រកឃើញសត្វថ្មី ១២៦ប្រភេទ នៅអាស៊ីអាគ្នេយ៍ ជុំវិញតំបន់មេគង្គ
សត្វប្រជៀវ ប៊េហ្សេប៊ុដ ពស់មានភ្នែក ដូចកែវពេជ្រចរណៃ ត្រីខ្វាក់រស់នៅក្រោមដី សត្វកង្កែបចេះច្រៀង ... ទាំងនេះជាប្រភេទសត្វ ដែលគេទើបនឹងរកឃើញថ្មីៗទៀត នៅជុំវិញតំបន់ តាមបណ្ដោយដងទន្លេមេគង្គ។
ប្រភេទសត្វពស់ ដែលគេទើបនឹងរកឃើញនៅវៀតណាមខាងត្បូង និងនៅកម្ពុជា។ រូបថត WWF។
ដូចជារៀងរាល់ឆ្នាំ អង្គការមូលនិធិពិភពលោក សម្រាប់ធម្មជាតិ (World Wide Fund for Nature ឬ WWF) បានចេញរបាយការណ៍របស់ខ្លួននៅឆ្នាំនេះ ស្ដីពីប្រភេទសត្វដែលទើបនឹងរកឃើញថ្មី នៅជុំវិញតំបន់ តាមដងទន្លេមេគង្គ។ ជាគម្រោងទី៥ ដែលមានឈ្មោះថា «សត្វពិភពចម្លែក» បានបង្ហាញពី ១២៦ប្រភេទផ្សេងទៀត រកឃើញនៅឆ្នាំ២០១១កន្លងទៅ។ អង្គការនេះ ក៏បានរកឃើញកន្លងមករួចមកហើយ [...]