ប្រារព្ធ​បុណ្យ Halloween ដោយ​តែង​ខ្លួន​ជា​«មនុស្ស​ខ្មោច»​​ដូច... ស្វារ៉េស (vdo)

ការតែងមុខមាត់ជាខ្មោចព្រាយបីសាច ... មានច្រើនបែបច្រើនយ៉ាងណាស់ សម្រាប់ប្រារព្ធពិធីបុណ្យ Halloween។ តែក្រុមមួយ ដែលតែងតែធ្វើ​វីដេអូចម្លែកៗ ដាក់យូធូប (YouTube) បានជ្រើសរើសយក កីឡាករ ល្វីស៍ ស្វារ៉េស (Luis Suarez) ដែលល្បីខាងខាំមនុស្ស នៅលើលានបាល់ទាត់ មកតុបតែងដើរបន្លាចគេឯងទៅវិញ។
តែងមុខធ្វើ«មនុស្សខ្មោច» ជា ស្វារ៉េស។ (រូបថតផ្តិតពីវីដេអូ)
Loading...
  • ដោយ: ឈូករ័ត្ន ដោយ ឈូករ័ត្ន (ទាក់ទង៖ [email protected]) - ប៉ារីស ថ្ងៃទី៣១ តុលា ២០១៤
  • កែប្រែចុងក្រោយ: November 02, 2014
  • ប្រធានបទ: ពីនេះពីនោះ
  • អត្ថបទ: មានបញ្ហា?
  • មតិ-យោបល់

តើអ្នកមានយោបល់ឬទេ ខាង​ការ​រើស​យក​តួអង្គ​ណា​មួយ ដ៏​គួរ​ឲ្យ​ខ្លាច​ជាង​គេ មក​ធ្វើការ​តុប​តែង​មុខ​តាម ដើម្បី​ដើ​របន្លាច​គេ​ឯង ក្នុង​ថ្ងៃ​បុណ្យ ហាឡូវីន? ប្រហែល​ជា តួអង្គ​ខ្មោច​បីសាច ក្នុង​ភាពយន្ដ​ហូលីវូដ ឬ​នាង​ណាត ក្នុង​ភាពយន្ដ​ថៃ​និយាយ​​ពី​ខ្មោច​ស្លាប់​តៃហោង​ទាំង​កូន​ក្នុង​ផ្ទៃ ឬ​ក៏​ព្រាយ​កន្ទោង​ខៀវ ... អាប​បង្ហោះ​ក្បាល​គ្មាន​ខ្លួន។ល។ ឬ​បើ​និយាយ​ឲ្យ​ខ្លី តួ​អង្គ​ខ្លាចៗ មាន​រាប់​មិន​អស់ ដែល​អាច​ឲ្យ​យើង​ធ្វើការ​ជ្រើសរើស ដើម្បី​តុប​តែង​មុខ​តាម។

ដោយឡែក ក្រុម​មួយ​ដែល​ដាក់​ឈ្មោះ​ហៅ​ខ្លួន​ឯង​ថា Football Daily នៅ​លើ​គេហទំព័រ​ចែក​ផ្សាយ​វីដេអូ យូធូប បែរ​ជា​ជ្រើសរើស​យក​កីឡាករ ល្វីស៍ ស្វារ៉េស ដែល​ល្បី​ឈ្មោះ ខាង​ខាំ​កីឡាករ​គ្នា​ឯង​នៅ​លើ​លាន​បាល់​ទាត់ មក​ធ្វើ​ការ​តុប​តែង​ជា មនុស្ស​ខ្មោច ដើម្បី​ដើរ​បន្លាច​រាល់​អ្នក​ដំណើរ​ទៅ​វិញ។ ប៉ុន្តែ​ជា​មួយ​នឹង​ការ​រៀបចំ​យ៉ាង​ល្អ​នេះ នរណាៗ​ក៏​ខ្លាច​រត់​បាត​ជើង​ស​ព្រាត ចេញ​ឲ្យ​ឆ្ងាយ​ពី​អតីត​កីឡាករ របស់​ក្រុម​លីវើភូល (Liverpool នៅ​អង់គ្លេស) រូប​នេះ​ដែរ។

អាចនិយាយម្យ៉ាងទៀតថា មនុស្សដែលខ្លាចទាំងនោះ មិនមែនគ្មានមូលហេតុនោះទេ។ ព្រោះកីឡាករ​ជាតិ​អ៊ុយរ៉ាហ្គាយ ល្វីស៍ ស្វារ៉េស ដែលមុនផ្ទេរមកទាត់ឲ្យក្រុមបាសឺឡូន (Barcelone នៅអេស្ប៉ាញ) ធ្លាប់មានប្រវត្តិ​ស៊ី​សាច់មនុស្ស (ខាំចេញ​ស្នាម) យ៉ាងហោចក៏បីដងដែរ។ កីឡាកររងគ្រោះលើកចុងក្រោយ ពីការខាំរបស់ ស្វារ៉េស បានធ្លាក់ទៅលើ​កីឡាករ​អ៊ីតាលី ឈីលីនី (Chiellini) នៅពេលដែលមានការជួបគ្នា រវាង​ក្រុម​អ៊ុយរ៉ាហ្គាយ និង​ក្រុម​អ៊ីតាលី នៅ​ការ​ប្រកួត​បាល់ទាត់​ពិភពលោក​ឆ្នាំ២០១៤ ថ្មីៗនេះ។

តែនេះគ្រាន់តែជាការលេងសើចសប្បាយមួយប៉ុណ្ណោះ ព្រោះបើនិយាយពីហេតុការណ៍មែនទែនវិញ កីឡាករ​ធ្មេញបាន ល្វីស៍ ស្វារ៉េស ធ្លាប់បានសន្យាមុននេះរួចហើយថា នឹងមិនធ្វើរឿង«ខាំ»សារជាថ្មីទៀតនោះទេ៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...