និស្សិតពេទ្យសាលាឯកជន ដាក់ញត្តិឲ្យសភាជួយ
- ដោយ: ក. សោភណ្ឌ អត្ថបទ៖ ក.សោភ័ណ្ឌ ([email protected]) - យកការណ៍៖ ហេង វុទ្ធី - ភ្នំពេញថ្ងៃទី២៨ មករា ២០១៥
- កែប្រែចុងក្រោយ: January 29, 2015
- ប្រធានបទ: ជ្រុងមួយ
- អត្ថបទ: មានបញ្ហា?
- មតិ-យោបល់
-
ការដាក់ញត្តិ នាព្រឹកថ្ងៃទី២៨ ខែមករា របស់និស្សិតពេទ្យនៅវិទ្យាស្ថានវិទ្យាសាស្រ្តអន្តរជាតិនេះ ត្រូវបានលេខាគណៈកម្មការទីមួយ ផ្នែកទទួលពាក្យបណ្តឹងនៃរដ្ឋសភា លោក ចាន់ ចេង ចេញមកទទួល។ នៅក្នុងឱកាសនោះ មន្ត្រីរដ្ឋសភារូបនេះ បាននិយាយថា រាល់អ្វីៗដែលនិស្សិតមិនអាចទទួលយកបាន ហើយឈានដល់ការយកញត្តិមកដាក់នៅរដ្ឋសភានេះ ជាការបើកផ្លូវមួយ ដើម្បីឲ្យលោកធ្វើការស្រាវជ្រាវពីសាលាមួយនេះ។
លោក ចាន់ ចេង បានថ្លែងថា បើវាជាការពិតដូចអ្វីដែលក្រុមនិស្សិតបានលើកឡើងនោះ សភាជាតិមានសិទ្ធកោះហៅអ្នកដែលជាប់ពាក់ព័ន្ធ ចូលមកធ្វើការដោះស្រាយជាមួយក្រុមនិស្សិត ហើយលោកនឹងពិនិត្យដល់គណៈកម្មការដែលជាប់ពាក់ព័ន្ធទាំង១០ ក្នុងនោះមានគណៈកម្មការទី៨ដែលទទួលបន្ទុកខាងផ្នែកសុខាភិបាល។ លោកបានបញ្ជាក់ទៀតថា កុំថាឡើយនាយកសាលា ទោះជារដ្ឋមន្រ្តី ឬក៏ចៅហ្វាយខេត្ត ក៏សភាអាចនឹងកោះហៅអ្នកទាំងនោះមកបំភ្លឺនៅសភាដែរ ប្រសិនបើមានការទាក់ទងនឹងសំនុំរឿង។
និស្សិតម្នាក់ក្នុងចំណោមនិស្សិតទាំងនោះ បានិយាយថា សាលារៀនរបស់ពួកគេ ដែលបានរៀនជាងបីឆ្នាំមក គ្មានអាជ្ញាប័ណ្ណត្រឹមត្រូវទេ ហើយពេលដែលពួកគេ ទៅសួរព័ត៍មាននៅពេលប្រជុំម្តងៗ សាលាតែងតែឲ្យបន្តនៅរៀនទៀត ដោយមិនឲ្យក្រុមនិស្សិតពេទ្យចុះស្តាជាដើម៕