អាមេរិក-ប៊ូស្តុន៖ ផ្ទុះ​គ្រាប់​ពីរ​កន្លែង ក្នុង​កម្មវិធី​រត់​ម៉ារ៉ាតុន ធ្វើ​ឲ្យ​ស្លាប់​២​នាក់

វេលាម៉ោងប្រមាណជា៣រសៀល ការបំផ្ទុះគ្រាប់ពីរកន្លែង បានធ្វើអោយមនុស្សពីរនាក់ស្លាប់ និង២៨នាក់ផ្សេងទៀតរង​របួស នៅចំកណ្ដាលហ្វូងមនុស្សកកកុញ នៅមិនឆ្ងាយប៉ុន្មានពីទីផ្ដាច់ព្រ័ត្រ នៃកីឡាររត់ម៉ារ៉ាតុន ដែលបានរៀបចំឡើង នៅក្នុងទីក្រុងប៊ូស្ដុនក្នុងថ្ងៃច័ន្ទទី១៥ខែមេសាម្សិលម៉ិញ។ នេះ ជាការវាយតម្លៃជំហានដំបូងរបស់ នគរបាលប្រចាំទីក្រុង។ តែកាសែតក្នុងតំបន់ ប៊ូស្ដុនគ្លប (Boston Globe) បានរាយការណ៍ថា អ្នករបួសមានចំនួនដល់ទៅជាង១០០នាក់។ ដោយ​ឡែកមន្ទីពេទ្យជម្ងឺទូទៅ នៃរដ្ឋមាស្សាឈូសេត បានប្រកាសថា ខ្លួនបានទទួលអ្នករបួសចំនួន១៩នាក់ មកសង្គ្រោះបន្ទាន់ តែមិនបានបញ្ជាក់ពីស្ថានភាព​ របស់ពួកគេទាំងនោះទេ។
Loading...
  • ដោយ: សេក មនោរកុមារ
  • កែប្រែចុងក្រោយ: April 16, 2013
  • ប្រធានបទ:
  • អត្ថបទ: មានបញ្ហា?
  • មតិ-យោបល់

លើសពីចំនួនអ្នកស្លាប់ទាំងពីរនាក់នេះ មនុស្សចំនួន២៨នាក់ផ្សេងទៀត បានរងរបួស នៅក្នុងកម្មវិធីរត់ម៉ារ៉ាតុនមួយ ក្បែរ​ទីផ្ដាច់ព្រ័ត្រ ក្នុងទីក្រុងប៊ូស្ដុនសហរដ្ឋអាមេរិក។ នេះជាតុល្យការជំហានដំបូង ផ្ដល់ដោយនគរបាល។


ការបំផ្ទុះនៅខាងស្ដាំរូប បង្កអោយកីឡាករមួយចំនួន ដែលរត់ក្បែរនោះដួល។

វេលាម៉ោងប្រមាណជា៣រសៀល ការបំផ្ទុះគ្រាប់ពីរកន្លែង បានធ្វើអោយមនុស្សពីរនាក់ស្លាប់ និង២៨នាក់ផ្សេងទៀតរង​របួស នៅចំកណ្ដាលហ្វូងមនុស្សកកកុញ នៅមិនឆ្ងាយប៉ុន្មានពីទីផ្ដាច់ព្រ័ត្រ នៃកីឡាររត់ម៉ារ៉ាតុន ដែលបានរៀបចំឡើង នៅក្នុងទីក្រុងប៊ូស្ដុនក្នុងថ្ងៃច័ន្ទទី១៥ខែមេសាម្សិលម៉ិញ។ នេះ ជាការវាយតម្លៃជំហានដំបូងរបស់ នគរបាលប្រចាំទីក្រុង។ តែកាសែតក្នុងតំបន់ ប៊ូស្ដុនគ្លប (Boston Globe) បានរាយការណ៍ថា អ្នករបួសមានចំនួនដល់ទៅជាង១០០នាក់។ ដោយ​ឡែកមន្ទីពេទ្យជម្ងឺទូទៅ នៃរដ្ឋមាស្សាឈូសេត បានប្រកាសថា ខ្លួនបានទទួលអ្នករបួសចំនួន១៩នាក់ មកសង្គ្រោះបន្ទាន់ តែមិនបានបញ្ជាក់ពីស្ថានភាព​ របស់ពួកគេទាំងនោះទេ។

ការបំផ្ទុះគ្រាប់លើកទីបី បានកើតឡើងទៀត នៅក្នុងបណ្ណល័យ ជីអេហ្វខេ (JFK) នៃទីក្រុង ហើយមានចម្ងាយប្រមាណជា ៤គីឡូម៉ែត្រពីកន្លែងផ្ទុះលើកទីមួយ។ នគរបាលមិនបានអោយដឹងថា តើការផ្ទុះចុងក្រោយនេះ មានទំនាក់ទំនង​ជាមួយ​នឹងការបំផ្ទុះពីរលើកមុន ឬយ៉ាងណានោះទេ។ នៅក្នុងសន្និសិតសារព័ត៌មាន នាយនគរបាលក្រុងប៊ូស្ដុនលោក អេដ ដេវិស (Ed Davis) បានថ្លែងថា នគរបាលមិនទទួលបានសញ្ញាអ្វីមួយប្លែក ឬជាការគម្រាម នៅមុនការបំផ្ទុះទាំងនេះទេ ហើយថា​មិនមានវត្ថុគួរអោយសង្ស័យណាផ្សេង ត្រូវបានរកឃើញទៀតឡើយ។

ការបំផ្ទុះពីរ ពីក្នុងការបំផ្ទុះទាំងនេះ បានកើតឡើង ខណៈមនុស្សរាប់សិបពាន់នាក់ បានប្រមូលគ្នាមកទស្សនា អបអរ នៅ​ចំនុចទីផ្ដាច់ព្រ័ត្រ នៃពួកកីឡាករម៉ារ៉ាតុន ដែលបានចេញពីចំនុចចាប់ផ្ដើមតាំងពី៥ម៉ោងមុន។ ការប្រកួតកីឡារត់ម៉ារ៉ាតុន​លើកទី១១៧នេះ ទាក់ទាញអោយមនុស្សមកទស្សនាប្រមាណជាកន្លះលាននាក់ និងអ្នកចូលរួមប្រមាណជា ២០ពាន់​នាក់។

លោកម៉ៃ មីតឆែល (Mike Mitchell) ជាកីឡាករម្នាក់ជនជាតិកាណាដា បានថ្លែងបញ្ជាក់ថា គាត់បានឃើញដុំភ្លើងបានផ្ទុះ​ឡើង នៅពីក្រោយអ្នកទស្សនា និងបន្ទាប់មកមានផ្សែងសរស្គុស ហុយចេញពីទីនោះ។ ទំនងជាងនៅមានភាពរន្ធត់​នៅ​ជាប់ខ្លួននៅឡើយ លោកបានរំលឹកឡើងវិញថា «មានឈាមគ្រប់ទីកន្លែង ហើយជនរងគ្រោះត្រូវបានគេសែង​ចេញជា​បន្តបន្ទាប់។ ខ្ញុំឃើញនរណាម្នាក់នោះ បានបាត់ដៃមួយចំហៀង ហើយមានមនុស្សយំ។»

បារ៉ាក់ អូបាម៉ាថាមិនទាន់ដឹងពីមូលហេតុ និងជនដៃដល់

សេតវិមានបានប្រាប់អោយដឹងថា សមត្ថកិច្ចគ្រប់ប្រភេទ ត្រូវបានបញ្ជាអោយចេញប្រតិបត្តិការ។ បរិវេណសុវត្ថិភាព នៅ​ជុំវិញសេតវិមាន ត្រូវបានបិត។ នៅឯទីក្រុងញ៉ូយក នគរបាលក៏បានរឹតបន្ដឹងសន្តិសុខ ខ្លាំងសម្បើមដែរ ជាពិសេសននៅ​ក្នុងសង្កាត់ដ៏ល្បី ម៉ាណាតាន់ (Manhattan)

ប្រធានាធិបតីអាមេរិក លោកបារ៉ាក់ អូបាម៉ា (Barack Obama) បានថ្លែងចេញពីសេតវិមាន នៅម៉ោងប្រមាណជា១៨ល្ងាច ថាសមត្ថកិច្ចនៅមិនទាន់បានដឹង ពីមូលហេតុនៃការបំផ្ទុះ និងជនដៃដល់នោះនៅឡើយ។ នៅក្នុងសុន្ទរកថារបស់លោក មិនបាននិយាយទាក់ទងទៅដល់ «ភេវរកម្ម» អ្វីនោះទេ តែលោកបានសន្យាថា ជនល្មើសនឹងត្រូវចាប់មកទទួលទោស។ លោកបានចូលរួមរំលែកទុក្ខ ទៅដល់ជនរងគ្រោះ ដោយធានាថា ប្រទេសអាមេរិក «នៅជាប់»នឹងបណ្ដាជន​អ្នករស់នៅ​ក្នុងទីក្រុងប៊ូស្តុន ជានិច្ចជាកាល។ លោកបន្ថែមថា វិធានការសុវត្ថិភាព នឹងត្រូវពង្រឹង ទៅតាមភាពជាក់ស្ដែង និងភាព​ចាំ​បាច់របស់វា៕
------------------------------

វីដេអូ ដែលចេញពីការបំផ្ទុះនោះ ៖

-----------------------------------------------------------------
ដោយ សេក មនោរកុមារ - ប៉ារីស​ ថ្ងៃទី១៥ ខែមេសា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ

Loading...

អត្ថបទទាក់ទង


មតិ-យោបល់


ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ contac[email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...