លក់អស់ស្រែចំការ ដើម្បីយកលុយមកបង់ឲ្យសាលាបោកប្រាស់?
បន្ទាប់ពីរកអន្តរាគមន៍ ពីក្រសួងអប់រំយុវជន និងកីឡា និងក្រសួងសុខាភិបាល មិនបានលទ្ធផលរួចមក នៅព្រឹកថ្ងៃទី២៨ ខែមករានេះ ក្រុមនិស្សិតនៃវិទ្យាស្ថានវិទ្យាសាស្រ្តអន្តរជាតិ ប្រមាណជា៦០នាក់ បាននាំគ្នាធ្វើការតវ៉ានៅមុខរដ្ឋសភាជាតិ ដើម្បីស្នើសុំឲ្យស្ថាប័នជាតិមួយនេះ ស្វែងរកដំណោះស្រាយបញ្ហាដ៏ចម្រូងចម្រាសរបស់ពួកគេ។ រឿងដែលដោះស្រាយមិនចេះចប់ និងធ្វើឲ្យដំណើរការតវ៉ា ឡើងមកដល់រដ្ឋសភានោះ ត្រូវបានពួកគេលើកមកបរិហាថា នោះដោយសារតែនាយកវិទ្យាស្ថានវិទ្យាសាស្ត្រអន្តរជាតិ បានបោកប្រាស់ពួកគេយ៉ាងចាស់ដៃ។
តំណាងនិស្សិតផ្នែកគិលានុប្បដ្ឋាកម្នាក់ យុវជន ថន រដ្ឋា បានរៀបរាប់ថា ពួកគេសុទ្ធតែជានិស្សិតក្រីក្រ គ្រួសាររបស់ពួកគេបានលក់គោលក់ក្របី និងមួយចំនួនទៀតយកទ្រព្យសម្បត្តិទៅបញ្ចាំធនាគារ ដើម្បីយកលុយមកបង់ឱ្យសាលា ឱ្យកូនបានរៀន [...]