បាឡូតេលី នាំ​មិត្ត​ស្រី​ត្រឡប់​ទៅ​ផ្ទះ​វិញ បន្ទាប់​ពី​មាន​របួស

ខ្សែប្រយុទ្ធអន្តរជាតិអ៊ីតាលី ម៉ារីយ៉ូ បាឡូតេលី (Mario Balotelli) មិនអាចបន្តនៅប្រកួតពានរង្វាន់ខុនហ្វេដឺរ៉េសិនខាប់ (Confederations Cup) បានទេ ព្រោះតែគាត់មានបញ្ហារបួសភ្លៅ ហើយនឹងត្រឡប់ទៅកាន់ទីក្រុងមីឡាន (Milan) វិញ ដើម្បីធ្វើការព្យាបាល។
Loading...
  • ដោយ: វិន ជីវ័ន្ត
  • កែប្រែចុងក្រោយ: June 25, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ខ្សែប្រយុទ្ធអន្តរជាតិអ៊ីតាលី ម៉ារីយ៉ូ បាឡូតេលី (Mario Balotelli) មិនអាចបន្តនៅប្រកួតពានរង្វាន់ខុនហ្វេដឺរ៉េសិនខាប់ (Confederations Cup) បានទេ ព្រោះតែគាត់មានបញ្ហារបួសភ្លៅ ហើយនឹងត្រឡប់ទៅកាន់ទីក្រុងមីឡាន (Milan) វិញ ដើម្បីធ្វើការព្យាបាល។


ម៉ារីយ៉ូ បាឡូតេលី និងសង្សារបស់គាត់ នាង ហ្វានី នេហ្គេស្សា។

កីឡាករវ័យ២២ឆ្នាំ របស់ក្រុមអេស៊ី មីឡាន (AC Milan) មិនត្រឹមតែមិនអាចចូលប្រកួតក្នុងវគ្គពាក់កណ្តាលផ្តាច់ព្រ័ត្រ ជាមួយក្រុមអេស្ប៉ាញនៅថ្ងៃព្រហស្បតិ៏ប៉ុណ្ណោះទេ ពោលគឺគាត់ថែមទាំងត្រូវអវត្តមានពីការប្រកួតនៅវគ្គផ្តាច់ព្រ័ត្រ ឬការប្រកួតដណ្តើមលេខ៣ថែមទៀត។

វេជ្ជបណ្ឌិតរបស់ក្រុមអ៊ីតាលី លោកអិនរីកូ កាសតេឡាកស៊ី (Enrico Castellacci) បានប្រាប់ឲ្យដឹងថា៖ «ខ្ញុំបានជួប​ជា​មួយបាឡូតេលីរួចហើយ។ ថ្នាំពេទ្យពិតជាមិនអាចជួយគាត់ ឲ្យជាសះស្បើយទាន់ពេលទេ ហើយគាត់ក៏មិនអាចជា​មុនថ្ងៃអាទិត្យដែរ។ ដើម្បីជៀសវាង នឹងបញ្ហាកាន់តែធ្ងន់ធ្ងរ យើងសម្រេចចិត្ត និងបានព្រមព្រាងជាមួយលោកគ្រូ​បង្វឹក​ប្រែនដេលី (Prandelli) ឲ្យគាត់ត្រឡប់ទៅកាន់អ៊ីតាលីវិញ ដើម្បីឲ្យក្រុមវេជ្ជបណ្ឌិតក្រុមអេស៊ី មីឡាន ធ្វើការ​ព្យាបាល។»

គួររំឮកថា បាឡូតេលីបានរងរបួសកំឡុងពេល អ៊ីតាលីប្រកួតជាមួយនឹងប្រេស៊ីល ខណៈដែលក្រុមរបស់​គាត់ចាញ់​ម្ចាស់ផ្ទះ ៤-២ ក្នុងវគ្គចែកពូល។

លោកកាសតេឡាកស៊ី បាននិយាយថា ខ្សែបម្រើអេនដ្រេ ព័រឡូ (Andrea Pirlo) ដែលអវត្តមានការប្រកួតជាមួយ​ប្រេស៊ីល ដោយសារបញ្ហារបួសជើងនោះ នឹងចូលលេងបានវិញ ក្នុងការប្រកួតប៉ះជាមួយក្រុមខ្លាំងអេស្ប៉ាញ។

វេជ្ជបណ្ឌិតរូបនេះដដែល បានបន្ថែមថា៖ «គាត់ (ព័រឡូ) ព្យាយាមហ្វឹកហាត់ណាស់ ហើយយើងសង្ឃឹមថា គាត់នឹង​ជា​សះស្បើយទាន់ពេលវេលា។ ប៉ុន្តែយើងត្រូវតែយកចិត្តទុកដាក់ និងតាមដានពីរបួសគាត់ ដើម្បីធ្វើការព្យាបាលឲ្យបាន​ដិតដល់។ ខ្ញុំគិតថារបួសគាត់ មិនធ្ងន់ធ្ងរទេ ហើយក៏អាចចូលលេងជាមួយអេស្ប៉ាញបានដែរ។»

រីឯខ្សែបម្រើឆ្នើម រីកាដូ មុងតូលីវ៉ូ (Riccardo Montolivo) ដែលអវត្តមានពីការហ្វឹកហាត់កាលពីថ្ងៃច័ន្ទ ដោយសាររបួស​ក្បាលនោះ លោកកាសតេឡាកស៊ី បាននិយាយថា គាត់មិនមានបញ្ហាអ្វីនោះទេ ហើយគាត់អាចចូលលេង​បាន​ធម្មតា៕

----------------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី២៥ ខែមិថុនា ឆ្នាំ២០១៣
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...