ស្រវឹងបើករថយន្តបុកម៉ូតូរួចរត់គេច រហូតសមត្ថកិច្ចឃាត់ជាប់
រថយន្តដែលបើកបរ ដោយស្ត្រីស្រវឹងម្នាក់នេះ មានពណ៍ស មិនស្គាល់ម៉ាក ស្លាកលេខ ភ្នំពេញ ២AF-០៨៣០ និងបានបើកបរក្នុងល្បឿនលឿន ទិសដៅពីត្បូងទៅជើង តាមបណ្តោយផ្លូវព្រះមុន្នីវង្ស។ លុះដល់ម្តុំស្តុបមេភ្លើង បានជ្រុលចង្កូត ទៅបុកម៉ូតូមួយគ្រឿង ធន់MSX ស្លាកលេខ ភ្នំពេញ ១BT-៧៧៣៩ ខណៈម៉ូតូនេះ ធ្វើដំណើរគ្នាពីរនាក់ ស្របនឹងផ្លូវខាងលើ។ នេះបើតាមការអះអាង របស់ប្រភពពីកន្លែងកើតហេតុ។
អ្នកឃើញហេតុការណ៍ បានបន្តថា ឡានបង្កបុកអូសម៉ូតូរងគ្រោះ ប្រមាណជា២ម៉ែត្រ បណ្តាលឲ្យបុរសម្នាក់ ក្នុងចំណោមគ្នាពីរនាក់ សន្លប់ស្តូកស្តឹងនៅលើផ្លូវ។ ក្រោយពីគ្រោះថ្នាក់ភ្លាមៗ ស្រ្តីម្ចាស់ឡានបង្ក បានព្យាយាមបើកឡានគេច មិនទទួលខុសត្រូវ។
រហូតមកដល់ម៉ោងប្រមាណ២១ និង៤០នាទីយប់ ថ្ងៃទី០១ ខែតុលា មន្ត្រីសមត្ថកិច្ចមួយក្រុម បានមកដល់កន្លែងកើតហេតុ និងបានពង្រាយគ្នា តាមឃាត់ខ្លូនស្រ្តីម្ចាស់ឡាន ដែលបើកបរទាំងស្រវឹងបង្កគ្រោះថ្នាក់ ដើម្បីឲ្យមកទទួលខុសត្រូវ [...]