គ.ជ.ប. បដិសេធ ​ចំពោះ​សំណើរ​​​ក្នុង​ញត្តិ​របស់​បក្ស​ប្រឆាំង

គ.ជ.ប បានច្រាន ចោលជាផ្លូវការនូវ «ញ្ញត្តិ»របស់គណបក្សសង្គ្រោះជាតិ លើសំណើរសុំ សើរើបញ្ជីឈ្មោះអ្នកបោះឆ្នោតសារជាថ្មី និង ការវិលត្រឡប់របស់ លោក សម រង្សី ដោយគ្មានលក្ខណ្ឌ ដើម្បី បានចូលរួម ក្នុងការបោះឆ្នោតនាពេលខាងមុខនេះ។ សេចក្តីប្រកាសបានធ្វើឡើងក្នុងសន្តិសិទការសែត មួយកាលពីព្រឹក ទី២៦ មេសា ២០១៣ នៅទីស្នាក់ការ គ.ជ.ប គឺបីថ្ងៃ បន្ទាប់ពីសំណើររបស់លោក គឹម សុខា។
Loading...
  • ដោយ: អ៊ុម វ៉ារី
  • កែប្រែចុងក្រោយ: April 26, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

ភ្នំពេញ៖ គ.ជ.ប បានច្រាន ចោលជាផ្លូវការនូវ «ញត្តិ»របស់គណបក្សសង្គ្រោះជាតិ លើសំណើរសុំ សើរើបញ្ជីឈ្មោះអ្នក​បោះឆ្នោតសារជាថ្មី និង ការវិលត្រឡប់របស់ លោក សម រង្សី ដោយគ្មានលក្ខណ្ឌ ដើម្បី បានចូលរួម ក្នុងការបោះឆ្នោត​នាពេលខាងមុខនេះ។ សេចក្តីប្រកាសបានធ្វើឡើងក្នុងសន្តិសិទការសែត មួយកាលពីព្រឹក ទី២៦ មេសា ២០១៣ នៅទី​ស្នាក់ការ គ.ជ.ប គឺបីថ្ងៃ បន្ទាប់ពីសំណើររបស់លោក គឹម សុខា។


សន្និសិតការសែត នៅទីស្នាក់ការ គ.ជ.ប. ថ្ងៃទី២៦ មេសា ២០១៣ ។ (រូបថត O.Vary / MONOROOM.info)

ក្នុងសេចក្តីថ្លែងការណ៍ខាងលើ អគ្គលេខាធិការគ.ជ.ប លោក ទេព នីថា បានលើកឡើងថា «ញ្ញត្តិ» នោះមានសំណើរ ខ្លះស្រប ហើយគ.ជ.ប ក៏បានអនុវត្តរួចរាល់ដែរ។ ប៉ុន្តែ សំណើទាំងពីរ ខាងលើ មិនមែនជាសម្ថកិច្ចរបស់គ.ជ.ប ទេ ព្រោះ​វាផ្ទុយនឹងច្បាប់។ ដូច្នេះ គ.ជ.ប ក៏មិនអាចនឹងយកមកអនុវត្តបាននោះដែរ។ គ.ជ.ប បានបញ្ជាក់ថា នៅឆ្នាំ២០១២ ស្ថាប័ន​របស់ខ្លួន បានចាត់វិធានការគ្រប់រូបភាព ដើម្បីធានាឲ្យដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត ទទួលបាន​លទ្ធផលកាន់តែល្អ ទាំងលើទិដ្ឋភាពច្បាប់ បច្ចេកទេស និងតាមគោលការណ៍ស្តីពីភាពពេញលេញ ភាពត្រឹមត្រូវ និង​បច្ចុប្បន្នភាពនៃបញ្ជីបោះឆ្នោត។

សេចក្តីថ្លែងការណ៍ដដែល បានលើកឡើងពីរបាយការណ៍អង្គការខុមហ្វ្រែល (COMFREL)ថា បញ្ជីបោះឆ្នោតឆ្នាំ២០១២ មានភាពល្អប្រសើរ បើប្រៀបជាមួយបញ្ជីបោះឆ្នោត ឆ្នាំ២០០៨ និង២០១១។ របាយការណ៍នេះបានបន្តថា អ្នកមានសិទ្ធិ​បោះឆ្នោត ៩៨,២៦ % ពុំមានការភ័យខ្លាចជុំវិញការចុះឈ្មោះ និងពិនិត្យបញ្ជីឈ្មោះបោះឆ្នោតទេ និងមានអ្នកមានសិទ្ធិ បោះឆ្នោត ៩៦,៨ % ឆ្លើយថា មិនមានការលំបាកទាល់តែសោះ និងមិនលំបាក។ អ្នកមានសិទ្ធិបោះឆ្នោត ៩៧,៧ % បាន​ចុះឈ្មោះបោះឆ្នោត។

ចំណែកឯរបាយការណ៍ របស់វិទ្យាស្ថានជាតិ ដើម្បីលិទ្ធិប្រជាធិបតេ្យ (NDI) វាយតម្លៃថា មានការជឿជាក់លើដំណើរការ ចុះឈ្មោះបោះឆ្នោត ៩១,៣ %។ នីតិវិធីចុះឈ្មោះសាមញ្ញ និងមានភាពងាយស្រួល ៩៧,១ %។ ស្របគ្នានេះដែរអង្គការ GALLUP POLL ក៏បានវាយតម្លៃថា ប្រជាពលរដ្ឋ ៩២ % មានសេរីភាពជ្រើសរើស​ក្នុងការរស់នៅរបស់​ខ្លួន។ តាមការ​បង្ហាញខាងលើ លោក ទេព នីថា បានបញ្ជាក់ថា « បញ្ជីបោះឆ្នោតឆ្នាំ២០១២ មិនអាចមានកំហុស​ច្រើនដូចការសន្និដ្ឋាន របស់អង្គការខុមហ្វ្រែល (COMFREL) និង NDI នោះឡើយ។ ទោះជាយ៉ាងណាក៍ដោយក៍អនុសាសន៍ មួយចំនួន​របស់​អង្គការខុមហ្វ្រែល និងវិទ្យាស្ថានជាតិ ដើម្បី លិទ្ធិប្រជាធិបតេ្យ(NDI) ត្រូវបាន គ.ជ.ប ទទួលយក និងអនុសាសន៍ខ្លះទៀត មាននៅក្នុងបទបញ្ជា និងនីតិវិធីរួចទៅហើយផងដែរ។ »

លោក ទេព នីថា បានបញ្ជាក់បន្ថែមថា «ករណីធ្វើបញ្ជីឈ្មោះបោះឆ្នោត ជាថ្មីឡើងវិញ គ.ជ.ប មិនអាចទទួលយកបានទេ ពីព្រោះលក្ខខណ្ឌច្បាប់ ក្រោយពីបញ្ជីបោះឆ្នោត ផ្តល់សុពលភាពរួចហើយ ពុំអាចធ្វើការចុះឈ្មោះឡើងវិញបានឡើយ។ ម្យ៉ាងទៀត ក្នុងក្របខណ្ឌច្បាប់ គ.ជ.ប ក៏ពុំមានសមត្ថកិច្ច ពន្យារពេលការបោះឆ្នោតបាននោះទេ»។  លោកបានបន្តថា សម្រាប់ការបោះឆ្នោតជ្រើសតាំងតំណាងរាស្ត្រ នីតិកាលទីប្រាំនេះ គ.ជ.ប បាន និងកំពុងអនុវត្ត ភារកិច្ចរបស់ខ្លួន ស្រប​តាមច្បាប់ជាធរមាន និងនីតិវិធីសម្រាប់ការបោះឆ្នោតប្រកបដោយតម្លាភាព។

លោក យឹម សុវណ្ណ អ្នកនាំពាក្យរបស់គណបក្សសង្គ្រោះជាតិ ប្រតិកម្មតមថា សេចក្តីប្រកាសខាងលើ របស់គ.ជ.ប គ្រាន់​តែជាលេសដោះសារមួយប៉ុណ្ណោះ និងការឆ្លើយតមទាំងនេះ មិនមានអ្វីថ្មីឡើយ។ « វាមិនមែនជារឿងធម្មតាទេ ដែលឈ្មោះ​ អ្នកបោះឆ្នោត ជាង១,៥ លាននាក់ បានបាត់ ពីបញ្ជីបោះឆ្នោត។ គ.ជ.ប គួរតែផ្តល់ចំលើយណាមួយឲ្យចំចំណុច» នេះបើ​តាម​ការបញ្ជាក់ របស់លោកយឹម សុវណ្ណ។ អ្នកនាំពាក្យរូបនេះ បង្ហាញថាគណបក្សសង្គ្រោះជាតិ នឹងពិចារណាបន្តធ្វើ​បាតុកម្ម នៅថ្ងៃខាងមុខទៀត នៅមុនថ្ងៃបោះឆ្នោតខិតជិតមកដល់៕

---------------------------------------------------------
ដោយៈអ៊ុម វ៉ារី - ភ្នំពេញថ្ងៃទី២៦ មេសា ឆ្នាំ២០១៣
រក្សាសិទ្ធគ្រប់យ៉ាងដោយ៖មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...