ភ្នំពេញ៖ គិតត្រឹមថ្ងៃទី២៤ ខែមិថុនានេះ បើរាប់ពីតាំងពីថ្ងៃទី២១ ខែមិថុនាមក កិច្ចប្រជុំគណៈកម្មាធិការបិតិកភ័ណ្ឌ​ពិភពលោក (WHC) លើកទី៣៧ ក្នុងប្រទេសកម្ពុជា បានសម្រេចចុះឈ្មោះ រមណីដ្ឋានចំនួនដប់ប្រាំបួន(១៩)កន្លែង ទៅក្នុងបញ្ជីសម្បត្តិបិតិកភ័ណ្ឌ​ពិភពលោក។

ព្រះវិហារ tserkvas ធ្វើពីឈើ នៅតំបន់ Carpathian ក្នុងប្រទេសប៉ូឡូញ និងអ៊ុយក្រែន។

អ្នកនាំពាក្យនៃកិច្ចប្រជុំ WHC លោក ឯក ថា បានប្រាប់មនោរម្យព័ងអាំងហ្វូតាមទូរសព្ទ័នាព្រឹកនេះ(ថ្ងៃទី២៤ ខែមិថុនា)​ថា គិតចាប់ពីថ្ងៃទី២១ដល់ព្រឹកថ្ងៃនេះ(ថ្ងៃទី២៤) កិច្ចប្រជុំពេញអង្គលើកទី៣៧ របស់ WHC បានសម្រេចចុះបញ្ជីរ​មណីយដ្ឋាន ចំនួនដប់ប្រាំបួន(១៩)កន្លែង ហើយបានបែងចែកជាបីសម្បត្តិបិតិកភ័ណ្ឌក្នុងនោះ រួមមានវប្បធម៌ធម្មជាតិ​ចំនួនប្រាំ(៥)កន្លែង សម្បត្តិវប្បធម៌ចំនួនដប់បីកន្លែង(១៣)កន្លែង និងវប្បធម៌ជីវចម្រុះចំនួនមួយ(១)កន្លែង។

លោកបន្តរថា ក្នុងនោះក៏មានការពង្រីកបន្ថែម នូវសម្បត្តិបិតិកភ័ណ្ឌពិភពលោកចំនួនបី ដូចជា Mount Kenya-Lewa Wildlife Conservancy របស់ប្រទេសកេនយ៉ា, Lasoto អាហ្រ្វិចខាងត្បូង និងសួនអតីតរាជវាំង(វិហារសាសនាគ្រិស្ត) នៃប្រទេសប៉ូឡូញ។

ក្នុងកិច្ចប្រជុំនេះកម្ពុជាក៏បានស្នើរសុំដាក់បញ្ចូលជាសម្បត្តិបិតិកភណ្ឌ័ពិភពលោកចំនួនប្រាំបួន(៩)កន្លែងទៀត ទៅ​ក្នុង​កិច្ចប្រជុំលើកទី ៣៨ របស់គណៈកម្មាធិការបិតិកភ័ណ្ឌពិភពលោក ដែលនឹងប្រារព្ធធ្វើនៅប្រទេសកាតា នៅឆ្នាំក្រោយ​(ឆ្នាំ២០១៤)។ ក្នុងវគ្គប្រជុំចំពោះសម្បត្តិបិតិកភ័ណ្ឌវប្បធម៌ ដែលស្ថិតក្នុងបញ្ជីគ្រោះថ្នាក់ (មិនទាន់សម្រេច) មាននៅ​ប្រទេសអ៊ីរ៉ង់មួយកន្លែង និងកោះ សូឡូមុន Iland មួយកន្លែង ក៏ត្រូវបានគណៈកម្មាធិការបេតិកភណ្ឌ​ពិភពលោកលើក​ទី៣៧នេះ សម្រេចផ្ទេរទៅក្នុងកិច្ចប្រជុំលើកទី៣៨ នាឆ្នាំក្រោយដែ។

សូមបញ្ជាកថា កិច្ចប្រជុំគណៈកម្មាធិការបេតិកភណ្ឌពិភពលោកលើកទី៣៧ ក្រោមការដឹកនាំរបស់កម្ពុជា​ជាប្រធាន​នេះ គិតមកត្រឹមថ្ងៃទី២៤ ខែមិថុនានេះ មានគណៈប្រតិភូបរទេសចូលរួម ជាងមួយពាន់បួនរយ (១៤៦៥)នាក់ ដែល​បានមកពី១២៨ប្រទស។

សរុបចំនូនបិតិកភណ្ឌ័ពិភពលោក ដែលគណៈកម្មាធិការបេតិកភណ្ឌពិភពលោកទទួលស្គាល់ជាផ្លូវការ មកទល់នឹង​ថ្ងៃនេះមានចំនួនប្រាំបួនរយប៉ែតសិបមួយ(៩៨១)កន្លែង នៅក្នុងប្រទេសចំនួនមួយរយហុកសិប(១៦០)ប្រទេស រួម​ទាំង​កម្ពុជាផង។

សូមទស្សនារូបភាពសម្បត្តិវប្បធម៌ធម្មជាតិទាំងដប់ប្រាំមួន(១៩) ដែលទទួលស្គាល់ជាសម្បត្តិបិតិភ័ណ្ឌ​ពិភពលោក​ជា​ផ្លូវការដូចតទៅ៖

១- Xinjiang Tianshan ប្រទេសចិន

២- Mount Etna ប្រទេសអ៊ីតាលី

៣- Mount Kenya-Lewa Wildlife Conservancy ប្រទេសកេនយ៉ា

៤- El Pinacate and Gran Desierto de Altar Biosphere Reserve ប្រទេសម៉ិកស៊ីកូ

៥- Namib Sand Sea ប្រទេសណាមីប៊ី

៦-Tajik National Park (Mountains of the Pamirs) ប្រទេសតាហ្ស៊ីគីស្ថាន

៧- ទីក្រុងបូរាណ ប្រទេសអ៊ុយក្រែន

៨- វិមានGolestan ប្រទេសអ៊ីរ៉ង់

៩- បូជនីយស្ថានប្រវត្តិសាស្ត្ររបស់ប្រទេសកូរ៉េខាងជើង

១០-Cultural Landscape of Honghe Hani Rice Terraces របស់ប្រទេសចិន

១១- Levuka Historical Port Town របស់ប្រទេសហ្វ៊ីជី

១២- Red Bay Basque Whaling Station របស់ប្រទេសកាណាដា

១៣ Hill Forts of Rajasthan របស់ប្រទេសឥណ្ឌា

១៤- Fujisan របស់ ប្រទេសជប៉ុន

១៥- Agadez (Historic Centre of Agadez) នីហ្សេ

១៦- Wooden Tserkvas of the Carpathian Region ប្រទេសប្ប៉ូឡួញ រួមបញ្ចូលគ្នាជាមួយប្រទេអ៊ុយក្រែន

១៧- University of Coimbar- Alta and Sofia ប្រទេសព័រទុយហ្គាល់

១៨- Al Zubarah Archaeological Site របស់ប្រទេសកាតា

១៩- Sehlabathebe National Park ប្រទេសឡេសូកូ ក្នុងប្រទេសអាហ្វ្រិកខាងត្បូង។

---------------------------------------------------------
ដោយៈ អ៊ុម វ៉ារី - ភ្នំពេញថ្ងៃទី២៤ មិថុនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ