All Articles of MONOROOM.info

យ៉ាងហោចណាស់មនុស្ស៣៥នាក់បានស្លាប់បាត់បង់ជីវិត និងជាង២០០នាក់ទៀត បានរងរបួស នៅក្នុងគ្រោះថ្នាក់​រថភ្លើង​រត់ចេញពីផ្លូវមួយ នៅភូមិ ស៊ាំងហ្សាក់ ឌឺ កុំប៉ូស្ទែល (Saint-Jacques de Compostelle) ផ្នែកខាងពាយព្យនៃប្រទេស​អេស្ប៉ាញ។ នេះជាការថ្លែងឲ្យដឹងរបស់ប្រធានក្រុមប្រឹក្សាតំបន់ ហ្គាលីស (Galice) លោក អាលប៊ែរតូ នូណេ ហ្វីចូ (Alberto Nuñez Feijoo)។

ទិដ្ឋភាពនៃរថភ្លើងដួលដេករណូករណែល នៅលើផ្លូវដែក។ (រូបថត Oscar Corral/Reuters)

លោកប្រធានក្រុមប្រឹក្សាតំបន់ បានអះអាងតាមវិទ្យុប្រចាំតំបន់មួយថា «មានមនុស្សយ៉ាងហោចណាស់ ៤៥នាក់ស្លាប់» ដោយបានបន្ថែមថាមានមនុស្សរបួសជាង២០០នាក់ផ្សេងទៀត។ លោកបានពិពណ៌នាពីទស្សនីយភាពរន្ធត់ខ្លោចផ្សារមួយ ដែលកើតឡើងពីគ្រោះថ្នាក់នេះ។

បន្ទាប់ពីមានការប្រជុំ«ពិសេស»មួយ របស់គ.ជ.ប នៅល្ងាចថ្ងៃទី២៤ខែកក្កដា ដើម្បីឆ្លើយតបនឹងសំណើរសុំតាមលិខិត ជាលើកទីពីររបស់លោក សម រង្ស៊ី ប្រធានគណបក្សសង្គ្រោះជាតិនោះមក គ.ជ.ប. បានសម្រេចជាថ្មីទៀត និងជាផ្លូវការ ច្រានចោលនូវសំណើរសុំនោះ។ ជាសេចក្ដីបដិសេធជាថ្មីទៀត បើទោះជាប្រធានគណបក្សប្រឆាំង បានលើកមកសំអាង នូវមាត្រាច្បាប់មួយចំនួននោះក៏ដោយ។

លោក សម រង្សី រូបថតនៅក្នុងបណ្ដាញហ្វេសប៊ុក របស់លោក។

លិខិតឆ្លើយតបរបស់ គ.ជ.ប ចុះនៅថ្ងៃទី២៤ខែកក្កដា ដែលមនោរម្យព័ងអាំងហ្វូ ទទួលបាននៅវេលាយប់ឡើងនោះ បាន​រក្សាទុកនៅដដែល នូវសេចក្ដីសម្រេចដែលខ្លួនបានធ្វើរួច និងបានប្រកាសនៅក្នុងលិខិតចុះថ្ងៃទី២២ខែកក្កដា ឆ្លើយតប​ទៅប្រធានគណបក្សសង្គ្រោះជាតិវិញ។ លិខិតនោះ បានច្រានចោល នូវសំណើរក្នុងលិខិតទីមួយចុះថ្ងៃទី២១ [...]

ខ្សែប្រយុទ្ធថ្មីរបស់ក្រុមបារាំង អាអេស ម៉ូណាកូ (AS Monaco) រ៉ាដាមែល ហ្វាលខាវ (Radamel Falcao) ដែលទើបតែផ្ទេរ មកពីក្រុមអេស្ប៉ាញ អាត្លិកទិកូ ម៉ាឌ្រីដ (Atlético Madrid) ក្នុងតម្លៃខ្លួន ៥៣លានផោន កំពុងតែរងការសង្ស័យ​ទៅនឹង​ការបន្លំបន្ថយអាយុ២ឆ្នាំ នៃអាយុពិតរបស់គាត់ ។

កីឡាករ រ៉ាដាមែល ហ្វាលខាវ កាន់អាវរបស់ក្រុមមូណាកូ។ (រូបថត Eurosport)

បច្ចុប្បន្នកីឡាករអន្តរជាតិកូឡុំប៊ី មានអាយុ២៧ឆ្នាំ នៅក្នុងបញ្ជីទទួលស្គាល់ជាផ្លូវការរបស់ហ្វីហ្វា (FIFA) ពោលគឺគាត់​កើត​នៅថ្ងៃទី១០ ខែកុម្ភៈ ឆ្នាំ១៩៨៦។

ប៉ុន្តែកាលពីថ្ងៃអង្គារ៏ម្សិលមិញ មានការបែកធ្លាយឯកសារមួយចំនួនធំ របស់អតីតខ្សែប្រយុទ្ធក្រុមអេហ្វស៊ីព័រតូ (FC Porto) រូបនេះ កាលពីគាត់នៅសិក្សាថ្នាក់បឋមសិក្សា។ [...]

លោកហ្គឺរ៉ាដូ ម៉ាទីណូ (Gerardo Martino) មានជំនឿថា ដោយសារតែបានកាណែនាំពីសំណាក់កីឡាករ លីយ៉ូនែល ម៉េស៊ី (Lionel Messi) ទើបធ្វើឲ្យគាត់ត្រូវបានក្រុមអ្នកមានបុណ្យបាសេឡូណា (Barcelona) ធ្វើការតែងតាំងជាគ្រូបង្វឹកថ្មី យ៉ាងភ្ញាក់ផ្អើល កាលពីថ្ងៃច័ន្ទកន្លងទៅ។

កំពូលកីឡាករ លីយ៉ូនែល ម៉េស៊ី របស់ក្រុម បាសឺឡូណា។ (រូបថត Marcelo del Pozo)

បុរសសញ្ជាតិអាស្សង់ទីន វ័យ៥០ឆ្នាំ បាននិយាយនៅក្នុងសន្និសីតសារពត៌មានថា៖ «គេដឹងពត៌មានលំអិតរបស់ខ្ញុំ​យ៉ាង​ណានោះ ខ្ញុំមិនដឹងទេ ប៉ុន្តែខ្ញុំយល់ថាឳពុករបស់ម៉េស៊ី និងខ្សែប្រយុទ្ធលីយ៉ូនែល ម៉េស៊ី ជាអ្នកជួយផ្តល់ជា​អនុសាសន៏ទៅ​ក្រុមបាសេឡូណា អំពីរូបខ្ញុំ។ ខ្ញុំជឿជាក់ថាពួកគេជាអ្នកជួយខ្ញុំ ព្រោះកន្លងមកយើងមានទំនាក់ទំនងល្អជាមួយគ្នា។»

អង្គការសង្គមស៊ីវិលបានធ្វើការទាមទារ ដោយជម្រុញឲ្យរដ្ឋភិបាលចាប់ខ្លួនលោក ឈូក បណ្ឌិត តាមអំណាច​សាលក្រម​របស់តុលាការខេត្តស្វាយរៀង ឲ្យបានមុនការបោះឆ្នោត ខណៈដែល ឈូក បណ្ឌិត នៅបន្តមានសេរីភាព បើទោះជា​តុលាការបានចេញសាលក្រម ឲ្យចាប់ខ្លួនជាងមួយខែហើយក្តី។

លោក ឈូក បណ្ឌិត អតីតអភិបាលក្រុងបាវិត។ (រូបថត CD)

សេចក្តីថ្លែងការណ៍រួម របស់អង្គការសង្គមស៊ីវិលចំនួនបី ដែលចេញផ្សាយនៅថ្ងៃទី២៤ ខែកក្កដា ឆ្នាំ២០១៣នេះ បាន​សម្តែងនូវការសោកស្តាយយ៉ាងខ្លាំង ចំពោះករណីលោក ឈូក បណ្ឌិត។ ពួកគេស្នើដោយទទូច ឲ្យរដ្ឋភិបាល​ចាំបាច់​ត្រូវនាំខ្លួន ឈូក បណ្ឌិត ដាក់ពន្ធនាគារ តាមអំណាចសាលក្រមរបស់តុលាការខេត្តស្វាយរៀង និងត្រូវឲ្យលោក ឈូក បណ្ឌិត បង់សំណងជម្ងឺចិត្តជូនកម្មការនីរងគ្រោះ តាមសាលក្រមផងដែរ។

សេចក្តីថ្លែងការណ៍ដដែលនេះ [...]