ជន​រង​គ្រោះ​ពី​ការ​ស៊ី​សាច់​មនុស្ស​នៅ​មីអាមី ចេញ​មុខ​តាម​វីដេអូ

Loading...
  • ដោយ: សេក មនោរកុមារ
  • កែប្រែចុងក្រោយ: May 23, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

បុរសជាជនរងគ្រោះអាយុ៦៦ឆ្នាំ ដែលត្រូវបានរងការវាយប្រហារ ដោយការបកស្បែកមុខរបស់លោក ស៊ីជាអាហារនោះ បានចេញមុខមកវិញហើយ នៅក្នុងខ្សែវីដេអូមួយ បន្ទាប់ពីព្រឹត្តិការណ៍ដ៏រន្ធត់នេះបានកើតឡើងតាំងពីមួយឆ្នាំមុន។

លោក រ៉ូណាល់ ប៉ូប៉ូ (Ronald Poppo) ទំនងជាមានកម្លាំងមាំមួនឡើងវិញ បន្តិចម្ដងៗ ពីមុខរបួសដ៏អាណោចអាធម​របស់​លោក។ លោកបានចេញមុខមកថ្លែងអំណរគុណ ដល់អ្នកដែលបានគាំទ្រលើកទឹកចិត្តលោក មួយឆ្នាំក្រោយពីលោក ត្រូវ​បានស៊ីហែកផ្ទៃមុខរបស់លោក ដោយបុរសម្នាក់ដែលនៅក្នុងព្រឹត្តិការណ៍នោះ គេបានដាក់ឈ្មោះឲ្យថា «ជនស៊ីសាច់​មនុស្សនៅមីអាមី (Miami)»។

» សូមអានអត្ថបទស្ដីពីព្រឹត្តិការណ៍នេះឡើងវិញ ដោយចុចនៅលើទីនេះ

នៅក្នុងព្រឹត្តិការណ៍ដ៏រន្ធត់ និងមិនដែលជួបប្រទះក្នុងពេលនោះ លោករ៉ូណាល់ បានបាត់បង់សាច់មុខ ច្រមុះ និងភ្នែកទាំង​គូរប្រមាណជា៨០%នៃផ្ទៃមុខរបស់លោក។ តែនៅថ្ងៃនេះ គេឃើញលោកអង្គុយនៅលើគ្រៃ ដេញហ្គីតាកំសាន្ដ នៅក្នុង​វីដេអូខ្លីមួយ ដែលផ្សាយដោយមន្ទីរពេទ្យនៃទីក្រុងមីអាមីផ្ទាល់ នៅលើបណ្ដាញអាំងធើណែត។

លោករ៉ូណាល់ បាននិយាយថា «បណ្ដាជនដែលមានស្ថានភាពដូចខ្ញុំ ត្រូវការជំនួយជាចាំបាច់»។ សម្រាប់មនុស្សជាច្រើន​ដែលបានផ្ដល់កម្លាំងចិត្តមកឲ្យគាត់ លោករ៉ូណាស់បានសម្ដែងការអរគុណថា «ខ្ញុំមិនដឹងថា តើត្រូវអរគុណពួកគេ យ៉ាង​ដូចម្ដេចឲ្យសមនោះទេ»។

សូមរម្លឹកថា កាលពីថ្ងៃទី២៦ខែឧសភាឆ្នាំ២០១២កន្លងទៅ ជនដែលបានចាប់ហែកផ្ទៃមុខលោករ៉ូណាល់ ស៊ីជាអាហារ ឈ្មោះរូឌី អឺហ្សែន (Rudy Eugene) អាយុ៣១ឆ្នាំ ត្រូវបានបាញ់សម្លាប់ដោយកម្លាំងនគរបាល ខណៈពេលជននេះ​កំពុង​ទំពារសាច់ស្រស់របស់ជនរងគ្រោះ តាំងពី២០នាទីមកហើយ៕

សូមទស្សនាវីដេអូ ដែលនិយាយពីលោករ៉ូណាល់៖

---------------------------------------------------
ដោយ សេក មនោរកុមារ - ប៉ារីស​ ថ្ងៃទី២២ ខែឧសភា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...