញផ្សាយនៅទីក្រុងម៉ែលប៊ន (Melbourne) ដែលមាន​វត្តមាននៅក្នុងសវនាការនៃសំនុំរឿងនេះ បានធ្វើសេចក្ដីរាយការណ៍ថា យុវតីជនជាតិហូឡង់ជាទេសចរណ៍រូបនេះ ត្រូវរងនូវ​ការរំលោភសេពសន្ធវះមិនតិចជាង៦០ដងឡើយ ហើយថែមទាំងរងនូវទារុណកម្មយ៉ាងខ្លោចផ្សារ ជាមួយនឹងកំណាត់ឈើ​ធ្វើនំ ឬជាមួយនឹងម៉ាស៊ីនបូមដី នៅក្នុងរយៈពេល៦សប្ដាហ៍ នៅប្រទេសអូស្ត្រាលី។

តុលាការទីក្រុងមែលប៊ន បានយកសំនុំរឿងនេះមកជំនុះជម្រះ ទាក់ទងនឹងហេតុការណ៍មួយដ៏អាក្រក់ មិនដែលធ្លាប់កើត​មានពីមុនមក៖ យុវតីរងគ្រោះអាយុ២១ឆ្នាំ ត្រូវបានចាប់ពង្រត់ និងដាក់ក្នុងការឃុំឃាំង នៅក្នុងសណ្ឋាគារមួយនៃទីក្រុង​មែលប៊ន នៅខែវិច្ឆិការចូលមកខែធ្នូរ ឆ្នាំ២០១២កន្លងទៅ។

អាល់ហ្វីឡូ អង់តូនី ហ្គ្រាណាតា (Alfio Anthony Granata) អាយុ៤៦ឆ្នាំជាប្ដី និងប្រពន្ធឈ្មោះ ជើនីហ្វែរ ពៀស្តុន (Jennifer Peaston) អាយុ៣២ឆ្នាំ ត្រូវបានតុលាការចោទប្រកាន់ ចំនួន១៧៩ករណី ក្នុងនោះមានការឃុំឃាំងមនុស្ស គម្រាមសម្លាប់ ការរំលោភចំនួន៦២ដង និងការវាយដំលើរាយកាយ ចំនួន៨៥ដង។

បើតាមឯកសារដែលបញ្ជាក់ដោយប្រព័ន្ធផ្សព្វផ្សាយអូស្ត្រាលី យុវតីជាទេសចរណ៍ត្រូវបានចាប់ពង្រត់ នៅក្រោយពេល​ដែលនាងបានជួបពីរនាក់ប្ដីប្រពន្ធនេះ នៅក្នុងរាត្រីស្រមោលសរមួយ។

ពីរនាក់ប្ដីប្រពន្ធ ត្រូវបានចោទ ថាបានធ្វើទារុណកម្មលើយុវតីវ័យក្មេង ដោយប្រើកំណាត់ឈើ សម្រាប់កិនម្សៅធ្វើនំ ម៉ាស៊ីន​បូមដី ចង្កៀងប្រេង និងប្រដាប់ប្រដាប្រើប្រាស់ក្នុងចង្ក្រានបាយផ្សេងទៀត។ នៅថ្ងៃបុណ្យណូអែល យុវតីរងគ្រោះទំនង​ជា​បានចាក់ ហ្គ្រាណាតា មួយកាំបិត ហើយនាងបានសាកល្បងសម្លាប់ខ្លួន។ ពេលនោះ ពីរនាក់ប្ដីប្រពន្ធបានជ្រួលច្របល់ បង្ខំ​ចិត្តត្រូវហៅសេវាសង្គ្រោះបន្ទាន់ ដែលធ្វើឲ្យរឿងសម្ងាត់របស់ពួកខ្លួន ត្រូវបានបែកការណ៍នៅពេលបន្ទាប់មក៕

--------------------------------------------------------
ដោយ ៖ កេសរកូល - ភ្នំពេញ ថ្ងៃទី ១៣ ខែកក្កដា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...