All Articles of MONOROOM.info

ហេតុការណ៍នេះ បង្ករការភ្ញាក់ផ្អើលយ៉ាងខ្លាំង ហើយក៏រងការិះគន់ខ្លាំងដែរ ពីពលរដ្ឋ ដោយពួកគាត់​បាន​ត្អូញ​ត្អែរថា គ្មានមន្ត្រីជំនាញណា ជួយចុះអន្តរាគមន៍ទេ ទុកឲ្យពលរដ្ឋពន្លត់ភ្លើង ដោយខ្លួនឯងរលត់អស់ ទើបឃើញ​ស្រមោល ក្រុមមន្ត្រីលត់អគ្គិភ័យ បានមកដល់។ អ្នកនៅក្នុងហេតុការណ៍ ដ៏គួរឲ្យរន្ធត់នេះ បានប្រាប់ឲ្យដឹងថា មុនដំបូងឡើយ គេលឺសម្លេងផ្ទុះ (ផូងៗៗៗ) ជាច្រើនដង។ ពួកគាត់បានចេញមកមើល ក៏ឃើញមានផ្កាភ្លើង ផ្ទុះ​ចេញពីបង្គោលតូច មានខ្សែតចរន្តអគ្គិសនី ជាច្រើននៅពីមុខផ្ទះ។ បុរសខាងលើបន្តទៀតថា ក្នុង​ហេតុការណ៍​នេះ បានប្រជាពលរដ្ឋ សម្រុកជួយគ្នាពន្លត់ បានសម្រេច ដោយប្រើបំពង់ពន្លត់អគ្គីភ័យ ចំនួន៣០ទាំង​តូចទាំង​ធំ។

លោក អ៊ុង សុផាន អាយុ ៦៣ឆ្នាំ ស្នាក់នៅផ្ទះលេខ ៦១K ក្នុងភូមិទី១០ សង្កាត់ផ្សារដេប៉ូទី១ បានរៀបរាប់ថា លោកមានការភ្ញាក់ផ្អើល និងលំបាក ក្នុងការចាកចេញណាស់ ព្រោះផ្ទុះឆេះនោះ នៅចំពីមុខផ្ទះលោកតែម្តង គ្មានផ្លូវក្រោយណា [...]

នៅម៉ោង ១០និង២០នាទីយប់ថ្ងៃទី២០ ខែកក្កដា ឆ្នាំ២០១៥នេះ នៅចំណុចមុខវត្តលង្កា ក្នុងសង្កាត់បឹងកេង​កង​ទី១ ខណ្ឌចំការមន រាជធានីភ្នំពេញ មានក្មេងស្ទាវពីរក្រុម បានវាយតប់គ្នាប្រតាយប្រតប់ បណ្តាលឲ្យមាន​អ្នក​របួស និងខូចខាតរបស់មួយចំនួន។

អ្នកឃើញហេតុការណ៍នេះ បានរៀបរាប់ថា ដំបូងក្មេងស្ទាវមួយក្រុមជិះរថយន្ត ទំនើបម៉ាក RANG ROVER ពណ៌ខ្មៅ ស្លាកលេខភ្នំពេញ ២AA-១៥៧៥ មានគ្នាប្រមាណ៨នាក់ បានធ្វើដំណើរមកដល់ ហើយបានចុះវាយ និង​គប់ដុំថ្ម មកលើក្មេងមួយក្រុមទៀត ដែលកំពុងអង្កុយលេង មុខវត្តលង្កា បណ្តាលឲ្យរងរបួស ជាច្រើន​កន្លែង។ ភ្លាមៗនោះ ក្រុមអ្នកជិះជិះឡានទំនើប បន្តវាយម៉ូតូ របស់ក្រុមអ្នកអង្កុយលេង លើសួនមុខ​វត្ត​លង្កា​នោះ​ទៀត ដោយប្រើដំបងវាយកូនហ្កោល។

ហេតុការណ៍វាយតប់គ្នានេះ បានធ្វើឲ្យខូចខាតសម្ភារៈ មួយចំនួនក្នុងនោះ មានម៉ូតូ Scoopy ពណ៌សមួយគ្រឿង បាក់ក្បាំងខាងឆ្វេងខាងមុខ និងពីរគ្រឿងផ្សេងទៀតម៉ាក Nex និងម៉ាក Finano [...]

បក្ខជន ដែលបានចូលរួមផ្ដួលរំលំ របបខ្មែរក្រហម នាឆ្នាំ១៩៧៩ ហើយត្រូវបានរបបថ្មី ហៅថា «សាធារណរដ្ឋ​ប្រជាមានិតកម្ពុជា» លើកបន្តុបដោយវៀតណាម ឲ្យឡើងកាន់តំណែង មានអំណាចដើម្បីដឹកនាំប្រទេស​នោះ មួយភាគធំសុទ្ធសឹង ជាមនុស្សមិនចេះអក្សរ ឬមានចំណេះដឹងតិចតួច។ ពីក្នុងចំណោមនោះ មានមេ​ដឹកនាំ​«គ្រាក់ៗ» របស់គណបក្សប្រជាជនកម្ពុជា សព្វថ្ងៃ ដូចជាលោក ហេង សំរិន នេះជាដើម ដែលបើសូម្បី អាន​អក្សរ ក៏មិនត្រូវជ្រុងផងនោះ។ នេះ បើតាមការអះអាង របស់អតីតសាស្ត្រាចារ្យមួយរូប។

ពីរដ្ឋធានីប៉ារីស អ្នកស្រី វ.អ. អតីតសាស្ត្រចារ្យផ្នែកអក្សរសាស្ត្រ នៅវិទ្យាល័យបាក់ទូក ដែលបានចេញមក​រស់​នៅ ក្នុងប្រទេសបារាំង តាំងពីច្រើនឆ្នាំមកហើយ បានរំលឹករឿងនេះ ប្រាប់ទស្សនាវដ្ដីមនោរម្យ.អាំងហ្វូ ថា លោក ហេង សំរិន អតីតប្រធាន​ក្រុម​ប្រឹក្សា​រដ្ឋ និងជា​អគ្គលេខាធិការ​បក្ស​ប្រជាជន​បដិវត្តកម្ពុជា បានអាន​អក្សរ នៅ​ក្នុង​លិខិត​ដដែលៗ សរសេរដោយមនុស្សដដែល [...]

ការវាយប្រហារ ដោយពាក្យសំដី នៃអ្នកតំណាងរាស្រ្តពីរនាក់ មកពីគណបក្សផ្សេងគ្នា បានធ្វើឲ្យល្បីរន្ទឺរ កក្រើក​ពេញពិភពកម្ពុជា ព្រោះម្ខាង ចង់ការពារប្រធានរដ្ឋសភា និងម្ខាងទៀត ចោទប្រកាន់ប្រធានរដ្ឋសភា ថា​បាន​រំលោភរដ្ឋធម្មនុញ្ញ។

នៅក្នុងសន្និសីទសារព័ត៌មាន កាលពីថ្ងៃទី១៧ ខែកក្កដានេះ លោក ឈាង វុន តំណាងរាស្ត្រ មកពីគណបក្ស​ប្រជាជនកម្ពុជា អ្នកនាំពាក្យ និងជាប្រធានគណៈកម្មការ កិច្ចការបរទេស សហប្រតិបត្តិការអន្តរជាតិ ឃោសនាការ និង​ព័ត៌មាន​នៃរដ្ឋសភា បានចោទប្រកាន់តំណាងរាស្រ្តមួយរូប មកពីគណបក្សសង្គ្រោះជាតិ ពីករណី«ថ្លើមធំ» ប៉ុនប៉ងប្តឹងប្រធានរដ្ឋសភា លោក ហេង សំរិន ទៅក្រុមប្រឹក្សាធម្មនុញ្ញ។ លោកថា បើតំណាង​រាស្រ្ត អ៊ុំ សំអាន ដែលល្បីខាងបញ្ហាព្រំដែននោះ មិនដកចិត្ត មិនដកបណ្តឹង ប្តឹងប្រធានរដ្ឋសភានោះទេ គណៈ​កម្មាធិការអចិន្ត្រៃយ៍រដ្ឋសភា នឹងធ្វើការជំនួសសភាពេញអង្គ ដើម្បីឈានទៅដកអភ័យឯកសិទ្ធិសភា ពីលោក អ៊ុំ សំអាន មុននឹងប្រគល់លោក [...]

បញ្ហាគ្រួសារ បានធ្វើឲ្យយុវតី អាយុ២០ឆ្នាំម្នាក់នេះ រងនឹងវិបត្តិផ្លូវចិត្ត ម្ដងសើច ម្ដងយំ ម្ដងឈឺ ម្ដងជា... តើ​បញ្ហា​គ្រួសាររបស់នាង មានទំងន់ដល់កម្រិតណាទៅ ទើបបណ្ដាលឲ្យយុវតី ដែលមានឈ្មោះថា មាលា ម្នាក់នេះ ធ្លាក់​ខ្លួនដល់កម្រិតនេះ? អ្នកសារព័ត៌មានទស្សនាវដ្ដី មនោរម្យ.អាំងហ្វូ បានសាកល្បងចូលទៅជិតនាង ដើម្បី​ចង់​ដឹង​ពីបញ្ហានេះ។

មាលា មានស្រុកកំណើតនៅភូមិបូស ខេត្តកំពង់ធំ ហើយមិនមែនទើបនឹងចាកចេញ ពីផ្ទះក្នុងពេលថ្មីនេះទេ តែ​តាំងពី៣ឆ្នាំមកហើយ ពោលគឺតាំងពីនាង ទើបនឹងមានអាយុ១៧ឆ្នាំម្លេះ។ នាងបានរៀបរាប់ ទាំងភាព​ភ័យ​ខ្លាច ដូចជានរណាម្នាក់ មកចាប់នាងថា មូលហេតុដំបូង គឺម្តាយរបស់នាងមានស្វាមីថ្មី ហើយធ្វើបាបនាង យក​លុយ​កាក់ពីនាងអស់ ហើយដេញចេញពីផ្ទះ។

យុវតី បានរៀបរាប់បន្ថែមទៀតថា សព្វថ្ងៃនាងមានជម្ងឺម្យ៉ាង នាងខំព្យាយាមរកលុយព្យាបាល តែមិនទាន់ជា។ នាងបានប្រាប់ឈ្មោះឪពុកម្តាយ ទាំងអាការៈភ្លេចភ្លាំងថា ឪពុកឈ្មោះ ភាជន៍ [...]