All Articles of MONOROOM.info

តើនេះជាតំរ៉ុយតំបូង ដើម្បីឈានទៅរកឃើញ នូវយន្ដហោះបាត់ខ្លួន ដ៏អាថ៌កំបាំងជាងគេក្នុងលោកឬ? បំណែក​យន្ដហោះ ដែលត្រូវបានឃើញ អណ្ដែតមកទើរ នៅលើឆ្នេរនៃកោះរ៉េអ៊ុយញ៉ុង ជារបស់យន្ដហោះ MH370 របស់​ក្រុមហ៊ុនអាកាសចរណ៍ ម៉ាឡេស៊ីអ៊ែរឡាញ ដែលបានបាត់ខ្លួនយ៉ាងអាថ៌កំបាំង តាំងពីដើមខែមីនា ឆ្នាំ​២០១៤។ នេះជាការអះអាង របស់នាយករដ្ឋមន្ត្រីម៉ាឡេស៊ី លោក ណាជីព រ៉ាហ្សាក់ (Najib Razak) ពីរដ្ឋធានី​កូឡាឡំពួរ។

ការថ្លែងឡើងរបស់លោកនាយករដ្ឋមន្ត្រី បានធ្វើឡើង នៅមុនសេចក្ដីសន្នីដ្ឋាន​ជំហានដំបូងមួយ របស់អ្នក​ស៊ើប​អង្កេតបារាំង ដែលបានប្រកាសជាផ្លូវការ នៅថ្ងៃពុធទី៥ ខែសីហានេះដែរ។ លោក សែជ ម៉ាកូវ៉ាក (Serge Mackowiak) រដ្ឋអាជ្ញារងបារាំង ប្រចាំរដ្ឋធានីប៉ារីស ដែលទទួលបន្ទុក ការស៊ើបអង្កេតករណីនេះ បាន​ថ្លែង​នៅ​ចំពោះ​មុខ ក្រុមអ្នកសារព័ត៌មានថា បំណែករប៉ាត់រប៉ាយទាំងនោះ ពិតជាផ្នែកមួយនៃយន្ដហោះប៊ូអីង (Boeing 777) បើយោងទៅលើ ឯកសារសម្គាល់យន្ដហោះ [...]

នាង មីយ៉ាវ៉ាគី ស៊ូន តារាចម្រៀងជប៉ុន បានជ្រើសរើសតំបន់ប្រាង្គប្រាសាទដ៏ល្បីរបស់ខ្មែរ ដើម្បីថតចម្រៀង​កាយ​វិការរបស់នាង ជាពិសេសសម្រាប់ចម្រៀង មនោរសញ្ចេតនាមួយ ដែលមានចំណងជើងថា «បងតែ​ម្នាក់​ប៉ុណ្ណោះ ដែលអូនស្រមៃនឹក នៅក្នុងលោកនេះ» ដែលផលិតដោយក្រុម «Avex Group» ដ៏ធំរបស់ជប៉ុន ដែល​មានជំនាញខាងការកំសាន្ដ។

តារាចម្រៀងភ័ក្រស្រទន់ នាង មីយ៉ាវ៉ាគី អាយុ២៥ បានចេញមកប្រឡូក ក្នុងវិស័យចម្រៀង នៅអាយុ១២ឆ្នាំ ដោយបានយកប្រភេទចម្រៀង បែប«Pop» ដែលជាប្រភេទចម្រៀង ដ៏ពេញនិយមនៅជប៉ុន មកច្រៀង។ ថាស​ចម្រៀងចេញថ្មី របស់នាង ដែលមានចំណងជើង «ស្ត្រី (Girl)» ជាថាសចម្រៀងដំបូង ដែលច្រៀងដោយនាង តែម្នាក់ឯង ហើយត្រូវ​បាន​រៀបចំធ្វើ តាំងពី២ឆ្នាំមកហើយ។ នៅក្នុងថាសចម្រៀងនោះ មានបទ «បងតែម្នាក់​ប៉ុណ្ណោះ ដែលអូនស្រមៃនឹក នៅក្នុង​លោក​នេះ» ដែលជាបទទីពីរ។

ដំណើរការថតចម្រៀងនេះ នៅក្នុងប្រទេសកម្ពុជា នាង មីយ៉ាវ៉ាគី និងក្រុមការងារ [...]

បន្ទាប់ពីដាក់ឃុំសកម្មជនប្រឆាំង ទាំង១១នាក់ឡើងវិញ និងនៅក្រោយពេលមិន​ដល់ ២៤​ម៉ោង នៃការថ្លែងជា​សាធារណៈ របស់នាយករដ្ឋមន្ត្រីកម្ពុជា លោក ហ៊ុន សែន ឲ្យប្រកាស​តាម​ចាប់​ខ្លួន ​អ្នក​ជាប់ពាក់ព័ន្ធបន្ថែម ​ក្នុង​អំពើ​ហិង្សា​នៅ​ស្ពាន​នាគ ​ក្បែរ​ទីលាន​ប្រជាធិបតេយ្យ កាល​ពី​ថ្ងៃ​ទី​១៥ ខែ​កក្កដា ឆ្នាំ​២០១៤នោះ​ សកម្មជនបី​នាក់ ពីក្នុងចំណោម៥នាក់ផ្សេងទៀត របស់គណបក្សសង្គ្រោះជាតិ ត្រូវបានអាជ្ញាធរចាប់ខ្លួន ជាបន្តបន្ទាប់ និងត្រូវ​បាន​ចៅក្រម​ស៊ើបសួរ​ នៃ​សាលា​ដំបូង​រាជធានី​ភ្នំពេញ សម្រេចឲ្យឃុំខ្លួន ជាបណ្ដោះអាសន្ន ក្រោម​បទ​ចោទ​ចូលរួម​អំពើ​កុបកម្ម នៅថ្ងៃទី៥ ខែសីហានេះ។ សកម្មជនទាំងបីនាក់នោះ មានលោក គឹម ហួរ អាយុ២៨ឆ្នាំ លោក រឿន ចិត្រា អាយុ៣៣ឆ្នាំ និងលោក យា ថុង អាយុ២៧ឆ្នាំ។

កាលពីថ្ងៃចន្ទ ​លោក​ ហ៊ុន សែន​ បាន​បញ្ជាឲ្យ​អាជ្ញាធរ​ តាម​ចាប់​ខ្លួនជន ​ដែលពាក់ព័ន្ធនឹង​អំពើ​ហិង្សា​ ដើម្បីយក​មកផ្ដន្ទាទោស។ លោកនាយករដ្ឋមន្ត្រី [...]

មកទល់ខែកក្កដា ឆ្នំា២០១៥ មានកុមារឈឺធ្ងន់ចំនួន ១៣៦៧០នាក់ បានចូលមកព្យាបាល នៅក្នុងមន្ទីពេទ្យ​គន្ធបុប្ផា។ តួលេខនេះ បានកើនឡើង ៣០% បើធៀបទៅនឹងខែកក្កដា ឆ្នាំ២០១៤ ដែលមានចំនួន ១០២៣១​នាក់។ នេះបើតាមលិខិតមួយ របស់លោកវេជ្ជបណ្ឌិត បេអាត រីចឆ្នឺរ ប្រធាន និងជាស្ថាបនិកនៃមន្ទីពេទ្យ ដែល​បំរើព្យាបាលសំរាប់កុមារ ទូរទំាងប្រទេសកម្ពុជា ដោយឥតគិតថ្លៃ។

លិខិតបានសរសេរបន្តថា ក្នុងចំណោម កុមារទំាង ១៣៦៧០នាក់នេះ មានករណីជម្ងឺគ្រុនឈាមធ្ងន់ធ្ងរ ចំនួន ២២៤១នាក់ ខណៈខែកក្កដា ឆ្នាំ២០១៤ មានករណីគ្រុនឈាម ត្រឹមតែ ៣៣៨នាក់។ រីឯមានកុមារឈឺ ដែល​ទទួល​ការពិនិត្យព្យាបាល នៅផ្នែកពិគ្រោះជម្ងឺក្រៅ មានចំនួន ៦៩១៣២នាក់ និងឈានទៅដល់ការវះកាត់​ទូទៅ មានចំនួន ១៩៧២នាក់។

លោក វេជ្ជបណ្ឌិត រីចឆ្នឺរ បានសម្ដែងការព្រួយបារម្ភថា ជាមួយនឹងចំនួនកុមារ ដែលធ្លាក់ខ្លួនឈឺ ដ៏ច្រើន​សន្ធឹក​សន្ធាប់នេះ លោកនឹងពុំអាចរកប្រាក់ សម្រាប់ ៨៥% នៃគម្រោងថវិការទាំងអស់ [...]

លោក ធន សារ៉ាយ ប្រធានសមាគមការពារសិទ្ធិមនុស្ស អាដហុក បានលើកឡើងថា ឆមាសទីមួយឆ្នាំ២០១៥ ស្រ្តីនៅកម្ពុជា កំពុងប្រឈមមុខ នឹងការ«រំលោភសេពសន្ថវៈ» មិនថាក្មេង ចាស់នោះឡើយ។ បទល្មើសសេព​សន្ថវៈនោះ រួមមាន១៣១ករណី។ ក្នុងនោះ ជនរងគ្រោះជាកុមារី អាយុក្រោមប្រាំឆ្នាំ មាន៥ករណី, កុមារីអាយុ​ក្រោម១០ឆ្នាំមាន៣២ករណី, និងស្រ្តីអាយុក្រោម១៨ឆ្នាំមាន៦៣ករណី។ ជាមួយគ្នានេះ ស្រ្តីចាប់ពីអាយុ​លើ​១៨​ឆ្នាំឡើង មាន៣១ករណី ហើយករណីរំលោភរួចសម្លាប់ មានចំនួន៣ករណី រំលោភបូកមាន៦ករណី និងរំលោភ​ជនពិការ មាន១៥ករណី។

ថ្លែងក្នុងសន្និសីទសារព័ត៌មាន កាលពីព្រឹកថ្ងៃទី៥ ខែសីហានេះថា ប្រធានសមាគមសិទ្ធិមនុស្ស អាដហុក បាន​បញ្ជាក់ទៀតថា ករណីទាំងអស់ខាងលើនេះ កើតឡើងបណ្តាលមកពីការធ្លាក់ចុះ នូវក្រមសីលធម៌​របស់នៃអ្នក​ទាំងនោះ ការងប់ងុលនឹងគ្រឿងស្រវឹងថ្នាំញៀន ដែលបណ្តាលឲ្យមានហិង្សាមួយ កើតឡើង ដែលក្នុងនោះ រួម​មានហិង្សាក្នុងគ្រួសារជាដើម។