បាល់ទាត់ពិភពលោក៖ អ៊ុយរូហ្គាយ​យក​បាន​លេខ១ ដោយ​ឲ្យ​មេរៀន​រ៉ុស្ស៊ី ៣-០

ក្រុមជម្រើសជាតិ អ៊ុយរូហ្គាយ បានបំបាក់ក្រុម រ៉ុស្ស៊ី ដោយគ្រាប់បាល់ ៣-០ ក្នុងការប្រកួតជុំចុងក្រោយ និងបានឡើងមកឈរ នៅចំណាត់ថ្នាក់លេខ១ នៃពូល A។ យ៉ាងណា ក៏ក្រុមទាំងពីរ នៃចំណាត់ថ្នាក់លើបំផុតក្នុងពូល បានសំបុត្រឆ្លងវគ្គ ទៅកាន់វគ្គ១ភាគ៨ផ្ដាច់ព្រ័ត្រ តាំងពីពួកគេបានយកឈ្នះ លើក្រុមពីរផ្សេងទៀត នៅក្នុងការប្រកួតជុំទីពីរមកម្លេះ។
បាល់ទាត់ពិភពលោក៖ អ៊ុយរូហ្គាយ​យក​បាន​លេខ១ ដោយ​ឲ្យ​មេរៀន​រ៉ុស្ស៊ី ៣-០
កីឡាកររបស់ក្រុម អ៊ុយរូហ្គាយ អបអរគ្រាប់បាល់របស់ពួកគេ នៅចំពោះបរាជ័យរបស់ក្រុម រ៉ុស្ស៊ី។ (រូបថត Fifa)
Loading...
  • ដោយ: មនោរម្យ.អាំងហ្វូ ([email protected]) - ប៉ារីស ថ្ងៃទី២៥ មិថុនា ២០១៨
  • កែប្រែចុងក្រោយ: June 25, 2018
  • ប្រធានបទ: បាល់ទាត់​ពិភពលោក
  • អត្ថបទ: មានបញ្ហា?
  • មតិ-យោបល់

បន្ទាប់ពីបានប្រកួតឈ្នះ លើក្រុម អារ៉ាប៊ី សាអ៊ូឌីត និងក្រុម អេហ្ស៊ីព ដោយគ្រាប់បាល់ដ៏ច្រើនរួច (០-៥, ១-៣) ក្រុមជម្រើសជាតិ រ៉ុស្ស៊ី បានដួលបះជើងនៅរសៀលនេះ ដោយត្រូវប៉ះ​ ក្នុងការប្រកួតជុំចុងក្រោយ នៃវគ្គជម្រុះតាមពូល ជាមួយក្រុម អ៊ុយរូហ្គាយ ដែលសម្បូរដោយកំពូលកីឡាករល្បីៗ មកពីក្រុមបាល់ទាត់អាជីពធំៗ នៅអ៊ឺរ៉ុបខាងលិច។ ក្រុម រ៉ុស្ស៊ី បានចាញ់ក្រុម អ៊ុយរូហ្គាយ ០-៣ ហើយខ្សែការពាររ៉ុស្ស៊ី​ម្នាក់ ត្រូវបានអាជ្ញាកណ្ដាល​បណ្ដេញចេញ (កាត់លឿងពីរដង) នៅនាទីទី ៣៦ ថែមទៀត។ 

គ្រាប់បាល់ទាំងបី របស់ក្រុម អ៊ុយរូហ្គាយ រកបាននៅនាទីទី ១០ ដោយបាល់ពិន័យពីចំងាយ ទាត់ដោយកីឡាករ ល្វី ស្វារ៉េស (Luis Suarez) - នៅនាទីទី ២៦ ដែលជាគ្រាប់បាល់ ទាត់ចូលទីខ្លួនឯង ដោយកីឡាកររ៉ុស្ស៊ី «Denis Cheryshev» និងនៅនាទីទី ៩០ ដោយកីឡាករ អេឌីសុន កាវ៉ានី (Edison Cavani)។

» វីដេអូសង្ខេប នៃការប្រកួតជុំចុងក្រោយ រវាងក្រុម អ៊ុយរូហ្គាយ និងក្រុម រ៉ុស្ស៊ី៖

 រីឯការប្រកួតមួយទៀត ក្នុងពូលដដែល ក្រុម អារ៉ាប៊ី សាអ៊ូឌីត បានយកឈ្នះ ២-១ លើក្រុមអេហ្ស៊ីព និងដណ្ដើមបាន ចំណាត់ថ្នាក់លេខ៣ នៅក្នុងពូល ខណៈក្រុមទាំងពីរ ត្រូវបានផាត់ចេញរួចរាល់ហើយ ពីព្រឹត្តិការណ៍​ពិភពលោក។

» វីដេអូសង្ខេប នៃការប្រកួតជុំចុងក្រោយ រវាងក្រុម អារ៉ាប៊ីសាអ៊ូឌីត និងក្រុម អេហ្ស៊ីព៖

ក្រុម អ៊ុយរូហ្គាយ ដែលឈ្នះការប្រកួត បានឡើងយកចំណាត់ទីមួយ នៅក្នុងពូល ដែលពីមុនមក កាន់កាប់ដោយក្រុម រ៉ូស្ស៊ី។ ក្រុម អ៊ុយរូហ្គាយ នឹងត្រូវជួប នៅក្នុងវគ្គ១ភាគ៨ផ្ដាច់ព្រ័ត្រ ជាមួយក្រុមជម្រើសជាតិ ដែលជាប់ចំណាត់ថ្នាក់លេខ២ នៅក្នុងពូល B ខណៈក្រុម រ៉ុស្ស៊ី វិញ នឹងត្រូវជួបជាមួយក្រុម ដែលជាប់ចំណាត់ថ្នាក់លេខ ១ នៅក្នុងពូល B ដដែល។

តែដើម្បីដឹងថា តើក្រុមណា នឹងមានចំណាត់ថ្នាក់លេខ១ ឬលេខពីរ (រវាងក្រុមទាំងបី៖ ព័រទុយហ្គាល់ អេស្ប៉ាញ និងអៀរ៉ង់) នៅក្នុងពូល B គេត្រូវរង់ចាំលទ្ធផល ដែលចេញពីការប្រកួតទាំងពីរ នៃជុំចុងក្រោយ ដែលប្រព្រឹត្តិទៅ ក្នុងប៉ុន្មានម៉ោងខាងមុខ (អេស្ប៉ាញ ទល់នឹង ម៉ារ៉ុក និង អៀរ៉ង់ ទល់នឹង ព័រទុយហ្គាល់)៕

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...