តោចង់ស៊ីកុមារ... ទាស់តែមានកញ្ចក់ (vdo)
- ដោយ: ឈូករ័ត្ន អត្ថបទ៖ ឈូករ័ត្ន ( [email protected]) - ប៉ារីស ថ្ងៃទី២៦ មករា ២០១៥
- កែប្រែចុងក្រោយ: January 28, 2015
- ប្រធានបទ: ពីនេះពីនោះ
- អត្ថបទ: មានបញ្ហា?
- មតិ-យោបល់
-
ទុកចិត្តមិនបានទេ ទោះជាសត្វតោញ៉ីចាស់ ចង់លេងជាមួយកុមារក៏ដោយ... មិនអញ្ចឹងឬ? ផ្ទុយទៅវិញ ក្រុមគ្រួសាររបស់កុមារ បានទុកចិត្តកញ្ចក់របស់សួនសត្វ ដែលដាក់ឃាំងសត្វសាហាវនេះ ឲ្យដាច់ស្រឡះពីបណ្ដាជនអ្នកចូលទៅទស្សនា ហើយពួកគេមិនត្រឹមតែមិនភ័យទេ តែបាននិយាយនូវពាក្យល្អៗ បង្ហាញនូវការស្រឡាញ់សត្វតិរច្ឆានទាំងនេះថែមទៀត។
«អូ គួរឲ្យស្រឡាញ់អ្វីម្លេះទេ... មើលណ្ន៎ វាចង់លេងជាមួយកូនមនុស្ស...» នេះជាការផ្ទុះសំដីឡើងរបស់ក្រុមគ្រួសារកុមារ ដែលស្ថិតនៅពីខាងក្រោយកុមារ។
ជំនឿចិត្តរបស់ក្រុមគ្រួសារ កើតមានខ្លាំងដោយមិនមានការព្រួយបារម្ភអ្វីសោះនេះ ព្រោះកញ្ចក់បាំងនៅក្នុងសួនសត្វ អែល ប៉ាសូ (El Paso) ក្នុងរដ្ឋតិចសាស សហរដ្ឋអាមេរិកមួយនេះ មានកម្រាស់ក្រាសខ្លាំង និងអាចទប់ទល់បាននូវកម្លាំងច្រាន ឬបំបុកទាំងសងខាង យ៉ាងមានសុវត្ថិភាព។
រូបភាពក្នុងវីដេអូថតនៅពេលព្រឹក បន្ទាប់ពីសួនសត្វបានបើកទ្វាភ្លាម។ យើងសាកល្បងស្រម័យបន្តិចទៅមើល បើស្ថិតក្នុងធម្មជាតិព្រៃភ្នំវិញ នៅពេលឃ្លានអាហារពេលព្រឹកនោះផង តែសត្វតោវាមានបំណងចង់មកលេងសប្បាយជាមួយកុមារដែរឬទេ?
មិនមែនតែវីដេអូមួយនេះទេ តែជារឿយៗ វីដេអូជាច្រើនផ្សេងទៀត ក៏ត្រូវបានគេយកមចុះផ្សាយដែរ បង្ហាញពីស្ដេចសត្វដ៏កំណាច ចង់ត្របាក់ខាំស៊ីកុមារតូចៗ ដែលជាទស្សនិកជនរបស់ខ្លួុន។